اشهد ان حضوركِ موت

بارت 50

#اشهد_ان_حضوركِ_موت
للكاتبة #فاطمة_العبادي

قراءة ممتعة كيكاتي 🖤.

تنويه #اول امس نزل بارت 49 الي مقاري خل يقرا قبل هذا البارت

ترسو البارت تعليقات حلوة مثلكم 🤍🤍🤍

.....

صباح الخير اهلاً كيف حالك انا المشتاق عذبني خيالك

رباب ...الايام صارت تمر متشابها خليت سجاوي بالحضانة ورجعت اداوم للامانة عمو حبيب خوش انسان و وگف وياي كلش هووواي .

مر شهر ع سالفة الفيديو وعقاب ما خابرني ولا گال شنو سوا والمشكلة الاكبر اني استحي اخابرة اسألة والفضول قتلني اريد اعرف شنو صار حلها لو لا؟ ..

جنت كاعدة العصر افكر وألف فكرة براسي لعياء بالمختبر ما ترجع لليل ، فتحت الثلاجة اباوع بيها اريد اسوي عشا مميز بس ماعرف شنو
اطلع دجاج اسوي شوي؟ لو اسوي شاورما؟
شسوي؟ أستغفرالله ضجت .. ما راح اسوي شي اطلع للمطعم اجيب عشا

سجى ...ماما ما ما انيني
رباب ...ماما يرادلي مترجم حتى أفتهمج شالتها بوستها ...نروح للمطعم اني وياج نجيب عشا
هي مافهمتني بس صفگت بفرح

بهاي الأثناء اندگ الباب بقوة نزلتها وجريت شالي حطيته ع راسي رجع اندگ بقوة كل ضني هاي لعياء عزيز معترض طريقها مثل كل مرة واجت فايرة حتى تطلع حرگة كلبها بالبيت ..

ركضت فتحته وما احس الا سجاد دخل للبيت مثل العاصفة يرجف من راسه الرجلي ويبجي بخوف طاح ع حضني وگال بخوف وتوسل ...ضميني يمچ راح يكتلووووني

انصعقت وكل ذرة بجسمي رجفت ما اعرف شسوي بس بفطرة الانسان من اخو يصيح اااخ حتى لو بيناتهم كره الدنيا كلها راح يدفع نص عمره حتى يحمي ، سديت الباب ركض گعد ع گاع يرجف خايف وجنة اصفر ..

دنگت علي سحبته من ايده بخوف واني احجي بهمس اخاف من الحيطان تسمعني وتأذي
...منو يكتلك سجاد شمسوي من مكسورة فهمني

رد بخوف وشفايفة ترجف ...ما مسوي شي ما مسوي ما مسوي ضميني يمج راح يكتلوووووني راح يذبحوني
يحجي ويبچي

حطيت ايدي ع حلگة ...اشش صوتك اسكت شنو هم وراك لاحگينك
هز رأسه بـ لا ..
... امشي للبيت امشي ندخل جوة لا تخاف هسة اخابر عقاب لو عمو حبيب
انتفض خاايف ...لا لا الله يخليچ لا تخابرين عليهم
يكتلوني هم يكتلوني همين

خفت كلش دخلنة للبيت كعدتة جبتلة ماي شربتة بالغصب جان يرجف
...لا تخاف محد يدري بيك هناك ارتاح حبيبي
تمدد قرفص ع نفسة وحط ايدينة بين رجلي خايف صافن وفجأة رجع يبجي بنحيب

ما تحملت بچيت ويا وضليت ارجف شلت رأسه حطيته ع رجلي اول مرة احس بهذا الشعور
اول مرة يكون عندي اخو شاب
اول مرة احط رأسه بحضني وامسد علي
ايدي ترجف اشوف اخوي يبجي الخوة خلتني بهاي اللحظة اكون مستعدة اواجه الموت في سبيل يكون سالم ..