ولو انك تلاحظ شفت عيني وهي تروي حديث الحب عني .

- النهـاية -

بعد مرور السنين و الاشهر
____
واقف عند المغاسل يزين شماغه و عقاله لازال منيف مهتم في مظهره و هندامه
التفت من سمع هاشم ولد اخوه صاحب ال26 سنه
هاشم : عمي منيف زين شماغي
منيف بضحك : هاذا كبرك ولين الحين ماتعرف تزين شماغك
ضحك هاشم
التفت من سمع ولده [ بتال ولد منيف صاحب ال18سنه
بتال : ياليل ذا نشبه ركز تراه ابوي مو ابوك ٢٤ ساعه معه
ضحك هاشم : و تراه عمي قبل لايصير ابوك
ضحك منيف : ياخي المعجبين مشكله
ضحكو كلهم و سمعو الجد هاشم يقولهم يدخلون و دخلو بعده
الكل مجتمع ، ابتسمو من قالت [ وجدان بنت منيف صاحبة ال14: ياله تجمعو كلكم بنصور
ابتسمو و قفو كلهم
عبدالوهاب و ريم و عيالهم [ نوره صاحبة ال25 سنة و هاشم صاحب ال 27]
منيف و ترف و عيالهم  [ ريما صاحبة ال20 سنة و بتال صاحب ال 18سنة و وجدان صاحبة ال 14 سنة ]
حمد و فرح و عيالهم [ اسماء صاحبة ال17 و تركي صاحب ال 12]
مضاوي و ذياب و عيالهم [ منيف صاحب ال 18 و لمى صاحبة ال14 ]
مها و تركي و عيالهم [  تالا صاحبة ال 13 و مشعل صاحب ال 11 سنة ]
،
ابتسم يناظرها رغم السنين لي مرت و كبر عيالهم الا انها لازالت مثل ماهي جميلهه جداً ، مهتمه في مظهرها ، شعرها مرتب ، لابسه احلا فساتينها
و لازال متيم و عاشقها لازال منبهر فيها ابتسم يشوف عائلته بأكملها حوله و ثمار حبهم ( ريما و بتال و وجدان ) كبرو
ابتسم من قطع تفكيره وجدان
وجدان بدلع : دادي
ابتسم بوسع ثغره من جلست جمبه ترف و رجع ناظر ل وجدان : لبيه يا ابوي
وجدان بدلع يشابه دلع امها وهي تلعب بخصل شعرها : انت وعدتني هالسنه اذا جبت معدل عالي تسفرنا لندن
منيف ابتسم يشوف وجدان : كم عندي وجدان انا ؟
ردت بدلع : وحده
منيف : اجل تم يا ابوي
التفتو من سمعو هاشم :عمي ماودك تتبناني و اصير ولدكم
ضحكو كلهم بهستيريا
عبدالوهاب ضحك : لي يسمعك يقول ناقصك شي كل شي تبيه اجيبه لك
قرب ل امه ينطق : يمه ابوي شكله زعلان مني
ترف ب استغراب : ليه ؟
بتال بهمس وهو يحك حاجبه : لأني صدمت في سياره
شهقت ترف و بعصبيه لكن بهمس : بتال تدري ذي السياره الرابعه لي ابوك يجيبها لك و تصدم فيها
بتال بهمس : ادري ادري اني غلطان ماما  امانه كلميه مايزعل
ترف : طيب بس اخر مره اتدخل بينك وبين ابوك
هز راسه
-
التفت من شابكت يدها بيده و ابتسم يقبل جبينها
منيف : لبيه يا ابوي ؟
ترف بدلع : زعلان ؟
نفث بعصبيه حاول يسيطر عليها : ترف اذا جايه ترقعين لغلط بتال ما يترقع هو مستهتر و ماراح اشتري له سياره جديده ثانيه و اذا يبغى يتأسف يجي بنفسه مايرسلك
ابتسمت و ناظرت بعيونه و سكتت
ابتسم و هو يحب نظراتها له و هي تدري
ترف بصوت هادي : سو لي تشوفه صح انا اثق في قرارتك
ابتسم و قرب و حاوط اكتافها و قبل جبينها
ترف : تحبني ؟
ابتسم منيف : ولو إنك تلاحظ شفت عيني
وهي تروي حديث الحب عنّي تعال أسقيك من جدول غرامي شراب فيه للعاشق تهنّي .
ابتسمو وجدان و ريما و بتال يشوفون حب ابوهم و امهم
و يتمنون يصادفون في حياتهم حب صادق مثل حب امهم و ابوهم
-
صرخت و ركضت تحضنه : خالوووو
ضحك سعود : عيون خالك و روحه
رفعت راسها تشوف جدتها شيخه تنطق : واحنا ؟
ركضت وجدان تضمها هي و عبدالعزيز
قعدو مع بعض و ابتسم عبدالعزيز من شاف سعود مقابل ترف و منطلق في سواليف معها و توسع مبسمه من تذكر علاقتهم قبل و الحين صارو قريبين لبعض اكثر
-
مها : تروفه بنات عمانك بيجون ؟
ترف وني تناظر لساعتها : اي بس تأخرو
التفتو من دخلو و بدو يسلمون على بعض و جلسو بجانب بعض
وعد بهمس : ترف قومي نقعد برا لحالنا مشتاقه لجلستنا سوا
مسكت يدها و طلعو للخارج تاركين الصاله
وعد وهي مشابكه يدها بيد ترف : من يتخيل الحين ان احنا امهات
ضحكت ترف : اي والله و تنهدت : يا سرع الدنيا
ابتسمت بخفه وعد .
-
دخل مكتبه بعد مالكل راح لبيته بعد التجمع العائلي
تنهد من اقصاه و نطق : الحمدلله لك ياربي
رجع على الكرسي و بدا يدور فيه و افكاره توديه و تجيبه يشوف عياله قدامه العيال لي دايماً يتخيلهم في باله صار و اقع بفضل لله ، يشوف كيف كان و كيف صار من منيف لي كان ماله الا شغل ابوه صار رجل الاعمال منيف بن هاشم عنده بزنس خاص و لازال ماسك شغل ابوه موقع مع اكبر شركات و ابتسم من تذكر طموحات اخوانه و كيف كان له دور حتى لو بسيط في تحقيق طموحاتهم و ابتسم بحب من تذكرها ( ترف ) اول حب في حياته هي زوجته و حبيبته و ام عياله و رفيقة دربه رفع راسه يشوف صورتها معلقه على الجدار لازالت انيقه و جميله
و اكمل يردد : الحمدلله لك يارب على ما اعطيتني

في نهاية المطاف....
حبيت اقولكم ان كل مايحدث للانسان مكتوب له لا اؤمن في الصدف لأن الانسان من قبل خُلقه مكتوب في صحيفته عن حياته كامله منذُ ان ينولد الى ان يموت و على الانسان دائماً ان يرضى بقدر الله و ان يقتنع بأن كل شي يحدث له هو خيره له و حتى لو تخير في الامر سيختار ما اختار له الله .
احبكم .🫵🏼🥹

3/1/2024 م
٢١/٦/١٤٤٥هـ

"أنتهت بفضل الله "
# ولو_ انك _ تلاحظ  شفت _عيني _وهي تروي
حديث الحب عني
يعز علي مفارقكم  و اتمنى انها نالت اعجابكم
جميع الاحداث و الشخصيات في الروايه خيالية لاتمس للواقع بأي صله
الحمدلله 🩷.

الكاتبة : تارا .
استودعتكم الرحمان 🩷.