اشهد ان حضوركِ موت

بارت 43

#اشهد_ان_حضوركِ_موت
للكاتبة #فاطمة_العبادي

قراءة ممتعة كيكاتي 🖤.

لتنسون تصويت + تعليق بين الفقرات شكد متكدرون
تفاعلكم ولا يسوي واهس 😂😂

بارت طويل تفضلو ..

....

حطيت ايدي على الحايط اسمع نور تبچي لان زيدان عافها بهاي الليلة وضل يمي وتگول العمتي ..
...هوا ما يتقربلي منين اجيبلة الولد تصدير؟ لو اشتري من السوگ

سمية ...ولججج عوفي الولد هسة يجي ما طاير بس لا تضلين بالگومة والكعدة تسمعينها حچي وتگليلها وين الولد؟
وكلساع وعدتي عليها "مو گلتي بيا ولد" وتتشفين بيها راح تحس انه الخليتهم يبدلونة بالبنية وانتِ تطلگين لان الج ايد والخطة خطتچ ..

وانه هم ما اسلم اخسر ابني الماعندي غيرة سند تدرين بالحال انتِ ذاك خبل لو اتيهينا ما يرجع والزلمة بس اسمك زلمة يهواي عن وحشة الليل ..

نور ...خالـة جاي اموت جاي احترررگ دمي يفور ما يريدني وحتى البنية تعلق بيها وماتطيح بالگاع مو گلتي يريد الولد ويكره البنات .

سمية ...چا اندري؟ شو هاي بت احلام لاعبة بعقله لعب تگله روح يمنى يروح يمنى والعكس ..
المهم فدوة العينچ لا تفضحينة النوب الولد مات بكل الاحوال نطلع بالخسارة ف سدي حلگچ وانسي هاي السالفة اذا هية بعد حتى حبالة ماتحبل رحمها وشالو مرجعة الچ اتطمني .

نور ...وين الله تموت البنية هم وارتاح منها كون حتى رباب تموت ، خليني اموتها والله محد يحس احرگ غرفتها وهية وبتها بيها .

سمية ...لا مانريد نصير مجرمات حرام علينا الله يعابينا .

من كد صدمتي مشيت للحمام فتحت الماي ودخلت جواه فاتحة عيوني بصدمة بدون اي رد فعل ثاني احس گلبي تجمد ويا رجليني حتى ما عندي احساس غير الصدمة ..

شطفت بسرعة وطلعت فتحت الگلوب رحت لسرير سجى شالتها واباوعلها بصدمة مررت ايدي على خدها احس الدمعة جمدت ومشاعر الحزن ماتت ..

"معقولة انتِ الصارلچ تلث اشهر بحضني تطلعين مو بنيتي وحتى وليدي ميت وكل هذا اسمعه عن طريق الصدفة"

تحركت رفعت ايدها صارت يم خدها ايدها الناعمة الحلوة دنگت بستهة اني شميت عطرها لو عبالك جنت نايمة واجة واحد ذب عليَ ماي وفززني من نومتي ..

كل المشاعر تجمعت بداخلي الصدمة والحزن دموعي ضلت تصب وصرت ابجي بشكل هستيري بنحيب وكل ذرة بجسمي ترجف لازمتها حتى الطفلة ما ثابتة بسبب رجفتي حضنتها الصدري حيل طلعت صدري وخليته بحلگها ارضعها ..

فز زيدان على صوت البچي مالتي والنحيب باوعلي بصدمة كام من فراشة تقرب الي باوع ع سجى گعدت جرها من ايدي شالها وگال بقلق