اشهد ان حضوركِ موت

بارت 25

#اشهد_ان_حضوركِ_موت
للكاتبة #فاطمة_العبادي

قراءة ممتعة كيكاتي 🖤.

صعدو البارت 500 تعليق 💜
اي سحگة اي غلطة غلسو لان شاربة حد هسة 7 حبايات مسكن والله متت من التعب مادري شكتبت وشجفصت 😂😂

ضربت على رسي بحيرة وگلت مصييييبة وگعت على راسي راحت الشركة ، نزلت من السيارة ركضت للباب حافي بهمة مديت راسي صحت ويييين جراح ..

كان واگف اجة يهرول بأتجاهي گال قبل اسألة :- جاية على الملفات ست

لعياء :- ليش هنة يمك؟

جراح :- ضميتهن بالچكمچة لأن عفتيهن ..

جريت نفس براحة وباوعتلة بنص عين :- چان وگفت گلبي عبالي ضاعن ..

جراح :- افضل قرار اتخذه والدچ وعينلچ حارس شخصي لأن حضرتچ حزمة ورق ما گدرتي تديرين بالچ عليها ما بالج بروحچ ..

باوعتلة بأستنكار ، استفزني حچيت بتعالي :- وانتَ منو أصلاً حتى تقيمني من زلة صغيرة ..

مشة للسيارة متجاهلني ركضت وراه واحچي بغضب :- من احچي وياك لتتجاهلني مفهووووم ..

باوعلي ببرود وهز رأسه بـالموافقة وجاوب على سؤالي :- اني ما جاي اقيمچ بس انتِ مشوشة لاحظت هذا الشي عليچ فـ ماتگدرين تحمين نفسچ وتحافظين عليها ..

فتح باب السيارة سحب الملفات باوع على رجليني وگال بهدوء قاتل :- ست الگاع حارة فوتي ..

سحبت الملفات من عنده وحجيت بصوت خافت اسمعه :- مستفزز مستفززز مختل ..

انطيتهن لسلمان گبل مالي خلگ مشاكل ودخلت الغرفتي گبل خابرت عقاب مغلق ..
دخلت للحمام اخفف الضغط الصار وياي اليوم طلعت مشطت شعري رن مبايلي برسالة ..
شفتها عقاب فاتح مبايلة ..

اتصلت علي جاوبني گبل گال :- اذا تعاتبين فـ مابية حيل معاتب اني الغلطان الوحيد أعرف واللوم كله عليه جا ضميت موضوع زواجي الفاااشل .

لعياء :- راح تتمنة لو كان موضوع المكالمة عتب ..

عقاب :- لا والله؟

لعياء :- اي والله عقاب اني رحت اشوف البنات ولگيت الباب مقفول خالة سهى والبنات طالعات من البيت والمفتاح يم بيت المختار مأمنينة علمود ينطو ألك ..

عاط بية :- وييين ويييين رايحات يجوز عدهن قريب مسيرات علي

لعياء :- بالحقيقة لا همة شالو ... حچيت بأسف

عقاب :- لا تشاقين رايح عليهم رايح

لعياء :- والقرآن جاي احچي صدگ البنات شالن ومبايلاتهن مغلقة عافن كلشي وراحن هسة مادري شسوي وين ادور عليهن وشلون الگاهن مادري ..

عقاب :- رايح لبيت المختار بعدين نحچي .. سد الخط بوجهي

لميت رجليني الصدري الحيرة تاكل بروحي والقهر موتني شسوي ما أدري وين أنطي وجهي ما ادري ..