ولو انك تلاحظ شفت عيني وهي تروي حديث الحب عني .

Part 25

قامت ب انزاعاج من صوت الجوال لي يدق التفتت و شافته جوالها اخذته و ردت من غير ماتشوف الاسم
: هممم
شهقت : نايمه !! في احد ينام الحين !!
ترف : الحين انتي وش تبين !
ضحكت مها: قومي بنروح العزبه عند حلال بابا على قولتك
ابتسمت ترف من هبال مها : يله جايه يا الخبله
ضحكت مها : انا وريك اذا جيتي اجل انا خبله !
ابتسمت ترف : مع سلامه بس بقوم البس عشان اجيكم
قفلت

نهت الاتصال و نزلت جوالها وهي تضحك
نجلاء : ها بتروح معاكم !
مها : اي يمه
نجلاء : زين اجل روحي ساعدي مضاوي بمواعين المطبخ على بال ماتجي ترف
هزت راسها و قامت متجها للمطبخ
-
نزلت تحت ب استغراب من عدم وجوده
شافت خديجه
ابتسمت : صباح الخير خديجه
التفتت و ابتسمت من ابتسامتها : صباح الورد من الورد نفسه
نزلت تحضنها
ابتسمت بوسع ثغرها و اكملت خديجه : افطرتي ؟
ترف : لا
ابتسمت خديجة : وش تبين اسويلك ؟
ترف : اي شي ، انتي افطرتي ؟
هزت راسها ب لا
اكملت : اجل سويلنا فطور انا و انتي
ابتسمت خديجة : اجل بتذوقين الذ فطور
ابتسمت ترف
و راحت خديجة تسوي الفطور و شغلت ب سماعات البيت عبدالحميد حافظ و تدندن معاه و تغني
ابتسمت ترف : تحبين اغاني عبدالحميد حافظ ؟
هزت راسها و نطقت : من انا و صغيره كنا نسمع له انا و امي الله يرحمها
ترف : الله يرحمها ، اجل انا من محبين اغاني ام كلثوم
خديجة وهي تطبخ : الله ذوقك لا يعلا عليه
ابتسمت و اردفت : وينه ؟
خديجة : منيف !
هزت راسها
خديجة : هو يقوم بدري مره و تلقينه الحين مع ذياب بالمحل
ترف : اها زين اجل
-
في السوق تحديداً محل البشوت و الثياب
منيف بغضب مكتوم : هاذي اسعارنا
الرجال : ياخي غاليه
منيف : انت تشوف الاقمشه دور بالسوق اذا لقيت نفس الاقمشه و الجوده لي عندنا تعال بعطيك بلاش
الرجال وهو يشوف الاقمشه : داري ان اقمشتكم نادره و جودتها عاليه مافي منها بسوق هاشم مايبيع اي شي
منيف : بتشتري !
الرجال : شكوى لله بشتري
دخل ذياب : السلام عليكم
ردو السلام
طلع الرجال و التفت ذياب : وش فيك ؟
منيف : ذا ابلشني اسعاركم غاليه و اسعاركم غاليه اذا ماتبي تشتري غيرك يبي اطلع
ذياب : ماعليك منه امش بس نروح القهوه
منيف بصوت عالي : فراج فراج
طلع فراج من غرفة الخياطه لي بالمحل : لبيه !
