اشهد ان حضوركِ موت

بارت 44

#اشهد_ان_حضوركِ_موت
للكاتبة #فاطمة_العبادي

قراءة ممتعة كيكاتي 🖤.

لتنسون تصويت + تعليق بين الفقرات شگد متگدرون 🤍🤍

جريته من ايده حيل غمض عينه بتعب ونام على ظهرة اعتليت صدرة و وزعت بوساتي على كل أنش بي ..

ضل جامد ما بدر منه اي تصرف رغم عيونه و وجهة يثبتون غير هذا الشي ابتعدت عنه بچيت بقهر گعد يمسح بوجها ضربته على صدره قوي وهمست بقهر
....ما تستاهلني نذل .

كمت من يمة اريد اطلع جرني من ايدي حيل وهمس ...راح اتمم هذا الزواج واليريد يصير خل يصير بعد ما اعوفچ لو يگطعوني انتِ الي وملكي
واريد اشوف واحد يفتح حلگة بحچاية .

باس جفوني ومسح دموعي ..
حضني من خصري حيل وباسني بعمق ، كان مثل العطشان ولگاله بير ويشرب وما جاي يرتوي ..

انسجمت ويا لأخر لدرجة ما حسيت غير بنبضات گلبه وهية تلامس صدري وتختلط ويا نبضاتي صار النبض واحد والنفس واحد .. رفعت رايه الاستسلام جان المحتل الي سلمته عتادي واني الممنونة ..

انتهى كلشي صرت بهاي الليلة زوجته بشكل فعلي تمدد بصفي وحضني حيل وباسني براسي اكثر من بوسة وتنفس براحة ..

عزيز ...شحلاته الفوز لو چان بعد رحلة طويلة من الصبر ، تحسه بي لذة مو مثل السهل .

ضحكت بخجل ضميت راسي بصدرة استنشقت عطره ضلينا على هذا الوضع ساعة تقريبا كل شوية يبوسني ممصدگ ..
يحضن وجهي بأيدي يبوس بوجهي بشكل عشوائي ويضم راسي بصدره ، مخلي رجليني بين رجلي حتى ما ابتعد عنه ..

ما حسيت على نفسي غير غفيت وكل ما احس بخشونة شواربة تلامس بشرتي افتح عيوني الگاه بعدة گاعد وجاي يبوسني لو يشمني ..

انطيته ظهري لزك روحه بظهري ودفن رأسه بشعري گتله بضجر ...نااام عزيز .

عزيز ...گليلي حبيبي .

درت وجهي علي باوعتله بنص عين ...هيچ فجأة يعني اگلك حبيبي غير اتعود بالأول .

باوعلي بتأني عيونه ذابلة همس ...گولي حبيبي .

ضحكت بدلع و همست ...حبيبي .. باس شفتي حيل لحد ما اختنگت ابتعد عني باسها برقة .. وهمس
...نامي

لعياء...چا انتَ ما تنام ترتاح .
عزيز ...النوم الچ والبوس الي ، نامي مالچ غرض بية اني راحتي من اشوفچ يمي نايمة .

دزيتله بوسة هوائية ورجعت انطيته ظهري ونمت كعدت الصبح بالتسعة شفت نايم يمي محوطني بأيدينا سحبت نفسي منه لبست الروب وفتت للحمام سبحت ولفيت جسمي بالمنشفة وطلعت للمطبخ حطيت الچاي لان راسي طبل ومشيت للغرفة ..

لگزته بكتفه فتح طرف عينه گعدت يمة نصيت راسي بسته بشفته خفيف وهمست ...صباح الخير "حبيبي"