اشهد ان حضوركِ موت

بارت 42

#اشهد_ان_حضوركِ_موت
للكاتبة #فاطمة_العبادي

قراءة ممتعة كيكاتي 🖤.

انصعقنة بالخبر الي نزل ع مسامعنا مثل السم ، مادري شلون طلعت عبايتي ولبست جواريبي واني ابجي ثائر عدل ملابسة واخذ السويچ جريت حذائي ونزلت ويا ركض من كد ما مخبوصة لبسته بالسيارة ودموعي تصب ..

ما جاي اصدگ الشي السمعته شلون صار هيچ؟ اختي دخلت بغيبوبة شلون وليشششش؟!!
صحتها زينة والدكتورة گلتلها صحتج وصحة الولد زينة وصار عدلها طلوگ عادي وراحت ..

حطيت ايديني على وجهي اشهگ ثائر مد ايده لزم ايدي عصرها حيل ..

جر كلينس انطاني مسحت وجهي نزلنا للمستشفى معميين ع عيونه ثائر خابر عمتي اجت النه ركضت عليها حيل وصحت يمة شبيهااا اختي .

حضنتني وصارت تبچي وتطبطب ع ظهري بحنية ..

ثائر ... سوولها عملية وصار بيها هيج لو شلون؟ يا لطيف الطف بحالها .

ام ثائر حجت بصوت مبحوح من كثر البچي ...شالو رحمها صارت عدها مضاعفات بسبب النزيف سودة عليَ اخذها النزف .

زيدان ...حسن اريدك تشوف شغلك وتكلبلي هاي المستشفى على البطانة هسة يطلعون ابني وكل وحدة أذت زوجتي اريدها تتعاقب .

شلت راسي مستنكرة التفتت علي واكف يمة ضابط وزلم لابسين عسكري عقدت حواجبي ومسحت دموعي تقرب ثائر شافة زيدان وسلم علي ، ثائر وجه بعض الاسئلة لزيدان من عدها ...ابنك وينة؟ فهمني يا اخي هسة گلوبنة راحت .

زيدان حط ايده على كتف ثائر ومشو بعيد عنه وصار يحجي ويا بهمس .. التفتت ع عمتي مستغربة ...ابن اختي شبي؟

نصت راسها وتحسرت ...مادري شنو احچي ربي سترك ورحمتك ..

براق ...يمة تحچين صدك اني روحي رايحة من القهر اريد كلمة وحدة منكم مفهومة ماكووووو!!!! مسحت دموعي حيل ودرت وجهي عنها

لزمتني من ايدي جرتني گعدتني تنهدت مسحت وجها بالعباية وگالت ...سمعي السالفة ..

امس هذني المايخافن الله عورن اختج وخلنها تنزف ومادري يكولن ما بيها شي بس جذب ركضو بيها للتخدير وبسرعة دخلوها عمليات حتى شالو واحد مخدرينة وحطوها بمچانه كد ما حالتها خطرة ..

ورجل اختج وقع ع عملية گلولة لو مرتك لو الطفل گللهم الطفل فدوة اهم شي زوجتي ما اريدها تتأذى وضل يغلط ويفشر ويهدد لان ماعرفن يسون شغلهن وأذنها وصلنها للموت ..

المهم دخلت المظلومة للعمليات وجابت الطفل بخير بس صارت عدها مضاعفات ومن لا چارة انجبرو يشيلون رحمها رغم الخطر الي صار عليها ..

طلعو الطفل لمحه ابو من بعيد اخذو بسرعة للخدج دقيقتين مو اكثر سأل ع رباب انطو الخبر الأسود مسح وجها بقهر ، وراح يشوف الطفل وصل لگة بنية مو ولد والمشكلة هو لمح الطفل والبنية شكلها مختلف عن الولد الي شافه ..