منيف : امسك المحل بروح و شوي اصلن ويجي حمد
هز راسه فراج
و طلعو ذياب و منيف
-
طلعت من بيتها و شافت الورود انحنت لها تسقيها مويه
و اخذت من الورد تحطه فوق اذنها
فتحت الباب لي يفصل بين بيتهم و بيت هاشم دخلت
و شافت نجلاء و ريم قاعدين بالحوش
نجلاء : حي الله من جاني
ابتسمت ترف : الله يحيك و سلمت عليهم
ترف : كيفكم ؟
نجلاء : الحمدلله بخير
ريم : بخير
ترف : الحمدلله ، الا وين البنات
جت مها وبيدها صينية الحلا : البنات بقلبك
ضحكت ترف و سلمت على مها
مها وهي تقطع من الحلا : تروفه افصخي عبايتك العيال كلهم طالعين
هزت راسها و دخلت جوا تفصخ عبايتها و تعلقها
فصخت العبايه كانت لابسه جينز ابيض و تيشرت سماوي قصير نوعاً ما و لابسه تحتها بدي ابيض و نظاره سودا رافعه فيها شعرها و تاركه شعرها المموج على راحته و حاطه ميكب خفيف جداً و شوز جوردن لون سماوي
طلعت لهم بالحوش و التفتو من جت و ابتسمو من شكلها لأنها كانت مختلفه بينهم
قعدت وسألت : وين مضاويتي ؟
نجلاء : فوق بغرفتها روحي ناديها
ترف : من عيوني ثنتين
دخلت و رقت فوق توجهت لغرفة طقت الباب
مضاوي: تعالي تروفه
دخلت و سكرت الباب : شلون عرفتي اني ترف ؟
ابتسمت مضاوي وهي ترفع شعرها على فوق : لأن انتي الوحيده لي تطقين الباب قبل ماتدخلين الكل يدرعم على طول
ضحكت ترف و راحت تحضن مضاوي: احُبك موت
مضاوي : اتخرفن اذا قلتيها بالحجازي ( احُبك )
ضحكت ترف : يله ننزل عند خالتو نجلاء
مضاوي مسكت يدها : اجل يله ننزل عند خالتو
ضحكت ترف و نزلو تحت مع بعض
نجلاء شافتهم نازلين مع بعض و مضاوي مبتسمه بوسع ثغرها : لو ندري ان ترف بتخليك تبتسمين كذا كان محد بيناديك غيرها
ابتسمت مضاوي
مها تغمز : اموت انا على الابتسامة
كشرت مضاوي وقعدت
ترف : افا مين مزعل مضاويتي
مها : مضاويتك دلوعة
مضاوي شهقت : انا دلوعة !!!
ترف : وش فيك !
مضاوي : تخيلي ترف امي مخليتني اغسل المواعين و اليوم اصلن دور مها تبن
ضحكو مها و ويم
نجلاء : يا امي انتي اختك عندها عذرها و كان بطنها يعورها
مضاوي وهي تشرب القهوه : مافيها شي شوفيها بس تتمسكن
ضحكت ريم : انتي و ياها تحفه
جت نوره تركض : ماما ماما
ريم التفتت : لبيه
نوره : بابا يبيك
غمزت مها : روحي تهني
و ضحكو البنات
نجلاء : اصه يا قليلات الادب روحي يا امي لزوجك
ريم وهي تلبس جزمتها : انقلعو يا قليلات الادب بس بسمع كلام خالتي بس
ضحكت مها : صادقه روحي عشان تعلمينا بعدين ايش لي حصل
ضحكو البنات بقوه بشكل هستيري و اصواتهم ارتفعت
دخل منيف ب استغراب من صوت ضحك العالي و ابتسم يشوف خواته متسدحين على الارض من ضحك و ترف قاعده على الكنب و ماسكه بطنها و تضحك
منيف ب ابتسامه : وش جاكم انتو
ارفعو البنات نظرهم ل منيف و غمزت مضاوي: اوه الحين دور تروفه
شهقت ترف : اص يا قليلة الادب بس
نجلاء : اقعد بس تقهوا يمه معليك من المهبل ذولي
منيف قعد : لا بس يمه توني متقهوي مع ذياب
نجلاء : اجل انا بدخل بشوف ابوك توه جاي
دخلت و قعدو البنات و منيف مع بعض
مها : منيفي تدري اني احبك ؟
منيف : وش تبين ؟
ضحكت مضاوي : صار يعرف اسلوبك اذا تبين منه شي
ابتسمت ترف لهم و كملت مها : عادي نزوح نشتري من الكوفي
منيف : بعيد مره مره بعد
مضاوي : تكفى منيف من زمان ماطلعنا
منيف شافهم و نطق : يالله روحو البسو عباياتكم ولا تتأخرون
ركضو مها و مضاوي يلبسون و بقت ترف
منيف : روحي البسي عبايتك يله
ترف دققت النظر فيه : وش في وجهك ؟
منيف : وش ؟
ترف : تعبان !
منيف : لا بس تعبت اليوم بالشغل
ترف : ارتاح شوي مو لازم نروح الحين ترا
ابتسم يشوف اهتمامها : لا بوديكم قبل بعدين بدخل ارتاح
ترف هزت راسها و قبل ماتقوم نطقت : اكلت ؟
منيف : اي يا امي انتي
اخفت الابتسامه لي طلعت منها و مشت تروح تلبس عبايتها
طلعو كلهم لابسين عباياتهم
منيف شافهم : ماشاءالله لأن بتطلعون ما تأخرتو
ابتسمو و طلعو بعد ما بلغو نجلاء و هاشم انهم بيطلعون
-
- في الرياض -
تحديداً قصر العالي
قاعد في صاله الكبيره جداً حوالينه احفاده و عياله ب اكملهم و الخدم حوالينهم يخدمونهم
قاعد في صدر الصاله و بيده اليمين عصاته السوداء لي من فوق على شكل راس اسد نطق : وين الترف !
