اشهد ان حضوركِ موت

البارت الخامس

#اشهد_ان_حضوركِ_موت
#فاطمة_العبادي

همست بخوف وانه اترجع ليورة :- يممممة زيدان شتسوي

ركضت افوت وجاي اسد الباب بس هوا ركض وخلة رجلة منعني اسد الباب دفعة حيل علية وضربني الباب بصدري ..

سوالي اسسس
حطيت ايدي ع حلكي باوع شاف محد وكال
:- ما اريد اسوي شي بس احجي وياج حجايتين تحطينهن ترجية بذانج
لا عبالجن هذا كوادچن يحميجن مني انه بدام خليتجن براسي محد يحميجن مني بعد

هاي اختج براق الصخلة جنهة فص ثوم مجعص تاخذ يعقوب وانتي الي انه نفتك من سالفة السافل الشارد ونعرس وحجاية زايدة ما اريد ..

رباب :- خاب لو يعزلون الزلم وتضل بس انتَ ما أخذك شعبالك ادور مخانيث انه؟!!

ضربني بجعب المسدس ع عيني لزمت عيني وكتمت صرختي وانه اعض شفتي واتراجع خطوات للخلف
:- زيدان اذا ماتطلع ابلغ عليك الشرطة لو اصرخ والم الناس عليك اطلع يلة

زيدان :- ما اخاف ولا اختشي واجيت ابلغج لا اكثر واذا مافكرتي بعقلج طلقة من هذا المسدس براس ابوج المشلول هذا الي يسويهة ع روحة واخلص تضلن مالجن احد غيري

رباب :- تروح فدوة خايب الاضفرة يطلع ولي منا الله كريم

زيدان :- گلبي علية وغيري وشوفي شسوي

رباب :- ما نطيتك حجاية علمود اغير عليك انه ماريدك ولا اختي تصير الاخوك اطلع يلة لا تلزك

زيدان :- ولج ليش ما ترديني اسويلج احلى عرس بأحسن قاعة ترديهة واحسن بدلة وصالون واغركج ذهب وفلوس ادللج دلال اطلعج من هذا الفگر فكري بمصلحتج

رباب بأستهزاء
:- اي اي بفلوسك الحرام

زيدان :- وفلوس هذا عگاب حلال؟ اكلج لا تمضرطين انه حجاية حجيتهة وما اتراجع عنهة ابوج موتة تصير ع ايدي اذا مافكرتي زين وخليتي اختج تاخذ اخوي وانتي الي

بلعت ريگي بخوف وكتلة :- عقاب فلوسة حلال بدام يحاربكم يعني فلوسة حلال ع اقل ما يبيع مخدرات مثلكم

حط ايدة ع شعري وجرة قوي همس بفحيح بوجهي
:- ولج هوا تاجر مخدرات نفس شغلنة ويحاربنة وانتي تاخذيني احسنلج لا تشوفين الحجي الحجيتة يصير واقع

همست بوجع :- شيييل ايدددك شيلهة واطلع روح لم كرامتكم لطشرتوهة ولو منيلكم كرامة

دفعني ع كاع ودار وجهة طلع ركضت باوعت طفر السياج وراح سديت الباب ورجعت لفراشي حطيت راسي ع مخدة ولميت لفراش ع صدري بخوف

باوعت ع براق نايمة تسحبت مثل الحرامي جريت نقال امي ورديت للغرفة سرگيت الباب وطلعت جهات الاتصال ترددت اخابرة واحجيلة لو لا؟

بس عقاب مستحيل يطلع يبيع مخدرات اصلا هوا حتى الشرطة يعرفونة ويحترمونة يعني مو مثل زيدان
تمددت بالفراش وحطيت النقال جوة راسي