ولو انك تلاحظ شفت عيني وهي تروي حديث الحب عني .

Part 14

يوم جديد
قام على صوت ابوهم يقومهم لصلاة الجمعه
هاشم بغضب : ورع قم يلا اخلصو علي تراني متأخر
منيف وهو توه متسبح و يلبس ثوبه : تونا يبه منت بمتاخر ان شاءالله
هاشم ب ابتسامه: والله محد يبرد كبدي الا انت
حبه على راسه منيف و بعدها دخل حمد و عبدالوهاب : يله مشينا
طلعو مع بعض و قابلو عبدالعزيز و سعود
سلمو على بعض بعدها مشوو متجهين للمسجد
وصلو المسجد و بدا عيال هاشم يبخرون المسجد
كعادتهم كل جمعه يبخرونه و يبخرون المصلين لي في المسجد و لكل يدعي لهم
منيف وهو يبخر عبدالعزيز : طاب طيبك
منيف ب ابتسامه : و عاش حبيبك
بعدها طلعو من المسجد

كانت قاعده على تسريحه تسوي شعرها ويفي من تحت و لابسه مخور احمر و كان يجنن عليها حلة البس سوت ميكب يبرز شوي ملامحها بلشر ديور و مسكرا و حطت ظل نود و حددت شفايفها بمحدد بني و حطت روج احمر و كانت فاتنه بكل ماتحمله الكلمه من وصف
و بعدها نزلت تحت لقت امها
ترف : يله ماما مشينا
شيخه ب اعجاب: ذويقه طالعه على امك
ضحكت : مانجي ربعك يا شيخه
ضحكو و بعدها طلعو متجهين لبيت هاشم عازمين بيت عمهم مسعود و بيت عبدالعزيز و ام ذياب و خواته ( فرح عمرها 23 و دلال عمرها 20)

نجلاء : جيبي البخور من غرفتي يا امي انتي اذا مافيها كلافه
ريم : و شدعوه خالتي اي كلافه و قامت تجيب البخور من الغرفه
مها : يمه خلاص جهزنا كل شي
مضاوي: اي خلصنا كل شي
نجلاء ب ابتسامه : الله يرزقكم رزق الحلال من اوسع ابوابه قولو امين
ابتسموا بحب : امين
جت ريم و نوره ماسكه يدها : امسكي خالتي
نجلاء بحب ل نوره : الله نوني وريني فستانك
ابتسمت نوره : ثوفي يمه فستاني و دارت وهي ماسكه الفستان
مها : الله نوني وش ذا مره تهبلين ماشاءالله
مضاوي: تعالي البسي سلسالك
و لبستها سلسال حقها
و صلو ترف و شيخه و ساميه و بناتها و ام ذياب و بناتها
ام ذياب وهي تناضر مضاوي واشرن لها تجي جمبها
استغربت مضاوي ولاحظو مها و ترف و استغربو بس قالو لها تروح
راحت و قعدت ام ذياب تسولف معها
ام ذياب : وش اخبارك يا مضاوي
مضاوي ب ابتسامة مجامله : الحمدالله ، انتي كيفس بشرينا عنك ؟
ابتسمت ام ذياب : الحمدالله طيبه
و مسحت على شعرها و بحنان : يا حلوك يا مضاوي
مضاوي ب ابتسامه : حلة دنياك يا ام ذياب
ابتسمت ام ذياب
و قامت مضاوي تضيفهم و تصب لهم قهوه هي و ترف
عند البنات
انفال : ترف وش رايك تجينا البيت ؟
ترف لي انحرجت و ماتبي تروح لهم
انقذتها مها : ترف حقتنا تبون تشوفونها تشوفونها عندنا
دانه ب كره : لي يسمعك يقول بناكلها خلوها عندكم و اشبعو فيها
ترف ب ابتسامه مستفزه ل دانه : طيب وش فيك زعلانه انتي !
وحركت شعرها ب دلع استفزاز ل دانه
فعلاً استفزت دانه و ضحكت مها على شكل دانه
وقرصتها مضاوي و بهمس بينهم : مها و وجع لا تضحكين عليها حرام عليس
مها : اوفف مضاوي خليني اضحك
حصه لي تبي تغير لموضوع : المهم بنات كيف الحلا لي مسويته
ابتسمت ترف لها : كل شي منك حلو
ابتسمت حصه : يا حبيبتي انتي ، احس مو متعوده على لهجتك لأن انتي تتكلمين ب لكاف كيفك ، شخبارك اما احنا ب سين وش خبارس ، كيفس
ضحكت مها: صح تروفتي تتكلم بالكاف بس بهكرها معليكم
ضحكو البنات
-
كان يسولف ل اخوه عن الموقف لي صار له فبيت عبدالعزيز وهو هيمان و عاشق لكن لي ماحسب حسابه ان منيف سمع كل شي من البدايه لين النهايه
حس ان جوفه يحرقه ما يدري ليه تنرفز و عصب و حس انه وده يخنق مرزوق قام من المجلس بكبره لأنه لو قعد بيرتكب جريمه ب مرزوق
الكل لاحظ عصبية من شكله لي يصير مرعب و يخوف اذا عصب
عم صمت في المجلس ثواني بعدها بدت يعج المجلس بسوالف وضحك
وقف عند الجمس حقه و بداء يدخن يحرق جوفه
بعد مرور ٦ دقايق
طلع مرزوق من المجلس للمغاسل
شافه منيف لي كان يدخن رما الدخان على الارض يطفيه
و يلحق مرزوق المغاسل