اشهد ان حضوركِ موت

بارت 45

#اشهد_ان_حضوركِ_موت
للكاتبة #فاطمة_العبادي

قراءة ممتعة كيكاتي 🖤.

وصلو البارت 600 تصويت + 600 تعليق 🤍🤍🫂

كضتني من امتوني حيل وگالت بغضب ...ليش وگعتي روحج بخيسة عمامچ والنوب شردتي فهميني

لعياء ...ما وگعت تدرين كلشي جان مفبرك

احلام ...لو ما مسوية سالفة جا ما شردتي

لعياء ...اي شررردت ومسوية سالفة نسيتي اني بنت منو بنتج وانتِ هم شردتي من قبل

ضربتني بكل قوتها على وجهي وگالت ...عمج الك*** جاسم اغتصبني وحبلت برباب غصبا ماعليه ردت اطيحها وما طاحت شتردييين مني اسوووي اضل مگابلتهم وگاااعدة

كزبر جلدي فكيت حلگي بصدمة احس سجين ودخلت بخاصرتي اشوفها انتبهت لزلة لسانها وبهت لونها ..

زيدان ورباب اخوان!!! وحاليًا متزوجين ..

عبالك واحد وذبحني من الوريد للوريد لزمت ايزها وبستها وحجيت بتوسل ...ابوس ايدج كولي جذب كولي زلة لسان كولي ما متأكدة رباب بنت كامل لو جاسم .

سكتت انربط لسانها وصار وجهة اصفر اندفر باب المطبخ دخل عزيز جرني من ايدي و هو يحجي يتوعد
...كافي عاددد سويتوهااا بدون ملح اول واحد ياخذ بت زوجة ابو؟!! خو ما اول واحد .

كومي امشي وياي اخذني من ايدي جرني يصعدني الدرج اباوع عيني على امي مصفصفة واني رجليني يرجفن ما گدرت احجي شي الصدمة سيطرت عليَ وما ردت عزيز يعرف لو يشك ..

الموضوع يهتزلة عرش الرحمن بسبب امي اكو اخوان هسة متزوجين .. ليششش ما حجت ليش ما گاااالت ، معقولة محد يدري غيرهااا؟
دخيلك ربي الموضوع ما ينحمل ولا ينجرع ولا يدخل للعقل ..
احس عقلي طار من مكانة ..

دخلت ويا لغرفته جانت خنگة شغل التبريد ريحته مو طيبة مبين صارلة فترة طافي گام طفا وجر الميز صعد علي فتحه ينظفه
فتحت الشباك اني وگفت گباله غمضت عيوني اجر نفس احس اختنگت والهوى ما جاي يوصل لكل اجزاء جسمي الخدر ضل يسري بجسمي ..

دخلت للغرفة طلعت فراشات خليتهن ع جرباية ولبست وجوه للمخاد وتمددت احس روحي گاعد تطلع بس جسمي يمنعها ومايريدها تفر هاربة من هول الصدمة ..

اباوع الايدي ترجف ومعدتي تگلب ، گلبي يرعش ما اگدر اغمض عيوني اتخيل منظرهم سوية وهمة اخوان بدون ما يدرون ..

عزيز غسل وشغل التبريد واجة يمي تمدد تعبانة من السفر ، غورگت عيوني وحسيت بخنگة شلت راسي باوعتله يباوع للسگف ويتنهد بقهر ..

سحبت ايده وخليت راسي بحضنه ضليت ابجي بدون صوت حضني حيل عصرني بحضنه وصار يهدأني ما يدري بالسبب شنو ما يدري كل الجاي يصير ويانة اهون بمليون مرة من الحچي السمعته من حلگ امي ..