اشهد ان حضوركِ موت

البارت العاشر

#اشهد_ان_حضوركِ_موت
#فاطمة_العبادي

قراءة ممتعة كيكاتي 🖤

لتنسون تصويت وتعليق بين الققرات شكد متكدرون 💕✨.

براق ..

عدلت الفراش ودخلت للحمام سبحت فرشت اسناني و وگفت گبال المراية اخذ انفاس عميقة اخفف التوتر بيهة ..
احس اكو جبل همام واگف ع صدري اكو شي يوجعني بس ما اندل مكان الوجع ..

غمضت عيني حضر ابالي السيد ابتسمت لا أراديا
واردفت بيني وبين نفسي شكد جان مؤدب ويخاف الله يا ريت كل الناس مثلة ومثل عقاب ..

اندك باب الحمام عليه رفعت راسي غمضت عيني بقلة صبر وهمست
:- رباب اكمل واجي روحي نامي لا تنتظريني

همست بصوت مبحوح
:- لا انتظرج اريد احجي وياج اريد افتهم سالفتج انگطع كلبي ولج يا براق اذا ما تطلعين وتحجيلي احجي الصار كلة الأمي ..

گلبت عيوني بضجر وهمست :- رووووحي رباب دقايق واجي شصار هسة كتلج ما صاير شي

سكتت حسيت بيهة تنهدت وفتحت الباب انفتح باوعت ع الباب بأستغراب وكالت
عبالي مقفول ، باوعتلي انتبهت وجهة شاحب سدت الباب واجتي
كالت و هية تباوعلي بخوف
:- لو تدرين شصار بية من قريت الرسالة العايفتهة والعباس الدنيا ضاكت بعيني حسيت البيت صار كبر علية وكلشي صار بية اجة ابالي وانعاد عليه الوجع بس الفرق اتخيل جاي يسوون بيج نفس السوو بية ولج بريقة شحجي وشگول گلت براق راحت من ايدي ..

حضنتهة بقوة بجت وكتمت صرختهة وهية تخلي راسهة بكتفي، بعد لحضات من البجي رفعت راسهة مسحت وجهي وكالت احجيلي الصار وياج ما گلولج شيردون من عدنة ما عرررفتي ليش معادينة

تنهدت خليت ايديني ع مغسلة وارتجيت عليهة
غمضت عيني بتفكير و بعدهة باوعتلهة صافنة علية تنتظر مني جواب
رفعت اكتافي ونزلتهن ويا جرة النفس
ورديت
:- رباب يردوني مرة ليعقوب زيدان يحبة ويعزة ويريد مرة اله طول ما انه يمهم ما خلة احد يأذيني بس جنت ع يقين تام بمجرد ما ارفض يعقوب راح يأذيني وهذا الصار

اتسعت عيونهة بصدمة وكالت و شصار؟

براق :- سمعيني احجيلج الموقف كلة
من رحتو للسوگ اندك باب البيت الجوة مو البرة توقعتكم رجعتو لان نسيتو شي فلوسكم او هيج شي ، ركضت فتحتة واتفاجئ الكة زيدان بوجهي وجه عليه السلاح ودخلني للبيت بكل هدوء وسد الباب
اخذني للغرفة گعدني ع جرباية وسد الباب وگعد كبالي
گال بكل بساطة
:- براق اليوم ازوجج ليعقوب رضيتي او لا راح يتم هذا الزواج ..

رباب ما عرفت شسوي حاصرني الخوف حسيت التوتر لازم عنقي ويخنگني ، ضليت الهث واباوعلة
كل الي اجة ابالي راح يسوي بية نفس الي سواه بيج ..
كتلة بخوف
:- واذا رفضت شنو راح تسوي؟