اشهد ان حضوركِ موت

البارت السابع

‏"وهو الذي تصفو القلوب بحُبه .. صلّوا عليه وسلّموا تسليما ﷺ"🤍.

#اشهد_ان_حضوركِ_موت
#فاطمة_العبادي
قراءة ممتعة كيكاتي 🖤.

سوولي واهس وعلقو هواي برأيكم بين الفقرات ونشرو القصة بين اصحابكم التفاعل مايسوي واهس للكتابة شي يقهر 🫠💔💔😔.

" قد تكون إرادةُ الله أحيانًا مخالفةً لمرادك، لكنها دائمًا لمصلحتك .. ثق وكن موقِنًا بتدبير الله "

گعدنة الصبح ع صوت ربدة قوية والگاع جوانة تهزهزت صرخنة وطفرنة من فراشنة وما حسينة غير صوت ربدة قوية ثانية كأن السگف طاح بالگاع وشي ضرب باب الغرفة كأن بلوك طاح علي
صرخنة بخوف وامي كامت وهية تصيح احضرنة يا علي يا ابو الشدايد ..
ركضنة فتحنة باب الغرفة بخووف ، لگينة  الصالة تتفلش ، وسمعنة صوت سيارة عالي تفلش بالبيت واحنة كاعدين بي ..

بخوف ارتميت بحضن امي وهية شاطت شيلتهة حاطتهة بس ع راسهة ومفتوحة وترفع بأيديهة وتصرخ تريد ابو السيارة ينتبه الهة
:- يممممة ولك وليدددي ماعنندك رررحم تفلش البييت ع روسنة واحنة حررريم وحددنة ، خااالة التفتلي خااالة

ضليت ابجي بأنهيار بشكل هستيري احس شي اشتعل بصدري مثل النار وضل ياكل بأعماقي
امي بعدتني من حضنهة ، ورفعت رجليهة صعدت ع عكادة الطاحت بالباب ورافعة ايديهة مفرفحة تصرخ
:- وليدددي لا تفلش خلينة نطلع من البيت راح تطيح البيت ع بنياااتي يمة اوكگككف بس خلينة نطلع حتى لو بطرك ثوبنة .

براق صرخت وراحت تجر بأمي
:-راااح يطيح عليج الحااايط يمة طبي هنااا انه اصيحلة صوتي اعلى من صوتج
سهى :- ولجن يمة صرخن وياي هلبت صوت ع صوت ويسمعنة .

براق بغضب ضلت تصرخ
:- هيوووووو خلللي نننططللللع اااوووكف ثول حتى ثول ما تشووفنة نصرخ ونگمزلك ، تحجي وتطفر
وامي تصيحح يمة تااااني نننطللع ولك يمةة اوووكف بس نطلع .

السايق وجه نظرة باتجاهنة يريد يكمل تفليش وانتبه علينة الظاهر وگف السيارة وفتح باب السيارة
باوع علينة وباوع ليورة وصاح بصوت عالي مليان غضب
:- خوووية زيدااان البيت بي عااالللم بس لا تعوروووو
نزل طفر ع انقاض واجة باتجاهنة يصيح بصوت عالي حتى نسمعة ، صوتة مليان خوف وقلق وغضب
:- خااالة خو ما تعورتو ما ادررري بيكم بالبيت شاهد الله ورسولة گلولي البيت فارغ وراس الحسين .

وامي رافعة ايديهة تستنجد بي وتگلة وهي تبجي
:- ولك يمة خلينة نطلع منا وفلش البيت ليش هدمتة ع روسنة انه وبنياتي ردنة نموت من العكادة الطاحت والخوف .

باوعت البراق تباوع ع گاع بغضب نزلت بسرعة ورفعت قطعة صغيرة مال طابوك وصاحت بغضب عاارم
:- ابن الچلااااب ليششش تفللش البيت علللييينة اذا ما ابط رررااااسككك الجلب ابن الجلللابب