عبدالعزيز: عند زوجها في ديرتهم
ضيدان : بلغهم يجونا من زمان ماشفت حفيدتي
عبدالعزيز : سم
مايا وقفت عند الهام و بهمس : طال عمرك الغداء جهز
هزت راسها و وقفت متجها لغرفة الطعام تشوف الاكل و الترتيب
ابتسمت برضاء على شكل الطاوله المرتب : شاطره يا مايا
مايا ب ابتسامه : نتعلم منك طال عمرك
توجهت لصالة الكبيره
و بصوت جهوري : يله حياكم الغداء جهز
الكل يستنى الجد ضيدان يقوم بعدين الكل يقوم بعده
قام ضيدان و بعده قامو كلهم متجهين لغرفة الطعام
صورت وعد الطاولة ل ترف و كتبت لها
وعد :" اليوم مثل العاده مجتمعين و الحين بنتغداء و الله فاقدتك يا حيوانة تعالي بس اتركي منيف ههههههه "
-
في سيارة منيف
مشغلين محمد عبدو و مضاوي و مها يغنون معاه و منيف يسكتهم
ابتسمت تشوف بساطتهم الحلوه
ارفعت جوالها من جاها اشعار فتحت جوالها تشوف الرساله
ابتسمت بحب تشوف رسالتها و كتبت :" ماتتخيلن قد ايش مشتاقه لكم و بالاخص انتي مره مشتاقه لكم و لنجد و لجلستنا مع بعض و لغرفتي و لبيتنا و لكل شي معاكم احس ببكي 🥹 "
وعد :" تعالي الرياض "
ترف :" بشوف بقول ل منيف و غصب بيوافق "
ضحكت وعد :" اموت انا على ساطيه "
ابتسمت بحزن و سكرت جوالها
لاحظو كلهم حزن ترف المفاجأ لهم لكن ما تكلمو وصلو الكوفي
مضاوي: منيف نبغى ننزل
هز راسه و نزلو البنات فتحت الباب حقها لكن مسكها من معصمها
لتفتت تشوفه ، منيف : وش فيك ؟
ترف بكذب : ولا شي
منيف : شلون ولا شي وجهك تغير
ترف سكتت و ماضغط منيف عليها سكت و نزلو
مها بحماس : الله تروفه شوي ديكور حق الكوفي
ترف تحاول تجاريها لأنه عادي مره و مافيه شي واو او يمكن شافت الافضل منه ماتدري : اي حلو
مضاوي : تروفه وش تبين ؟
ترف : ابغى كولد برو و كوكيز
مضاوي : وانت منيف
منيف ب ابتسامه : ابغى نفس ترف
ابتسمت ترف له
مها : وانا ابي سبانش لاتيه
مضاوي : تمام وبدت تطلب لهم مع حلا
قعدو على الطاولات الموجوده و بعد دقايق جاء الطلب و كانت ترف تبغى تشوف ملامح منيف بعد ما يذوق الكولد برو
ذاق منيف الكولد و كشر من مرارت الطعم
ضحكت ترف : كنت متوقعة
نزل منيف لكاس : كيف تشربينه ! مر ؟
ترف : لأنه يعجبني
ضحكو البنات و راح يطلب له كابتشينو
رجع و قعد معاهم
مها : بنات شفتو ام حازم
ترف : من هاذي !
مها : شفتي لما جيتي عندنا اول عزيمه حضرتيها عندنا كنتي لابسه فستان اورنج
ترف : اي تذكرت لكن ماعرفت الحرمه ؟
مضاوي : لي كانت تبي تخطبك لولدها ممدوح
ترف : اهاا
منيف شد على قبضته بقهر
مها : تقول ان ترف رافضة ولدي و الحين تتزوج منيف
منيف بعصبيه يحاول يخفيها : اي رفضت ولدها و تزوجتني وش تبي هي ! و وش دخلها بعدين تقارني بولدها الرخمه
ترف : الحمدالله وشكر بس هاذي لي اقدر اقوله
مضاوي : اي والله صدقتي
-
في بيت هاشم
حمد : وينهم !
