اشهد ان حضوركِ موت

بارت 39

#اشهد_ان_حضوركِ_موت
للكاتبة #فاطمة_العبادي

قراءة ممتعة كيكاتي 🖤.

تفاعلوووووو بنوتاتي 💜💜💜 لتنسون تعليق بين الفقرات شكد ماتكدرون

هنا ...وفاة مروة قلبت كل الموازين ، حالـة عقاب الي تأزمت فوگ ما هيَ متأزمة وصعبة بسبب اختفاء لعياء .. بناته تيتمن ضغط الشغل
سفر عزيز ، كلهن التمن على رأسه ..

اهل مروة تركوها بعد ما فضلت عقاب عليهم ورفضو يشوفوها وحتى ماراحو للمستشفى بعد ما ماتت ..
لهذا السبب فاتحتها صارت عدنة بالبيت ..

فاتحتها فاهية هادئة المسكينة عاشت مظلومة وماتت مظلومة ، جانت تحجيلي عن عقاب شلون انتهى وياها قبل ثلاث سنوات ونص تقريبا او اربعة
علاقتهم جانت شبه ميتة .. المسكينة تحبه وكانت تتعذب علمودة بس هو لا ابالي ما يريدها وگالت كان عايش بعيد عنها ..

مرة من المرات كلتلي حتى وهو وياي بالبيت بعيد هواي ، جسمة بالغرفة وگلبه مو يمي .

الغريب تگول بعد ما انتهينة ضل طبيعي الى ان اجة اليوم الي تغير بي صار عقاب ثاني
حسيت بي گلبه صار مو اله واكو وحدة وصلت للمكان الماگدرت اوصله اكو من اخذت كلبه الحجر وخلته يلين ويتشكل على هواها ..

ماتت بحسرتها ، ولا اجت الها اخت لا اخو للفاتحة لا ابو وام الناس كلها كاعدة بهدوء يعزون ويگعدون والملاية من تقرا مالهة واهس عبالك تقرا بدوران السنة مو اول يوم الفاتحة ..لان ماكو نسوان يصرخن ويلطمن ويشدن الميدان ..

مرت الايام بناته صارن بالبيت يمي وبأمانتي ، وبدأت مهمة الاهتمام بيهن ما كانت سهلة ابد ابد مو سهلة ..

تربية تلاث بنات ممتعودات عليَ شبه مستحيلة ، ابوهن يركض بالشركة ولازم يسد مكان عزيز ويعوض الخساير الي سببها عزيز بعد ما راح ..

اتوسل بيهن علمود ياكلن لگمة ما يقبلن ، يبچن ويردن امهن
ماما شكد حاولت وياهن رافضات الصغيرة سهلة نقنعها بس الكبار عنيدات ويرفضن الاكل والشرب بشرتهن صارت شاحبة وعيونهن صفر ..

مروة من راحت خذت وياها گلوبهن والعافية ..

باوعت لماما بأسى وحجيت بتعب ...ماما تعبت خابري عقاب خل يجي بس يوكلهن ويطلع
احلام ...شوفة عينچ هل جاي اخابرة مغلق مدري شلونه عقاب احنة المصايب تنزل فوگ روسنة وهو بغير وادي مدري ويامن وغالق مبايلة .

هنا ...ماما غير مشغول وحزين ع مرته

احلام ...كلششش لو تشوفين الحزن يگطر منا ومنا ولج من عزلو الچادر عقاب نسى مروة هاي اذا ما ناسيهة من زمان .

هنا ...شقصدچ
احلام ...تعرفين قصدي كلنا ندري بيهم ضالين بس بالأسم وما رجعلها لو ما مرضها مروة ما ماتت مظلومة مثل ما تگولين ..