ولو انك تلاحظ شفت عيني وهي تروي حديث الحب عني .

Part 10

قاعد يفطر هو و شيخه  و سعود التفتو كلهم على نزول ترف من درجه تدندن اغنيه و مروقه
عبدالعزيز ب ابتسامه : يا صباح الروقان
ابتسمت و نزلت تسلم عليه و قعدت معاهم يفطرون
سعود : يبا انا طالع بعد ما اخلص فطور
عبدالعزيز وهو يأكل : على وين ؟
سعود : بروح مع العيال نجهز لعزيمة ليوم
عبدالعزيز: زين ما تسوي و انا بروح ل هاشم
خلصو فطور .
و طلعو سعود و عبدالعزيز و شيخه و ترف قاعدين يشربون اسبريسو و يسولفون
ترف : ماما ايش راح تلبسي ؟
شيخه : ابلبس فستان لونه احمر طويل علاق فيه فتحه صغيره من تحت و شوي ماسك مع اكسسوارات فضيه
ترف لي تخيلت شكلها : الله ماما  مره حلو و مرتب ماشاءالله
شيخه ابتسمت : وانتي وش راح تلبسي
ترف بتفكير : ما اعرف اوصفه بتشوفينه ان شاءالله بلبس
شيخه : تمام
-
بالعزبة ...
منيف بغضب و بشكل يخوف : ورع انت وهو قومو يالله اشتغلو
حرفياً كلهم انتفضو خوف من عصبية منيف و شكله و قامو كلهم يشتغلون
بعد مرور ٤ ساعات
ابتسم برضاء على شغلهم
سعود وهو يحك دقنه : اي ابتسم لاعد تعصب و لا شكلك يخرع وانت معصب
ابتسم منيف وحك خشمه بحيث مايبين ابتسامته
منيف بصوت عالي : يالله اركبو سياره عشان نرجع البيت
ذياب : منيف بالله وقفني على طريقك عند الحلاق
منيف : ماله داعي انا احلق لك
سعود : اما تعرف تحلق ؟
هز راسه منيف ب ايه
سعود ابتسم : ماشاءالله عليك يا منيف تعرف لكل شي
ابتسم منيف ل سعود وهل مره بين ابتسامته ل سعود
ذياب بهمس ل منيف وهو يناظر سعود : و راه خويكم يمدحك واجد
ضحك له منيف : ما خبرتك غيور ي ذياب القلب
ابتسم ذياب : غصباً عنك انا القلب
منيف : لو انه غيرك قال ذا الكلام صفقته
ذياب ب ابتسامه : بس انا ذياب القلب
ضحك منيف
-
مها : يمه خلاص تعبت
نجلاء: حتى انا تعبت والله بس خلاص ما بقى الا الحلا وينه
دخلت ترف عليهم : هاذاني جيت
ضحكت نجلاء: انشهد انك الحلا
ضحكت ترف : امي قالت اجيب لكم الحلا لأنكم مشغولين و توقعت انكم نسيتو الحلا
نجلاء: ماتقصر شيخه و بنت شيخه
ابتسمت ترف : يله انا بروح عشان اقابلكم باليل و انا كاشخه
ابتسمت مها : بحفظ الرحمان
-
ركبو سياره مع منيف بعد تعب انهد حيلهم وهم يجهزون الخيام لرجال كانت سيارة هدوء كلهم تعبانين مد يده منيف للمسجل وشغل
بدر بن عبدالمحسن -  وتهب في صدري هبوب
و كان في قمة  روقانه وهو يسمع بدر بن عبدالمحسن يحبه ويحب كلامه و هدوءه و قصيده
كان ذياب يتأمل منيف لي مبتسم بوسع ثغره وهو يسمع ل بدر بن عبدالمحسن يعرف انه يحبه
ذياب ابتسم : يا حظ بدر بن عبدالمحسن ب هالحب
ابتسم منيف : عارف اني حلو بس مو درجة انك تتأملني
ضحك ذياب و طقه : انقلع بس
ناظر منيف بالمرايه ل ورا يشوف حمد و سعود لي نايمين من تعب
