اشهد ان حضوركِ موت

البارت الثاني

#اشهد_ان_حضوركِ_موت
#فاطمة_العبادي ..

لتنسون التصويت والتعليق على الفقرات شكد ماتكدرون حتى ترفعون القصة

يا ظالماً جارَ فيمن لا نصيرَ له إِلا المهين لا تغترَّ بالمهلِ غداً تموتُ ويقضي اللّه بينكما بحكمةِ الحق لابالزيغِ والحيلِ.

رباب :- رفضت طالب و وصل خبر رفضي لعمو عمر
الحجة جانت هية ان انه طالبة واريد اكمل ماجستير وما اريد اتزوج هسة
امي لامتني لان شافت تصرف حلو من عندة حست نفسهة ظلمتة بس ماتدري بالحجي الي سمعتة انه ..

عمو عمر عادي مازعل اصلا اجالنة ورة الرفض وكأن شيً لم يحدث ، وحتى تعشة عدنة وتعشينة سوية
بحكم هوا بمثابة اخو ابوي علاقتنة قوية ..

بيومهة جنة كاعدين ع عشا واندك باب البيت بقوة
ابوي ركض للباب ورا عمو عمر فاتت وحدة تصرخ
مرت عمي جاسم وبتهة تنهدت وباوعت لبراق

براق بأستغراب :- غراب البين وام الحصين شعدهن لافيات علينة

رباب خزرتهة و ضلينة نسمع مرت عمي جاسم تصيح ابو رباب فدوة لعينك الحك علينة اجو الشرطة اخذو اخوك و ولدي للسجن الحكلنة وروح وراهم طلعهم

كامل :- هسة بسج صياح يامرة فهميني عليش اخذوهم الشرطة ماتكليلي

ام زيدان :- مادري بعد اختك الحك النة والله اخوك و خلفتة موتوووني طلعوللليييي كلببب بصففف كلبي راح اموت من جدواااهم كون الله ماخذني ولا خذيت من بيت ستير

براق :- شوفي اللوكة شوفي
شوفي بتهة شلون تبجي وتتنغوص
شبعنة ضيم من وراهم اكلو حقنة وعايشين ع حرام وظلمو امهاتنة انه وياج وهسة جايين يتوسلون

كامل :- هسة اروح البس نعالي واجيب هويتي واجي
عمر :- انه اخذك اخوي

ام زيدان وهي تبجي :- اروحن وياكم اريد اشوفن ولدي خو ما اضل هنا

عمر :- ام زيدان راح نروح لمركز الشرطة مو زيارة خليج هنا رحمة لوالديج مو حلوة اتدخلين للمراكز .

سهى :- خية ام زيدان تعوذي الشيطان وتعاي دخلي انتي وبنيتج وخلي الشغلة يم الزلم

خزرت امي بكل صلافة وباوعت الابوي تتمسكن
:- ابو رباب انه بشاربك خوية اخذوني وياكم اشوف ولدي اذا ما شفتهم اليوم اطك واموت والحسن كلبي يوووكف

كامل :- خوية خلناخذهة حجة بقلة صبر
امي ضاجت وكلتلهة :- شدعوة عليج تخزريني هذا هوا الي يسووووي زين صدك لو كالو سوي زين وذب بالشط .

زعلت وجاي تفوت للبيت
بهاي الاثناء طبكن سيارات يم بيتنة شفناهن من الباب المفتوح ، رجليني رجفن وانقبض گلبي المنظر جان صعب
فاتو الجيش علينة للبيت والاسلحة انرفعت باتجاهنة عيونهم تباوعلنة بحذر
صاحو علينة لحد يتحرك من مكااانننة ..