اشهد ان حضوركِ موت

البارت الثامن

#اشهد_ان_حضوركِ_موت
#فاطمة_العبادي

لتنسون تعليقاتكم الحلوة بين الفقرات الي تسويلي واهس للكتابة 💕💕💕💕
قراءة ممتعة كيكاتي 🖤.

شفت واحد واگف ع عكازات وجهة شاحب ، متغير مية وثمانين درجة صاير ضعيف عكس الأول واسمر
كل معالم الصدمة احتلت ملامحي وحجيت بأستغراب
:- طاااالب ..

باوعلي وأبتهج ابتسم ابتسامة عريضة كلهة لهفة
دخل ورا عقاب يمشي ويگول تفضل عمي تفضل
دخل وراه عمو عمر لازم عكازة خشب ذاب جزء من حملة عليهة ويمشي للبيت بعيون حمر ويباوع ع براق ومبتسم
ياا اهل البيت السلام عليكم ..

الصدمة سيطرت علينة و ع امي اكثر شي الي لزمت الولد وباستة وتكلة يااا يمة شلون رجعت عشت

رمشت بعيوني هوا الي يموت يرجع يعيش؟ طبعا لا ماكو غير تفسير
وهوا طالب ما ميت وجانو يجذبون علينه

صار السلام بيناتهم حار وانه واگفة مصفصة اباوع عليهم
اجت عيني ع عقاب مركز عليه وصاك ع سنونة بغضب
تلمست راسي بدون حجاب
شعري صار سبيل ما ضل واحد ما شافة ، رجعت للبيت مثل الطلقة غسلت وجهي ولبست شالي وركضت للاستقبال دخلت كلت السلام عليكم

ارتفعت انظارهم كلهم يبجون وعيونهم حمر بس عقاب جامد ردو السلام
ولبسوني وهمة يسترسلون بالكلام ..

عمر :- صاحب عمري هذا من وفاتة لليوم الدنيا كلش خانگتني اريد بس اجيلكم بس الله يسلمة عقاب ما يخلينة نسوي شي يكول خطر ع طالب خصوصا بعد ما كتلو ابن جاسم الصوب طالب ، بيت جاسم وين ما يشوفون طالب يمكن يكتلونة .. مو بعيدة عليهم

سهى :- الله لا يراويهم الراحة بيوم كون ما يغفالهم جفن من القهر جا بس يقهرون بينة ويطحنون بينة طحن .

عمر :- حسبي الله ونعم الوكيل عليهم ما تتخطاهم الله جاي يعاقبهم بس همة ماعدهم دم وما يحسون هذا كلة تحذير والجايهم اصعب
سهى :- اي والله يا ابو طالب
باوعت ع عقاب وگالت ... اگلك يمة عقاب انتَ مو كلت النة طالب توفة اسم الله علي طبعا بس احنة انقهرنة ونفتينة فت تالي يمة يطلع عايش والله هاي ما تتصدگ

عقاب عدل گعدتة وكللهة
:- خالة جماعتي الحاطهم يم زيدان صايرين بالضيم ما يوصلولي حجي مضبوط الظاهر زيدان شاك بيهم ويحجي شي كدامهم وبظهرهم شي

المهم همة خابروني بيوم صوبو طالب وگلولي زيدان يكول هذا طالب نموتة نموتة وهوا بالمستشفى ما نخلي يطلع منهة الا ميت ، ليش والله لان طالب متعارك ويا زيدان وكدام الناس گايلة ابو المخدرات لو بيك حظ ما مرتك شردت منك وحركت فلوسك مال الحرام ، هاي بيوم العقد من اجو نهو ع براق ..

زيدان متخبل ومتفلشة كل حصونة شلون يشوه سمعتي كبال اهل المنطقة وانه يحلفون براسي وانه الشريف الا اكتلة واموتة ..