اشهد ان حضوركِ موت

بارت 38

#اشهد_ان_حضوركِ_موت
للكاتبة #فاطمة_العبادي

قراءة ممتعة كيكاتي 🖤.

گال ...راح انام هنا ..
گعدت متفاجئة وعگدت حاجبي مصدومة ...وبصفتك منو تنااام هنا يمي؟

ابتسم بمكر وقرب وجها من وجهي لدرجة انفاسنة اختلطت ..
... زوجچ غير ..

لعياء ...نصيحة لا تستفز هدوئي ترة احد انيابي عليك

حجة بنبرة هادئة متزنة باردة يستفز هدوئي بيها ...لبوة .. بس مو على الأسد بنيتي

لعياء ...ليش انتَ حاسب روحك أسد؟ اليوم اثبتتلي العكس

عزيز ...ليش شسويت
لعياء ...جاي تنام يمي بنفس الغرفة واني الچنت اختك قبل شهرين شهرين عزيز شهرين ... رفعت اصابعي ااشرله يعني ثنين

عزيز ...ما چنت معتبرچ اخت لا تحاولين تستفزيني بهذا الكلام واعرف كلش زين بداخلچ جنتي معتبرتني عدو مو اخ فـ ماكو شي يمنع اجي انام هنا ..

شال راسه وبعد الفراش تمدد ردت اكوم مد ايده جر ايدي قوي صحت متألمة گال بخزرة ...خمدي يلا ..
لا تطلعيني عن طوري وراي شغل الدنيا باچر مافارغ الج ولسوالفچ التعبانة .

صكيت على اسناني بغضب وهمست ...احمد ربي واشكره ما اعتبرتك اخوي بيوم ..چان هسة فضلت الانتحار على ان اخلي راسي يمك وانام .

حچيتها وانطيته ظهري انام ، هو سوا نفس الشي طفة مبايلة ، غمضت عيني احاول انام ما اگدر شعور غريب بداخلي ، رفض وجيوش من مشاعر الصد اتجاها ..

عزيز مستحيل اتقبله زوج ... شنو خلصت الزلم .

المسافة بيناتنة اقل المتر بس بالحقيقة اني ويا كل واحد بعالم وبيناتنا مسافات طوييلة لو نگضي العمر نمشي باتجاه بعض ما راح نوصل ..
ليش؟
بسبب طبيعة حياتنا السابقة ..

ضليت اتگلب بالفراش ما اگدر ، درت وجهي باتجاها شفت عيونه مفتوحة وتلمع .. غمضهن بسرعة وغطة وجهة بالفرشة ..

گعدت تقربت منه وشلت الغطة حط ايدينا على عيونه شلت ايده وحچيت ...خل نطلع نتمشى الجو حلو والهوى عليل بي برودة هسة .

رفع ايده باوعلي بدون جواب استرسلت بالكلام ...علمودك احسك اليوم ضايج وهم علمود نحچي شوية مساع نرفزنة بعض وگمنة اوعدك ما احچي بذاك الموضوع .

هز رأسه وكال ...گومي بدلي بسرعة دقيقة مو اكثر

گمت ركض فتحت الكنتـور طلعت جينز وتيشيرت لبستهن بسرعة وخليت حمرة ..
جان منتظرني بالـصالة بس شافني وگف هو بملابس البيت ما غير شي ..

...خاف تبردين
...لا وين الجو حار .. حچيتها وطلعت قبله طلع وراي قفل الباب جاي ننزل شفنه جراح يصعد

باوع النه عزيز گلة نازلين نتمشى تجي ويانه؟
هز راسه ب لا وگال مشكور .. حچاها وكمل طريقة عزيز ضل يباوعلة ورجع باوعلي ...شبي؟