ولو انك تلاحظ شفت عيني وهي تروي حديث الحب عني .

Part 18

صباح يوم جديد
متجمعين عيال عبدالعزيز و عيال هاشم ب مجلس عبدالعزيز
بعد الملكه امس
هاشم : الا يا اخوي متى نفرح ب منيف و بنتك
رفع وجهه عن الجوال يناظر حديثهم
عبدالعزيز: انت متى ودك نملك لهم ؟
هاشم : شوف احنا اليوم بنرجع كلنا الديره صح
عبدالعزيز: اي صح
هاشم : اجل اليوم بعد اذان العشاء نجيب الشيخ يملكهم بعدها نمشي ديره
عبدالعزيز : والله ازين بس ببلغهم و بجيك
هاشم : ابد خذ راحتك
طلع من المجلس دق على شيخه
: الو
شيخه : هلا يا ابوي سم ؟
ابتسم : تعالي انتي و ترف بالحوش بكلمكم
شيخه : طيب
بعد دقايق طلعو هي و ترف
ترف : لبيه بابا
عبدالعزيز : اتفقنا انا وهاشم ان اليوم بعد العشاء بتملكون انتي و منيف و بعدها بنمشي للديره كلنا
شهقت بصدمه و سكتت
شيخه بفرح : ازين شي والله
ناظر صدمتها و سكوتها : انتي وش رايك !
سكتت بصدمه وهزت راسها : انت وش ودك ؟
عبدالعزيز : انتي لي بتملكين انتي وش ودك ؟
ناظرت فرحة امها و ابوها : دام انت موافق انا موافقه
دخلت وخلتهم رقت على طول فوق غرفتها
ترتب افكارها و تجمع شتاتها
~
رجعت تفكر بينها وبين نفسها نحس انها مكتومه و تبغى تصيح بس دموعها رافضه تنزل و تريحها
فرشت سجادتها و بدت تصلي و تدعي ربها ان يكون خير لها و هي تدعي صاحت صاحت من كل قلبها بعدها مسحت دموعها
وغسلت وجهها بعدها حست انها رتاحت كثير رتاحت بعدها اتصلت على وعد وبدت تقولها تجي اليوم عشان ملكتها

بعد اذان العشاء
جتها وعد وبيدها فستان يجنن : البسيه تروفه مره بيطلع حلو عليكي
خذته و ابتسمت لها : ابشري
مها : وانا بحط بك ميكب تكفينن
ترف ب ابتسامه : مااحب احط يحطلي احب احط لنفسي
مها : خلاص مو مشكله
ريم : خلاص بنات خلونا نطلع عشان تلبس
طلعو البنات وبقت وعد عندها
وعد : وشفيك انتي منتي عاجبتني ؟ فيك شي !
ترف ابتسمت : لا مافي شي
وعد قعدت على الكنبه قدامها : مع اني ادري ان فيك شي بس ماابي اضغط عليك اذا تبين تتكلمين انا موجوده بسمعك
تقدمت ترف لها تحضنها بقوهه : صدق الحمدالله انك موجوده بحياتي
ابتسمت وعد : يلا بطلع البسي
طلعت وبدت ترف تلبس الفستان

جاء الشيخ عند الرجال
الشيخ قاعد بنص و على يمينه عبدالعزيز و ضيدان و على يساره هاشم ومنيف
الشيخ : بسم الله اللهم صلي وسلم على نبينا محمد علية افضل الصلاة و اتم التسليم ، ناظر عبدالعزيز: بتكلم و قول من وراي
هز راسه عبدالعزيز
الشيخ : قول له زوجتك ابنتي
عبدالعزيز : زوجتك ابنتي
الشيخ : على كتاب الله وسنة رسوله
عبدالعزيز : على كتاب الله وسنة رسوله
الشيخ : وعلى مايرضي الله
عبدالعزيز : وعلى مايرضي الله
ناظر منيف
الشيخ : قول قبلت ابنتك زوجة لي
منيف : قبلت ابنتك زوجة لي
الشيخ : على كتاب الله وسنة رسوله
منيف : على كتاب الله وسنة رسوله
الشيخ : بارك الله لكما و بارك عليهما و اجمع بينهما في خير
قام ضيدان مبتسم يسلم على هاشم و منيف
ضيدان وهو حاط يده فوق كتف منيف ويده ثانيه ماسك يده منيف : عاد ما اوصيك على حفيدتي تراها الغاليه بالهون عليها و لاتعصب عليها و حطها بعيونك يا منيف تراها قريبه مره لي و تعز علي يا منيف و ماعطيناك الترف الا وانك رجال و تستاهلها
منيف : بالحفظ و الصون حفيدتك لا تشيل هم
جاه عبدالعزيز يسلم عليه وكان يشوف الدموع متجمعه بعيونه : ما اوصيك عليها يا منيف تراها قطعه مني و نبض شراييني و انتبه تزعلها لأنك بتشوف العالي اعدائك كلهم يا منيف و انا داري انك رجال و شهم و ماعليك خوف بس تراها امانة برقبتك يا منيف
منيف كان يشوف قد ايش هي غاليه عليهم و كلهم يحبونها : ابد لا تشيل هم
جاه سعود يضمه و بضحك قال : لا تزعلها و دلعها تراها تحب دلع و الكلام الحلو وتحب شخص لي يهتم فيها و يخاف عليها و خلك حاتم الطائي معها على قولتها هههههههه بس امانة يا منيف تنتبه لها و تحافظ عليها لأنك خذيت دره
ابتسم : ما عليك بعيوني بس ابي اشوفها
ضحك سعود : من الحين ! اثقل بس
ضحك : اخلص بس ابي اشوفها
ضحك عبدالعزيز : روح يا سعود قولهم ان زوجها يبغى يشوفها
اشر على خشمه و دخل
جاء حمد و عبدالوهاب و ذياب ل منيف و بضحك : بسم الله كل ذا توصيات لك واضح انها غاليه عليهم الله يعينك لا زعلتها والله يحرقونك ولا يترددون
ضحك منيف
ذياب وهو حاط يده على كتف حمد : طلع من قروب العزابيه
وضحكو
قطع ضحكهم سعود : يله تعال شوف حرمك
ابتسم على كلمة " حرمك "