قامت اليوم شوي متأخر و قامت على ازعاج بالغرفه يدخلون و يطلعون والانوار مشغله تأففت و قامت
مها ب انزعاج : نعم ؟ وش صاير ليش ها لازعاج
نجلاء: ابوك قال بنمشي للديره
مها بصدمه وهي تناظر ساعه لي كانت ١ ظهر : الحين ؟!!!
نجلاء ببرود : اي الحين جهزي اغراضك بس ترا بعد العصر و احنا ماشين
مها : طيب
فتحت جوالها تكتب بالقروب
: ترف تخيلي اليوم بعد العصر احنا ماشين لديره
ترف : اي بابا توه قايل لي عمي هاشم كلمه وقاله انكم بتمشون بقولك الخبر الحلو بعد ماتروحون بتقعدون اسبوع بعدين احنا بنجيكم
مها لي صار كلها حماس : امانههه هههه ماني مصدقه وناسه بنستانس مع بعض
ترف بفرحه : والله مره فرحانه
مها : حتى انا حتى انا
ترف : يالله روحي جهزي ملابسك و اغراضك
مها : يله
نجلاء بصوت عالي : مهاوي تعالي
نزلت تحت ل امها : لبيه ؟
نجلاء: اكوي ثوب ابوس و اخوانتس بسرعه
مها تتحلطم : يالله وانا ماعندي شغله الا اني اكوي ثيابهم
هاشم : وش قلتي ؟
مها بخوف : اقول وين ثياب اكويه ؟
ضحكت نجلاء: شوفيها معلقه بدولاب
مها وهي تتحلطم بينها وبين نفسها
__
الهام و ضيدان لي مريحين بالهم بدت رحلتهم في سفر المملكه كلها
-
نزلت تحت شافت شيخه في الصاله لحالها بحضنها لكراسه وبيده القلم
ترف : ماما وش تسوين ؟
شيخه : ارسم اخر تصميم للكولكشن لجديد لي بينزل
ترف بحماس : و طبعاً لأني حبيبتك و بنتك بتوريني
ضحكت شيخه : تعالي اوريك
شافت ترف تصميم و كان عاجبها مرهه كان فستان قصير نوعاً ما لونه وردي غامق عاري الاكمام وله ربطه عند صدر تنربط حول العنق و فيه نفشه هاديه جداً من تحت
ترف ب اعجاب : اوهه ماما مره حلو يجنن
شيخه بحب : شكراً يا امي
ترف : ماما لازم اذا تزوجت انتي لي تصممين فستانين
شيخه ب فرحه : ابشري و يارب يجي ذا اليوم لي ازفك عروس ل شخص لي يستاهلك
ترف بمزح : يا حظه فيني
طقتها شيخه بشويش بمزح : ههههههههه يا لله يا النرجسيه
ترف وهي تضحك : اي انتبهي انا انسانه تعشق ذاتها هههههههه
شيخه : قومي بس سويلي اسبريسو لي انا وياك
ترف : تبشرين ب الذ اسبريسو بس وين ابوي ؟
شيخه: ليان و لانا يبون يروحون الحديقه و راح يوديهم و يلعبهم
ترف : اها بس الغريب ان مارحتي معاهم
شيخه: مالي خلق اطلع
ترف وهي رايحه المطبخ : اها
و راحت تسوي لها هي و شيخه اسبريسو
-
هاشم : يالله يا بنات بنمشي ابطيتو علي
نجلا وهي تلبس عبايتها : يله يله
دخل حمد يشيل الشنط و يركبها سياره
هاشم : وين منيف ؟
حمد : منيف طلع الصناعيه يشيك على الكفارات قبل ما يمشي
هاشم : زين ما سوى
هاشم وهو ينادي مها لي تأخرت : مها لو ماتنزلين مشينا و خليناس اخلصي
مها بصراخ عشان يسمعها بحكم انها بدور لي فوق : يالله يبا جايه
نزلت تركض من درج و بيدها جزمتها * تكرمون
نزلت وقعدت على درج تلبس جزمتها
مها : وين عبايتي ؟
مضاوي : تعالي شوفيها معي
حمد وهو يناديهم : يالله اطلعو جاء منيف
توزعو ب سيارتين سيارة حمد و سيارة منيف
سيارة منيف فيها : مها و مضاوي
سيارة حمد فيها : نجلاء و هاشم
هاشم ماركب مع منيف بحكم ان منيف يدخن و بينزعج هاشم وبيتضرر من دخان بحكم انه كبير
هاشم وهو يكلمهم : ها مانسيتو شي ؟
نجلاء: لا ان شاءالله ما نسينا شي
هاشم : اجل يالله توكلنا على الله
في سيارة منيف * سيارة منيف جمس يوكن ان شاءالله انكم عرفتوها
مها : تكفى منيف وقف نشتري قهوه
منيف لي ماحب يكسر خاطرها : لازم ؟
