ولو انك تلاحظ شفت عيني وهي تروي حديث الحب عني .

Part 19

قامو على صراخ ابوهم وهو يقومهم
هاشم : ياربي وبعدين معاكم اخلصو قومو
مها : طيب بنقوم
هاشم : يله عشان اليوم بنروح العزبه
التفتو يناظرونه وعلى طول فزو يقومون
نجلاء دخلت : كل ذا الحماس عشان بنروح العزبه مو اول مره نروح لها
مضاوي : لكن هالمره عمي عبدالعزيز جاي
و قامو يجهزون مع امهم اغراض العزبه
-
قامت من نومها اخذت شور ينشطها بعدها سوت العناية حقتها بعدها نشفت شعرها و لبست جينز سكني و بلوزه علاق ورديه فيه فتحة v و لبست سلسال عليه اسمها ( ترف ) و حطت ميكب خفيف روج بني نود و تنت في نص و مسكرا و بلشر و ايلاينر و لبست الدبله حقتها
بعدها نزلت تحت
ترف : ماما خلاص الحلا انا بسويه
شيخه : وش بتسوين ؟
ترف : بسوي ترافل مانقو
شيخه : عاد مشتهيته صارلي يومين
ترف جت و باست خدها : من عيوني ثنتين
شيخه : تسلم عيونك
جتهم ليان : شوفو لبسي حلو ؟
شيخه : الله يجنن
ترف : مره حلو عليك ليونه
لانا : وانا لبسي حلو ؟
شيخه : يجنن
ترف : مره حلو
-
عبدالوهاب : يله اخلصو ركبو الاغراض
مها حطت العزبه بيده : امسك شيلها انت
نجلاء : هاشم مسعود اخوك بيجي ؟
هاشم : اي اي جاي معنا
مضاوي بهمس ل ريم : ويع مانبي دانه معنا افف
ريم بنفس الهمس : اسكتي عمي لا يسمع
مها : لا لا صداقه مانبي دانه ويع
حمد : شكلي بتزوجها دامها ضاغطتك كذا ههههههههه
مها : حميد فكني من شرك بعدين اذا طالعت بوجهك او قبلت فيك هي مخططه على احد
ضربتها مضاوي : اوش اسكتي
منيف : يله خلصتو ؟
نجلاء : اي يا امي خلصنا
منيف : اجل يلا البسو عباياتكم واركبو سياره
هزو راسهم : طيب
ماهي الا دقايق و ركبو السيارات متجهين ل للعزبه
-
منيف : عمي عبدالعزيز امش وراي عشان ماتضيعون
عبدالعزيز اشر على خشمه : ابشر
منيف : تتبشر بالجنه
ذياب و حمد بهمس : خايف على اهل المدام لا يضيعون
منيف حط يده على عقاله وكلهم فزو ينحاشون
هاشم : يله مشينا
اطلعو كلهم متجهين للعزبه
-
وصلو العزبه و على طول الصغار بدو يركضون و يلعبون
العيال ينزلون الاغراض من السيارات
الحريم يرتبون الاغراض
بعد مارتبوها اقعدو يسولفون
ساميه : ماشاءالله الله يوفقه
نجلاء : امين و عقبال عيالك
ساميه : امين
دانه بينها وبين نفسها وهي تناظر ترف ( والله ما اخليك تتهنين و الله لا وريك نجوم بعز الظهر اجل انتي تأخذين منيف مني )
حصه : الف مبروك تروفه
ترف : يبارك بعمرك و عقبالك يارب مع من تحبين
حصه : امين
مها : بنات قومو خلونا نتمشى بالله طفش
ريم : لا خلينا نقعد مالي حيل ادور
مها : تكفون بنات
ترف : خلاص خلاص بنمشي و ريومتي بتقعد واذا رتحتي تعالي معنا
ريم هزت راسها بطيب
دانه :ترا مره مهم لايقين على بعض كأنهم اخوان
مضاوي : بالعكس مره لايقين على بعض و دبله لي بوسط يدها توضح انهم مو كأنهم اخوان
ترف : ويلوموني ب ميمي
ابتسمت لها مضاوي
انفال ب همس ل دانه : قولي خير او اسكتي
دانه بنفس الهمس : ماقلت الاصدق
ريم : بنات بنات عمتي تقول يله الغداء
راحو البنات يتغدون
-
بعد الغداء
مجتمعين حول بعض يسولفون و يشربون شاهي
ذياب وهو يركض : سعود انت وحمد بلا مبزره ترا شماغ يعور
حمد وهو يلف شماغ ويطق فيه العيال : احسن
ذياب بصوت عالي : منيفففف منيفف
منيف : لبيه
ذياب بصوت عالي : انا في وجهك من ذا المبزره
قام بفزع منيف : ابن ابوي صدق ابشر بعزك
قام يركض ورا العيال واخذ شماغ حقهم و عطاها ذياب : امسك خذ حقك
ضحك ذياب واخذ شماغ يلفه عشان يطق فيه حمد و سعود : انشهد انك كفو ياخي طز بشنب رجال مايفتخر فيك
ضحكو هاشم و عبدالعزيز لمن اسمعوه
عبدالعزيز: يا عيال اتركو اللعب وتعال اقعدو بس
عبدالوهاب: ورع تعال انت وياه اخلصو
تجمعو يقعدون و بداء حمد يصب لهم من شاهي
-
تفكر بينها وبين نفسها ليش مو هي ! وش ناقصني عشان مااكون له !
