اشهد ان حضوركِ موت

بارت 34

#اشهد_ان_حضوركِ_موت
للكاتبة #فاطمة_العبادي

قراءة ممتعة كيكاتي 🖤.

صار وياي موقف واني اكتب البارت انحذف نصه ورجعت عدت كتابته 💔 تعبت تعب مو طبيعي ..
فـ من تشوفون البارت مماخذ حقه غلسو من عدته على السريع ..

لتنسون تصويت + تعليق بين الفقرات 💙.

.....

مد أيده احتضنت كف أيدي باوعلي وأبتسم بعدها اردف ... ما شاءالله تبارك الرحمن شنو كل هذا الحسن والجمال حصنتج بأية الكرسي ..

نزلت راسي ايدي بين كف ايده ترجف ، الخجل والحزن وكل مشاعر الدنيا احتلتني بذيج الساعة ..

تقربت العلوية جرتني بوستني وعيونها تلالي دمع وبعدها گالت بفرح ... بالمبارك شايفين كل خير بالمبارك عساها زواجة الدهر الله يسعدكم و يوفقكم بحق حبيبه المصطفى تعال يمة خل ابوسنك يا بعد طولي ..

باس أيدها وراسها وهيَ بوسته بخدودة احمر من الخجل وضل يمسح بوجها ضحكت عليَ بشماته وعيوني لمعت بوكاحة باوعلي رجعت نظرتي المسالمة ودرت وجهي عنه ..

جا بس اني اخجل حتى هوَ خل يخجل وحد اني خو ما وحد ..

المفروض ماكو اجمل من هاي اللحضة بالنسبة للبنية لان رابط الزواج هو رابط مقدس يربط بين قلبين بالحلال الا اني ما كنت سعيدة ماكو فرحة ولا بهجة بداخلي ..

احس بنقص كبير تزوجت شخص ما احبه وابوي مو وياي احس الدنيا ظلمة وضعت بضلامها ما گمت اندل دربي ..

العلـوية ... يمة لبسها الحلقة تفضل ..
رباب ... علوية خليني انزعها العباية بالأول ماكو غير سيد ثائر هنا وصار رجلها ههههه خو ما نخليها مگبعة كدامه ..

العلوية ... من الفرحة راحت من بالي .. تعاي يمة انزعج عبايتچ سيد ضل بمكانك لا تتحرك مانريد تشرد وتعوف البنية ندري بيك تستحرم بس هاي حلالك صارت

رباب ... ههههههههههههه بعدة ممتعود

مسح وجها بالكلينس صار احمر دم لو بيدي اذب ضحكاتي ضحكة ورة ضحكة بشماته بس استحي منه نزعتني العلوية العباية و رباب عدلت شعري ..

گعدت على كرسي و هو كعد يمي رفع الكلينس مسح گصته وگال شغلو البنكا حارة

العلوية ... يا يمة برد جحيل وين الحرور استر علينا لا تتمرض عروستكم وعرسكم گريب .

براق ... اني هم محترة شغلوها

رباب ... شوفي علوية من هسة صارت تدور رضاته .

العلوية ...شفت شفت شغليها يمة رباب سهى وينج خية مسحي دموعج بنتج صارت بسد رجال امين بردي كلبج

باوعت الامي عيونها تلمع بالدموع مسحتهن بايدها وكالت راح اجيب الكيك والعصير ..
چا ما نطلع گدام العالم؟