اشهد ان حضوركِ موت

بارت 29

#اشهد_ان_حضوركِ_موت
للكاتبة #فاطمة_العبادي

قراءة ممتعة كيكاتي 🖤.

لتنسون تعليقات بين الفقرات شكد متكدرون تابعولي هل كيك بدربكم صعدو حسابهة 💜 user307056322330

اتركم ويا البارت ..

سيد ثائر صار بوجهي عينه صارت بعيني فك حلگة وعيونه اتسعت و وگع المبايل من ايده ...

بنته ركضت علي فطومة غض النظر ركضت الف بشعري والبس حجابي ، بالعادة هيچ وكت البيت مابي زلمة كلهم برة شجااابة على حظي ..

اخذ بنته من ايدها ودخلو للبيت جوة خرطت خدودي وغميت روحي وگفت ورة السبلت معلگ تفلت علي ردت التفلة ترجع عليَ وتلطش بگصتي ..

اشنق روحي هسة اشنق روحي جريت الشال لفيته على رگبتي حيل اشنق بروحي وطلعت العلوية شافتني باوعتلي بأستغراب ابتسمت ابتسامة صفرة ورخيت الشال ..

:- ليش ما فالـة شعرچ شتانين عجنت الحنة وانتِ بعدچ ...
وين فطيم بس لا طلعت هاي الفرخة اخ منها ما ترگد

:- علوية فطومه أخذها ابوها ..

:- شجابة ؟

:- حظي ..

:- ها شبي حظج يمة

:- مابي شي علوية ،، اجة صوت السيد يصيح للعلوية راحت دقايق عافت الحنة بأيدي والله اني روحي بعد ما اشتهي اباوعلها مو النوب احط حنة ..

رجعت گلتلي بخوف :- سيد ثائر بالصالـة يريد يحچي وياچ چلمتين ..

بلعت ريگي بـخوف ، حطيت اظافري بحلگي اقضمهن بقلق :- علويـة ما كلچ شيريد مني؟
سيد ثائر ليش حتى يحچي وياي هو حتى ما يعرفني ولا شي والله ما شايفني ..

فركت ايديها وگالت :- والله مادري بنيتي علمي علمچ روحي شوفي ورجعي احچيلي كلشي ..

رفعت الشال تلثمت بي ودخلت للصالـة يلاعب بنته هي بالگاع وهوا ع قنفة من دخلت حس عليَ عدل گعدت تحمحم وگال تعالي بوية عندي حچايتين وياچ ..

نزلت عيوني للگاع بخجل تقربت گعدت گبالـه اني منزلة راسي و هو يباوع ع بنته ويحچي بدون ما يباوعلي ..

طگطگت اصابعي من القلق صابتني رعشة رفعت راسي اباوعله لازم السبحه جر نفس عميق وشال رأسه صارت عيني بعينه نصينة ثنيناتنة بنفس الوكت ..

گال مستغرب ..

ثائر :- شجابـچ علينه؟
اعرف انتِ محتاجـة شغل واعرف بحالتكم بس مهندسة مثلچ ليش حتى تشتغل مساعدة اكيد اكو سبب خصوصا شغلچ ببيتنة احنة بالذات !!!

اني هنا سويت روحي كلش ، گتله بثول ..
:- چا شنو المهندس وحد ما يصير يشتغل غير شغله ..

ثائر :- لا يصير يشتغل شغلة تناسبه مو شغلة اقل من مستواه ..