اشهد ان حضوركِ موت

بارت 32

#اشهد_ان_حضوركِ_موت
للكاتبة #فاطمة_العبادي

قراءة ممتعة كيكاتي 🖤.

بارت طويل تستاهلون 4300 كلمة  🖤 لتنسون تصويت + تعليق بين الفقرات شگد متگدرون ..

فضلت اطول البارت بدل ما اراجعه ف لا تهجمون عليَ اذا بي اغلاط 😂🤭 ..

..........

يلوموني واحسك تكبر بروحي ويلوموني ..
وانه لا شوفتك شينفعن عيوني؟ (عقاب)

زيدان بعصبية ... اذا ماتصعدين اصعدج غصبًا ماعليج لو اعرف نصير فرجة الأمة محمد ..

رباب ... مو وكتها زيدان امي بالبيت حط ايده ع باب راد ينزل صحت صاعدة فتحت باب الورة وصعدت ..

حرك السيارة و هوَ عاقد حواجبة بغضب ضرب ع ستيرن وصاح ... ولچ اني زيدان تستغفللليييينننني مررررة ثانية ، اليوم محد يفكچ مني حلمي ترجعين لهذا البيت مرة ثانية انسي امج وأختچ بعددد ..

باوعتله بغضب وعطت بي ... شتررريد مللتني طيحت حظي وحظ الخلفوني من ساعة السودة الصرت بيها اوووي شتريد تسوي سوي ما يهمني ..

تريد تفرض رجولتك عليَ جنابك الكسيف ..
لكن خلي ببالك شغلة الزلمة المعدل مو بصوته العالي وعضلاته الزلمة بأفعاله وانتَ ما شاءالله عليك تنگط رجولة ..

زيدان ... اذا انزل افرسچ فرس ، سدي حلكچ عاد ماريد اسمع حچاية زايدة ..

رباب ... واذا ما سديت حلگي شتسوي مثلا ..

زيدان ... والله بعالي سماه انزلچ اذبحچ

رباب ... على اساس ما ذبحتني انتَ ... ذبحتني وخلصت من زمااان من يوم شگيت ثوبي ونمت وياي گدام ابوي وامي واخيتي ..

وسچينتك لحد هسة تحز بنحري ... عضيت صبعي بقهر وصرخت اااخ اااخ من الزمن چلب وياي فد نوب ويريد ينهيني و على ايدك بعد ..

زيدان ... ولچ اني ما ردت اسويهااا ..
بس انتِ يوم الجرحتي الگلب ودميتي الروح شلت بگلبي عليچ هواي هواااااي ، من جدواج ..

رباب ... انتم هاي سوالفكم الزلم ..
المرأة تعتبرونها شماعة تعلگون عليها اغلاطكم الخايسة وتلبسوها الخيسة حتى تبررون النفسكم ..

واحدكم ما يترس عينه شي غير حفنة تراب بالگبر ..

ضرب على الستيرن بغضب وصيح بأعلى صوته لدرجة من يصيح كل دماراته تنتفخ وصار احمر من الغضب ..

زيدان ...بسچ عااااد بسچ ..
انتِ الدستي بالگلب نسيتي لو اذكرچ مو انتِ هيييج هيييج جنتي شابگتني ... يحجي ويحضن بروحه ورجع يسوق واسترسل بالكلام ... وتالي فجأة وبدون سابق انذار وحتى بدون سبب درتي الوجه ورحتي ولج عطررررج سنين بحضني مادري يتخيلي مادري من كثر القرب والمحبة عطر حضني صار يشبه عطرج ..