اشهد ان حضوركِ موت

البارت الاخير ج1

#اشهد_ان_حضوركِ_موت
للكاتبة #فاطمة_العبادي

قراءة ممتعة كيكاتي 🖤

لتنسون تصويت + تعليقات بين الفقرات ..

......

رباب ... بعد ما خلصت حفلة العرس بالقاعة طلعنة مباشرة للبيت صعدت يمة بالصدر ورفعت البرنص عن وجهي ، اباوع للطريق واشوف سيارات اهلة واصدقائة يزفونة للبيت ..
حسيت بقشعريرة ورهبة ، دموع الفرح نزلت ع خدي ومستحهم بأنامل ترجف

باوعتلة مندمج وفرحان يغني ويا الاغنية ..
لزم كف ايدي بقوة وعصرة وباوعلي وگال بخبث ...صرتي ألي .

رباب ...عقاب لا تخوفني الله عليك والله گلبي راح يوگف
عقاب ...اسم الله على گلبچ ، حچاها وباس كف ايدي واصدقائة بالشارع ضجو بالهورنات ..

ضحكت بخجل وسحبت ايدي ، وصلنة للبيت وگف السيارة گبال باب البيت ونزل عزيز من سيارتة فتح الباب الكبير وأشر العقاب بمعنى أدخل ..

فوت السيارة جوة ، نزل فتحلي الباب وساعدني انزل جنة بس احنة ضحكت لزمني من ايدي حيل وگال ...اشيلچ؟
رباب ...ينكسر ظهرك يمعود هههههههه اني صايرة من الاوزان الثقيلة
عقاب ...لا بعدج كتكوتة عقاب
رباب ...ياا حبيبي عييييب
عقاب ...شنو العيب غير صرنة وحدنة وهذا عزيز سد الباب بس فوتت السيارة ..

جنت جاي اتصارع ويا حتى ميشيلني شال البرنص من ع راسي
...جان كاتم انفاسي اووف خلي اشوف ابداع رب العالمين بخلقه

حچاها ووخله ايده ع ظهري من جوة الطرحة وشالني لفيت ايديني حوله وضحكت بخوف
....بس والله من تطيحني اموتك
خليت راسي برگبته شميت عطره وارتخت اعصابي
همس ...راح يوگف گلبي من الفرحة
دفع الباب برجلة وفات بيه للبيت ..

لگينة لعياء وبراق بالبيت واصلات قبلنة وداخلات للبيت واگفات جنهن عساكر بالصالـة
ضلينة متفاجئين وخجلانين بلعت ريگي وباوعت لعقاب ، همست ...نزلني .

لعياء ...ماله داعي تنزلها اجينة نگلچ سجاوي راح تضل يمنة الصبح نجيبها الج اخذو راحتكم
قبل لتكمل كلامها عقاب نزلني
عقاب ...كلكم وراي ادري يمتة ارتاح واختلي بيها طگ گلبي

لعياء ضحكت وبراق غطت حلگها تكتم ضحكتها
براق ...راح نطلع ونخلي البيت لمطيرة

عقاب ...بعد كسرتو واهسي ضلي يم خواتچ اني طالع يم الولد
حجاها بالشقة وگرص كتفي وطلع

بس طلع رفعت بدلتي وگعدت هفيت ع وجهي احس بحرورة تطلع من وجهي
براق گالت بحماس ...اويلي الرومانسسية اويلي شايلهاا بس ارجع اخلي ثائر يشيلني يدخلني للبيت

لعياء ...والاخت خدرانة ومخلية راسها برگبته وروحها مايعه وقبل كم يوم تصيح ما اريدة ما اتزوج .

رباب ...والله العظيم گلبي راح يوگف من الخجل والقلق شبيچن تزيدنها عليَ
لعياء ...نتشاقة وياج سكتنة
براق ...اكلج خاف محتاجة الحمام نوديج؟
رباب ...لا ماله داعي بس گللي خليتن كلشي مثل ما وصيتچن؟