مضاوي: اي منيف لو سمحت
منيف: طيب طيب
وقفو عند بارنز ياخذون قهوه لهم
مها : شكراً منيف
منيف : عفواً يا عيون اخوس
صورت مها القهوه وكتبت منيف وبس 😂😍 و ارسلته للقروب حقهم
شافت الفيديو ترف
وكتبت لهم : مشيتو ؟
مضاوي: اي
ترف : يالله كلها كم اسبوع و لاحقتكم
مها : احلا من يجي ديرتنا
ترف : يا روحي انتو
-
قاعده بغرفتها جمب شباك غرفتها تقراء روايتها المفضله و تشرب قهوتها المفضله قطع اندماجها دخول تهاني
: ما تطفشين انتي من قعدة البيت
الجوهره : يمه وش تبين ؟
تهاني : يا قليلة الحيا تقولين ل امك وش تبين ؟ بعدين انا مو قايله قولي ماما م ا م ا مو يمه
الجوهره : طيب يا ماما
تهاني : قومي بسرعه بنروح صالون انا و انتي
الجوهره : ما ابي اطلع
تهاني بعصبيه : الا بتطلعين و غصب عنك قومي يلا
الجوهره لي استسلمت ل امها : طيب
و مشو لصالون تهاني
-
في سيارة منيف ~
مها : يا لله يا منيف غير خالد عبدالرحمن
منيف وهو يضحك : وش تبين احط طال عمرس
مضاوي : معليك منها عل على صوت بس
ضحك منيف و على على صوت
و سدت اذانها مها لأنها ما تحب خالد عبدالرحمن
وضحكو منيف و مضاوي على شكل مها
فتح بكت دخان و بداء يدخن
مها بنزعاج : منيف افتح شباك انكتمت من ذا * تقصد دخان
منيف ب عصبيه : مها اسكتي تراس اشغلتيني
و فتح الشباك
منيف : وش رايكم نلعب ؟
مها بحماس : و شو ؟
منيف : انا بقول كلمه لها معنى مثل ( الصبر - الصداقه - الجمال - الشجاعه ) و انتو عطوني بيت يعبر عن الكلمه وانا اقول اي بيت احسن
مضاوي لي عجبتها لعبه : يلا قول
منيف : عن عزة النفس ، مضاوي ابدي اول
مضاوي : ينجرح قلب لكن ترتفع هامه
والله اني لا موت و لا انحني راسي
لو رماني زماني وسط دوامه
العواصف شديده والجبل راسي .
منيف شاش راسه ونطق بصوت عالي مره : عزز يا مال العز
ضحكت مضاوي
منيف : يلا مهاوي دورك
مها : العز ل النفس واجب و الحيا سنّه
و انا يديني من الثنتين مليانه
منيف بحماس : انشهد كفوو
منيف : عن الحب ،. مهاوي ابدي اول
مها : انا احبك واشوف انك من اغراضي
و انا اغراضي ابيها لو مافيها احساس
سوالف غيرك لغيرك حكي فاضي
و سوالفك انت عن نفسك طناخة راس
و ملامح وجهك الزعلان و الراضي
تكفيني فديتك عن جميع الناس
منيف ب اعجاب : و الله مانتي هينه ، يله مضاوي
مضاوي : اصعب من الحب شلون تخفيه
الحب يفضح و الملامح تكلم
لا صارلك غايب عن الناس تبغيه و شلون تقوى الهجر ابغا اتعلم
انا سجين الحب في عالم التيه اكتب قصيدي فيه ولا اتألم
منيف باحراج وهو في شي بخاطره وده يعرف وصف ترف : عن صديقتكم الجديده وش كان اسمها
مضاوي: ترف ؟
منيف : اي
مضاوي لي طرا على بالها بيت :طيب انا ببدا
منيف : يله
مضاوي: في طرفها الجنه و في رمشها الويل
و في خدها غمازه تشغل العين و في فمها لولو كما الدم لاسيل
و اليا ضحكت بانت صفوف الفناجيل
سكت منيف بتركيز ل بيت مضاوي
مضاوي ومها شافو هدوء منيف رغم انها خلصت
مها هزت منيف : هي وين سرحت
منيف لي استوعب : معاكم معاكم
منيف لي شاف انوار الديره
منيف : الحمدالله على سلامه وصلنا
دخلو الديره و مشو بتعب لبيتهم ينامون .
-
يتبع ...
دعمكم دافع لاستمراري 💙.
أنت تقرأ
ولو انك تلاحظ شفت عيني وهي تروي حديث الحب عني .
Poetryاول رواية لي كاتبة مبتدئة اتمنى تعجبكم و نكبر مع بعض❤️ الكاتبة : تارا [جميع القصائد و الاشعار لي بروايه مو حقتي 🛑💢🛑]
