اشهد ان حضوركِ موت

بارت 22

#اشهد_ان_حضوركِ_موت
للكاتبة #فاطمة_العبادي

قراءة ممتعة كيكاتي 🖤..

لتنسون تصويت + تعليق بين الفقرات ..

قال لي أنه يشهد أن حضوري أصبح موت .. وغيابي موتان ، غمر رأسه حيث رحيق عنقي .. أرتشفت شفتيه عبير عشقي ، صرخ بأعلى صوته ..
اشهد انِ أحبك فوق الحب حبًا ، و أنِ وضعتك حيث لا يطلك أحدًا ..

ليت هذه اللحضات الجميلة نستطيع تجميدها والأحتفاظ بها كـالصور الفوتوغرافية ..
كل ما زارنا الحنين أليـها أخرجناها من مواضعها ، نقبلها ، نستشعر أحساسها ..

ليت الزمان يتوقف ونضلُ حيث نحب ..

بعد يومين من تصالحنة طلعنة اني ويا نشتري الذهب ونجهز بعض الامور ..

گال اريدچ وحدچ تجين وياي رايد البسچ على ذوقي ..

ايدينة متشابكة يفرني بالسوگ وويشتريلي كل شي يعجبه كل شوية گال اخذي هذا اريد اشوفة عليج واخذي هذا احب لونة يلوگلچ ..

دخلنة لمحل المكياج اختاريت الوان حمرة شفت واحد لونه عجيب هيچ احمر بي لمحة وردي يمكن احلى درجة بالمحل كله وگفت كبال المراية خليت منه لشفايفي والتفتت علي ..

:- شلونه؟

عض شفته وهمس :- يكتل كتل مسحي مسحي لا تطلعين بي گدام العالم ماريد احد تطيح عينه على شفايفچ ويصيرن بنفسه يمكن اموت .

:- انطيني كلينس ما عندي .. مد ايده بجيبة طلع قطعة كلينس مرتبة ترتيب گتلة بمكر
:- الي يشوف ترتيبك عباله حتى بالبيت هيچ مايدرون كنتورك اذا نفتحه ينفجر علينه لان بي عبوة ملابس ..

:- هاي المذلة على أصولها ذليتيني يبااا والعباس بس ارد للبيت اسفطهن بس اچفيني شرچ .

ضحكت وخليت الكلينس على شفايفي مسحتهة بترتيب حتى ما اتلعوس ، شلتهة طبكته وردت اشمرة بالزبل كال جيبي ..

رمشت بعيوني بتساؤول همس :- حمرة باست شفايفچ تروح للزبالة؟ هاي جريمة لا تغتفر بالنسبة الي .

قوست شفايفي ومديته اله .. اخذها وخلاها بجيبه
كملنة مسواك وتغدينة ورجعنة للبيت قريب العصر ، نزلت تعبانة هوا دخل وياي ..

كعد بالدوانية واني اخذت الملابس ودخلت للبيت امي نايمة وبراق تدرس شافتني باوعت ع علاليگ وگالت :- بالعافية .

رباب :- الله يعافيچ اغسل واروح اشوف عقاب بالدوانية ..

براق :- خاب سبحي هسة حمضتي من فرة السوگ .

:- اتأخر علي يمعودة ..

:- اتأخري علي ولا تطلعيلة هيج عرگانة ومدبگة سبحي سبحي هيج سبح مال وصخين ركاضي .

:- خووش .. اكلج راح ادخل جيبيلي ملابس فدوة فدوة تدرين بية نحيسة بالاختيار

حجت بأستعجال :- روحي روحي لا يمل ويحس بغيابچ .