اشهد ان حضوركِ موت

بارت 20

#اشهد_ان_حضوركِ_موت
#فاطمة_العبادي

قراءة ممتعة كيكاتي 🖤 .

لتنسون تعليقات بين الفقرات شكد متگدرون 🖤🥺🥺🥺.

اول ما يولد الأنسان يبچي! لأنـه يعرف حياتـة كلها ظلام مـ يگدر يتقبل فكرة ان هو َ ترك الأمـان والنـور بداخل رحم امـه و راح يواجه الظلم والضلام والبؤس ..

الاا رباب اخـتي ابـوي الله يرحمه مسولف الأمي يگللـهة رباب ما عاشت بـأمـان بداخل بطـن امها ، لأن انظلمت هواي من عيالـهة ونضربت واشتغلت خدامـة بالبيوت وسوت كل شغلة متعبـة بالحياة حتى تگدر تعيـن ابوي وتوكل بناتـهة لگمة ..

چانت تاخذ لعياء وياها من تروح للشغل الفـجر وهيَ حامل بـ رباب وبطنـهة لحلگهة وتخدم ابيـت حبيب ابن العائلة المرموقـة ..

ومـن ولدت رباب يگول اجت ساكتة ما تبجي هادئة و حتى من بچت ما انسمع صوت بچيـهة ..

بعد ولادة ربـاب احلام قررت تطلق لأن جاسم عاشگها وبدأ يضايقها ابوي اخذهـة أجرلـهة وبعدهـة عن بيت جاسم وكل ظنه الحياة السيئة راح تنتهي وراح يرتاحون بعد ما ابتعدو عن ابشع كوابيسـهم ..

لكن أحلام صدمته لأبـوي بعد ما انهزمت من البيـت ماخذة وياها بنتها لعياء فقـط !!!! .

وبأسبوع واحد ابوي اكتشـف ان صاحب البيت الي كانـت تشتغل عندة احلام وگع بغرام احلام وعشقها حد الجنون ، وطلب منها تتطلق حتى يتزوجها ..
غصبا عن اهلة وغصبًا عن الكل العالم ، هوَا ما گدر يقاوم جمالـهة ودلالـهة رغم التعب الي مرت بي ..

كانت هاي الصدمـة كفيلة بأن تعقد ابوي نفسيًا وتخلـي يكره الحياة وألي بيهة انتفض وقرر يجيب بنتة لعياء و يعيش ويا بناتة بعيدًا عن جنس حواء الخاينات الي ماعدهن وفاء ..

اكل ضرب مبرح من جماعة حبيب وانجبر يطلق زوجتـة الناشز واخذت بنتة من عندة غصب عن كل شيء بالدنيا حتى غصب عن الشرع والدين ..

انكسر والدي و ماكدر يربي رباب وحدة فـ قرر يتزوج وهنا وگع اختياره على بنية اكبر منة بالعمر محترما وخلوقة الى هيَ أمـي اتقدم لخطبتـها وتزوجها طلـعت عكس احلام الي تنازلت عن بنتها رباب لأسباب مجهولـة!!! وربتها لرباب كأن هية بنتهة من دمها ولحمها ..

ليش احـلام عافت رباب واخذت بس لعياء محد يعرف؟
حبيب الأنسان المحترم ليـش حب وحدة متزوجة وطلقها من زوجهة غصب عنة واخذها محد يعرف؟!!
كل شيء بالماضي ضل مجهول ينتظر شخص يجي و يوضح وينطي اسباب بس شنو؟ محد يحچي ..

رباب الي نولدت ساكتـة صارت اتعس انسانـة بهاي الدنيا اليوم ..ودمعتها ما تفارگ خدها ابد ..

تعرضت للأغتصاب ، بأبشع طريقة بهاي الدنيا
وبعد ما انخطبت للشخص الي تحبة والي كانت تشوفة طوق نجاة اليوم انفصلت عنة!!! ..