اشهد ان حضوركِ موت

بارت 33

#اشهد_ان_حضوركِ_موت
للكاتبة #فاطمة_العبادي

قراءة ممتعة كيكاتي 🖤.

لتنسون تصويت + تعليقات بين الفقرات ✨.

رباب ...طلعت ملابسي الشتريتهن لتجهيز عرسي روحي مقهورة اكو عصرة بگلبي أخذت منهن بنطرون أسود وبدي طويل لبستهن ورتبت وجهي بمكياج قليل ، تريگت على السريع وطلعت أخذت تكسي علمود يوصلني للشركة المكتوب عنونها واسمها بالورقة ..

مشت بيه السيارة المنطقة الي بيها الشركة كلش بصف المنطقة الي بيها بيت عقاب او بيتنة القديم الكعدنا بي ..

ذبني يم الشركة انطيته كروته ونزلت شفت بنية بالاستعلامات سلمت عليها وگتلها ... اكو شخص لگالي شغل بشركتكم وانطاني عنوانها وگلي روحيلها

... ممكن اعرف اسمه حبيبتي زين عندج موعد متصلة علينه قبل

هزيت راسي ب لا ... بس الشخص هو سيد ثائر

هزت راسها وگالت ... هااا المعمم اي اي ، بس اوگفي
شالت التلفون الأرضي اتصلت وصارت تحجي بي بعدها سدته وگالت ..

روحي لغرفة المدير راح يستقبلچ ..

رباب ... وينها؟

دلتني عليها مشيت بخطوات متثاقلة خايفة مرعوبة دگيت الباب بأيدين ترجف ما اعرف ليش حسني گلبي سيد ثائر ورا شي وما جابني للشركة هيچ ..

باوعت للبنية أشرتلي افتحه وادخل ..

حطيت ايدي على گلبي انعصر وروحي نمغصت فتحت الباب ، وفتت المدير گاعد وداير الكرسي سديت الباب وهمست السلام عليكم ..

دار الكرسي بوجه مبتسم ورد ... عليكم السلام اهلا ست رباب ...
فتحت عيوني على وسعهن وارتج گلبي بقوة تراجعت خطوات ليورة حد ما طخيت بالباب ، حچيت بشفايف ترجف ...عقاب!!
وهنا عرفت سيد ثائر اله ايد بالموضوع ...

التفتت اريد اطلع ايدي تدور يدة الباب طاحت جنطتي من الخوف والصدمة ما حسيت غير ايده جرتني من الگاع حضني الصدره بقوة وشدد بحضنه حيييل وصاح بلهفة المشتاگ ... ولچ ليش عفتيني وروحتي مردتي افادي وشليتي حالي

دفعته من صدرة ما تحرك حاضني حيل دموعي تسيل ولساني نربط ما ادري شسوي و شنو اگول ..

باس راسي دفعته اقوة ابتعد عني شوية لزمني من اكتافي يباوعلي بتمعن ولهفة ..

بچيت بصوت مسموع ودفعت ايدينا عني ... لا تلمسني حرام ما يجوز

رفع طرف حاجبه مستهزء وگال ... تعرفين الحرام؟ لو تعرفين الحرام ما كتلتيني ورحتي ولچ رباب ذبحتيني بهاي روووحتچ ..

عطت بي ... لأن تستاهل تستاهل الف مرة عايف مرتك وبناتك وجاي تحب وتتمعشگ وتريد تتزوج .... راد يحجي رفعت ايدي قاطعته