ليش هي ياربي طيب انا لي احبه و ابيه
تتمشى و بالها مشغول مو معها
صحت على نفسها وهي تشوفه قدامها بثوبه الابيض و شماغه لي حاطه على اكتافه شعره لي طايح على عينه و يرفعه تشوف طوله هيبته سكوته تتأمل كل شي فيه
خطرت على بالها فكره و حلفت تنفذها
مشت له بدون اي تردد ما كان منتبه لها لكن التفت على صوتها
: منيف
التفت وانصدم انها طالعه له كذا من دون شي يغطيها عنه
منيف بعصبيه : بنت وش جابك هنا قسم الرجال
دانه بعصبيه و زعل : ماعلينا المهم منيف ليش تزوجتها ليش اخترتها هي منيف انا قدامك ليه ماتشوفني ليه ماتلتفت لي وش ناقصني انا ! جمال و عندي و كل شي عندي انا قدامك ناظرني منيف احبك انا
انصدم من كلامها و سكت
كملت : ياخي وش اسوي عشان الفت انتباهك و نظرك
قطع كلامها : يا بنت الحلال و خري عن طريقي والله يرزقك ب لي احسن مني فكيني من المشاكل شوفي غيري انا ما لتفت قلبي الا لبنت عبدالعزيز هي وبس اخترها عقلي و قلبي ابيها هي و الله يوفقك مع غيري و الحين وخري عن طريقي واتمنى معد ترخصين نفسك اكثر من كذا
ماعطاها فرصه ترد و مشى و خلاها
طاحت على الارض تبكي بقوهه
لكن لي ماحسبنا حسابه كان كل هاذا تحت انظار ترف سمعت كل شي و شافت كل شي من اول ماجت عجبها ان منيف صد و ماناظر في دانه و استحقرت دانه كيف كذا استرخصت في نفسها تطلع قدامه كذا ماطولت و مشت متجها للبنات
-
قاعد بينهم يهوجس و يشرب قهوه صحى على صوت
: ياخي ارحم نفسك من الهواجيس ذي
ابتسم ذياب
عبدالوهاب وهو يضحك : ياعيال شوفو ابوي وش جايب
التفتو يشوفون جايب البوم صورهم وهم صغار
ضحك منيف : يوهه يبا لين الحين عندك
هاشم هز راسه
تجمعو العيال حول بعض يشوفون صورهم وهم صغار
ضحك سعود : شوف شكل حميد هنا
طاح ذياب و منيف على الارض يضحكون على صوره
حمد : مايضحك يا سخيفين
عبدالوهاب ضحك
حمد : هاذا وانت الكبير العاقل تضحك معهم
عبدالعزيز وهو كابت ضحكه : اقول بس لحد يضحك على احمداني
حمد دق له تحيه : عزززز يا مال العز
رجعو يضحكون و هالمره كلهم
-
بدت شمس تغرب و بدا الجو شوي شوي يبرد
ترف : بنات امانه خلونا نروح نشوف غروب الشمس
ريم : يالله انا معك
مها : وانا معك
مضاوي : معكم معكم
حصه و انفال : حتى احنا معاكم
التفت ريم على دانه : تجين معنا ؟
دانه وهي وجهها محمر من البكي : لا
ريم بهمس ل مها : وش فيها ذي وجهها محمر
مها التفت تشوفها : ماادري عنها المهم يله مشينا
مشو لين وصلو لمكان مرتفع شوي و قعدو في القمه وبدو يشوفون الغروب بشكل اوضح
التفتو على صوت ترف تنبهم يلتفتون للكاميرا
التفتو وعلى طول لقطة الصوره
ابتسمو يشوفونها تصورهم
قعدو ربع ساعه تقريباً
ريم وهي تحاول تدفي نفسها من البرد : بنات خلاص خلونا نرجع بديت ابرد
ترف قامت تنفض ملابسها : يله يله مشينا
مشو يرجعون
ريم بصوت عالي : نوره نوره
نوره : لبيه ماما
ريم وهي تلعب بشعر نوره : خلاص ادخلي انتي و البنات بدا الجو يبرد
نوره : لا تكفين ماما نبي نلعب برا
نجلاء : خلاص لابسيها لبس ادفى شوي
شيخه : ترف الله يسعدك لبسي خواتك شي ادفى
ترف : ان شاءالله
جوها البنات ومسكت لانا و ليان بيدها الثنتين و راحو تلبسهم
دخلو الخيمه و بدت تلبسهم الجاكيت حقهم
ترف وهي تلبس ليان : انتبهو وانتو تلعبون لا تطيحون و لا تبعدون خلكم قريبين اوكي حبيبتي ليونه
ليان حبتها على خدها : تمام تروفه
و بدت تلبس لانا
بعدها طلعت ليان تركض تلعب و لانا ماسكه يد ترف يتمشون
لانا : تروفه
ترف : عيونها
لانا : ممكن تشيليني ؟
ترف : و ليه ماتمشين على رجلك
لانا : بليززز
ترف شالتها