نجلاء : طالعين منيف اخذ البنات و راحو يتمشون
حمد شهق : و سحبو علي حسبي الله بس
نجلاء طقته بشويش : لا تتحسب على عيالي يا ورع !
حمد : اي شكلي انا ولد الجيران
ضحك هاشم و قعد
حمد : يبه تسمع وش تقول امي طلعو و خلوني ! وش انا مو اخوهم
هاشم ضحك : منيف ماخذ زوجته معاهم
حمد : اها
-
ضحك البنات يصدى ب سياره و منيف يضحك معاهم
" فلاش باك "
طالعين من الكوفي
مها : سبانش لاتيه حلو
منيف : حتى الكابتشينو لذيذ
مضاوي : وانا بعد قهوتي لذيذه
مها : لكن لو...
التفتتو من سكتت وشافوها تطيح من درج
مها بوجع : احححح
ضحكو كلهم
مها : وجع بلا وجع بدال ماتسمون علي
ترف راحت لها تقومها : بسم الله عليك
و تنفض عبايتها لمليانه غبار و منيف و مضاوي ميتين ضحك
" نرجع للواقع "
مها بغضب : اسكتووووو كلكم نذلين
شهقت ترف : يا حيوانه انا نذله انا لي ساعدتك
ابتسمت مها : محشومه انتي عنهم
و رجعو يضحكون و هالمره كلهم حتى مها

دخلو البيت و التفت حمد لهم
حمد : ماشاءالله جو الخاينين
ضحك منيف : معوض يا ابو سعود معوض
ضحكت مها
دخلو جوا و قعدو يسولفون
دخل العم هاشم و ناظر منيف: بعد العصر روح العزبة شوف الحلال و نجديه يقولون تعبانه جبلها البيطري
منيف : ابشر
و التفت على حمد : وانت بكره روح استلم دفعه الجديده من الاقمشه
حمد : ان شاءالله
قعد معاهم يسمع اطراف حديثهم و التفت لبنت صاحبة يشوف شرودها و نطق : الترف !
كانت تهوجس و صوت افكارها اعلا من صوتهم
التفتو يشوفون شرودها و رجع نطق : يا الترف
صحت على نفسها من هزها منيف ينبها و نطقت : لبيه
ابتسم بخفه : وين رحتي !
ابتسمت ب احراج : لا معاكم
العم هاشم : تعبانه ؟
ترف : لا بس راسي مصدع
العم هاشم : ولا لايكون بيجينا حفيد جديد ؟
شرقت بالمويه
و نطقت نجلاء : لا توهم معاريس جدد
منيف ب احراج : اي صادقة امي
ترف قامت : عن اذنكم بروح بيتي
نجلاء : فمان الله
اختلفت ردود البنات : مع السلامه ، تعالي العصر ، باي
طلعت من بيتهم و فتحت الباب لي يفصل بين بيتها و بيت هاشم لكن التفتت من سمعت صوته
ترف : هلا
منيف : وش فيك ؟
ترف ابتسمت : مافيني شي بس برتاح شوي
منيف : تمام
دخلو مع بعض و التفتت : منيف اذا جيت بتروح قولي بروح معاك
انصدم : بتروحين العزبة !
هزت راسها : اي شفيك مستغرب ؟
منيف : لا بس مين يصدق ان ترف العالي بتروح العزبة عند الحلال
ضحكت ترف و نطقت بعدها : ابي اعيش معاك حياة مختلفه حياه تشبهنا بدون فشخره و مظاهر ابي اجرب معاك كل شي ماتوقعت بيوم اسويه
ابتسم : وش يسعدك، علمني كيف أنا أسعدك وكيف الحزن ينساك وعنه يبعدك وش يسعدك، إني أعيش العمر لك وإني أكون ناسك هلك وأدللك علمني كيف أسهر عشان إنت تنام يمر بك غيم ومطر وأصير لك وآخذ من أيامي الفرح وأعطيه لك أعطيك من عيني ضيا وأتأملك
ابتسمت بوسع ثغرها لدرجة بانت غمازاتها من حلو كلامه
قطعت نظراتهم دخول خديجة با احراج : اتمنى اني ماقاطعتكم 😅
ابتسمو ، ترف : لا شدعوه
اكملت :

يتبع....
وش رايكم بالاحداث ؟
رايكم يهمني 🩵👋🏼