اشهد ان حضوركِ موت

بارت 24

#اشهد_ان_حضوركِ_موت
للكاتبة #فاطمة_العبادي

قراءة ممتعة كيكاتي 🖤.

تعليقاتكم الحلوة بين الفقرات 🖤..

فراگ شخص احبه وصنع حاجز من مشاعر الصد بيناتنة مو شي سهل ، احس روحي ضايعة
احس اكو نقص صار بحياتي باوعتله طلع ويا الشيخ الطلگنة وصله للباب ورجع للبيت يمشي بأنكسار ..

امي مسحت على كتفي وهمست :- خليچ قوية واجهتي الاصعب من هذا يما .

دخل للدوانية باوعلي گال بغصة :- الله يوفقچ بحياتچ ان شاءالله ويعوضچ .

باوعتله فرك عيونه جر حسرة شگت گلبة وگلبي
عقاب :- بس ماريد زيدان يدري لا يسويلچ شي ..

هزيت راسي ب اي كمل :- ترة بعدني بظهرچ وراح اضل بظهرج للموت اي شي يصير خابريني اجيج لو جنت بأخر الدنيا أنفصالنة ما يعني طلعت من حياتچ .

وگفت مديت ايدي على رگبتي نزعت لگلادة وشلت فلوس المهر وبعض قطع الذهب الي اشتريتهن والجابهن الي ومديتهن اله ..

باوع على ايديني بخنگة رجفت شفايفة قبل لا تطلع الحچاية :- هذني من حقچ ويبقن الچ ماريدهن .

رباب :- لا ما يصير لازم يرجعلك شسوي بيهن بعد ماتگلي .

هز رأسه بـ لا دار وجها يطلع الفلوس والذهب بيدي صحت عقاب .. وغصيت بدمعتي أسمه طلع بخنگة وصعوبة من بين شفايفي ..

التفت عليه مديتهن اله :- فلوسك عقاب

ما رد عليه ومشى وگال بهمس بصوت مبحوح :- ياريت الگلب من مات ماتت وياه الذكريات .

حچيت بداخلي "يارريت"

طلع عقاب من هذا الباب وهوا غريب بعد مادخله وهوا زوجي مسحت دموعي خليت الغرض على الميز ودخلت انزع بشالي وعبايتي وابچي بخنگة لزمتني بطني مغص قوي ولعبان نفس گعدت بالگاع اون من الوجع مال بطني مادري وجع گلبي شو هنة التمن عليه ثنينهن ..

امي طبت طلعت جيس تفتح بي وتحچي :- كافي قهر كااافي لا تضلين تقهرين روحچ على كلشي يصير تعلمي تواجهين مشاكلچ وتحلينهة لا تصيرييين مثلللي صيري مثللل امچ .

زدت بچي من گالت صيري مثل امچ حطيت ايديني على وجهي وغصيت بالبچي همست بقهر :- مو انتِ أمي؟

سهى :- امچ الربيتچ بس بجسمچ يسري دم احلام احلام الي تواجه مشاكلهة وتحلهن احلام الي تعوف اليوم ثاني يوم تنسة شگد يسووولفلي ابوووچ عنننهااا يگول ماتت امها رجعت يوم ثالث الفاتحة بالليل تتكحل ولا چنها يكول استغربت گتلهة مو امچ ترابها خضررر وانتِ تتكحلين وتتعطرين ..
يكول نبت عليه وگالت :- اني صفنت الهة وگلت هذا يومها وهية راحت الدار حقها اذا بجيت ولطمت وملخت روحي سنتين تلاثة لو عشرة ماراح ترجع الي يفوت يموت ومايرجعه شي .