ضحكو منيف و ذياب على اشكالهم تعبانه
منيف ناظر ذياب : نوديهم البيت و نروح مكانا ؟
ذياب ابتسم : تمم
نزلو حمد و سعود البيت و راحو المكان لي كلهم يحبونه من كانو صغار
-
هاشم و عبدالعزيز بالقهوه
يسولفون ويضحكون و كانو الكل يشوفهم و يبتسم على صداقتهم
-
نزلو من سياره مبتسمين يناظرون مكانهم من بعيد
هاذي مزرعه هجروها اصحابها جمب المزرعه في مطل جميل و منيف و ذياب مسويين جلسه جمب ها لمطل الجميل كان المطل اشجار و ورود من كل الانواع وجميع الالوان و بركه صغيره كانت نظيفه مره و المكان كان يفتح نفس و كل مره تتيح لهم الفرصه يجونا ذا المكان منيف و ذياب محد يدري عن ذا المكان الا هم ومحد يجي هنا الا هم و كان في مكان مرتفع مره يقعدون فيه يطل على انوار ديره
ذياب ل منيف : اسوي شاهي ؟
منيف : اي عاد محد يفوز عليك ب شاهي
ابتسم ذياب وهو يبي منيف يروق  وشغل ل منيف - قصايد خالد الفيصل بصوت محمد عبده -
ابتسم منيف بوسع ثغره : حاط لي تحبه خالد الفيصل بعده حط لي احبه بدر بن عبدالمحسن
ضحك ذياب : اقول دز بس طول الطريق نسمعه الحين دوري
انشغل منيف ب الاجواء و هدوء المكان و جمال المنظر حرفياً هنا منيف يروق و يهدا باله
جاء ذياب ب شاهي وصب ل منيف
منيف التفت له و خذا شاهي
ذياب : بنلعب
منيف عقد حاجبه بمعنى وش نلعب
ذياب : قول قصيد وبرد عليك بقصيد
ابتسم منيف لي يحب هالعبه وهو لي اخترعها من حبه شديد للقصيد
منيف وهو يناظر المطل ويشرب شاهي :
هب نسناس الهوا لي من شمال
حامل ريح الخزامي والنفل
من فياضٍ ظبيها يلعب دلال
لى لمح ظله من النشوه جفل
يذبح العشاق صعاب المنال
كم شطير بالقناصة قد قتل
مثل شمس العيد فضاح الجمال
كل نجم لا ظهر نوره افل
خصني بمواجه السحر الحلال
واشهد ان السحر في قلبي نزل
ضاري بمقابل فحول الرجال
وارتعش قلبي من الفتنه خجل
قلت راح العمر من دون الوصال
قال لو حاولت يا القاطع حصل
قلت لوني طامع لو بالخيال كان بدلت التوجد بالأمل
يا ندى الغيمه على ورد الجبال يا عبير زهور ريضان السهل
اجتمع حسن الحلا بك والجلال  ما تبدل بك مع العالم بدل
ذياب ابتسم ب اعجاب : الله عليك الله
ابتسم منيف : يالله غرد اطربني
ذياب : عقب لي قلته ماظنتي افوز عليك
منيف بغرور و مزح : هاذي خالصين منها بس اخلص قل لي عندك
ضحك ذياب : ياشينك بس مايحضرني شي والله قلت كذا عشان تطربني بقصيدك بس ههههههه
منيف : شرها على لي يصدقك يا خضير
مات ضحك ذياب بعد كلامه
و رجعو لبيوتهم عشان عزيمة الليل .
-
بدو يلبسون و يجهزون للعزيمه
ترف سوت ميكب مره كان محليها فوق حلاوتها حطت ظل لونه وردي نود وسوت ايلاينر لونه نفس ظل رفع عينها وحلاها و حطت بلشر و مسكره و رموش طرف و حددت شفايفها و حطت تنت ب نص وفوقه و قلوس و فستانها كان هاذا 👇🏼  وشعرها كانت مسويته تكسير نفس صوره