اشهد ان حضوركِ موت

البارت السادس عشر

#اشهد_ان_حضوركِ_موت
#فاطمة_العبادي

قراءة ممتعة كيكاتي 🖤.

لتنسون تصويت + تعليق حتى يزيد الواهس للكتابة 😘💕💕🖤🖤+ متابعة لحسابي FFATEMA__

*************

- ‏لابأس إن خذلتني فأنا خذلت نفسي اولا بإختيارك 👌🖤

اصعب لحضة تمر على الأنسان من يحس حياتة بخطر ، يحس هاي اخر لحضات تفصلة عن مصير مجهول سيء ..

ما يعرف قدر سوءه لكن يعرف راح تتدمر حياتة من بعدة .. لحضة ما نجريت من ايدي وصرت داخل السيارة حسيت بهذا الشعور ..

الدنيا ضلمت بعيني وگلت هاي هية الصار برباب راح يصير بية ، وراح ادمر ..

بله رباب لگت عقاب وانتشلهة من الصدمة والحزن وأخذهة بين احضانة الدافية وتأقلمت علي بكل سهولة و يسر ..

لكن اني منو ألي ...؟ راح اعيش طول حياتي بحالة صدمة وتعاسة ..

غمضت عيوني قويت نفسي دفعت ايدة ع حلگي خزرني بغضب رجع حط ايدة ع حلگي ... عيونة خضرر تگول غابة أشجار .. ومحوطها كم هائل من ازهار الصباح البيضاء ..

جمال عيونة ما غفرلة فعلتة وسرعان ما دفعتة من وجهة السيارة بهذا كلة واگفة وماكو بشر بالشارع ..

دار واحد گاعد بالصدر وحاچاني بتهديد ..

:- بلغي زوج اختچ گليـلة احنة ناس نهوى الطلايب ونشريهة بروح ، ردلنة الخذيتة منه وألا راح نخليك تحلم بالراحة وما تنولهة ...

باوع ع ولد الي لازمني طلع من جيبة شفرة ..نفرت وابتعدت ليورة ، صرخت بس ايدة منعت صرختي وكتمتها ..

مد الشفرة ع خدي وجرهة بقوة حطيت ايدي ع خدي وعيوني اتسعت ونطت لدرجة حسيت راح تطلع من جوفها ..
أنيت بوجع وروحي فرفحت شمرني بقوة من السيارة وصاح الگاعد بالصدر ..

:- هاي علمود يعرف الأفندي أيدنة طويلة ونگدر نوصلهة وين ما نريد ناخذ لنريدة يمتة ما تطخ بروسنة .

صرخت بوجع وعيوني تراقب تصرفاتهم ، مد روحة ابو عيون الخضر سد الباب وشخطو السيارة وراحو ..

الدم فيضني گمت ع حيلي اركض للبيت والدم يتخطى اصابعي وينزل ع ساعدي يلطخ قميصي الابيض ..

احس بجرح عميق بنص وجهي ايدي تحس بخدي مفتوح بالنص .. روحي فرفحت وشطت للزرگة اركض بخوف واتلفت دگيت الباب بقوة ..

عضيت ايدي اكتم باقي صرخاتي وخليتهة تتكسر بصدري .. محد فتحة رجعت دگيتة بقوة كسرتة تكسر ..

طلعت رباب تركض وتصيح اجيت اجيييت لحضة

فتحت الباب و هي تصيح اجيتتت منووو