اشهد ان حضوركِ موت

البارت قبل الاخير

#اشهد_ان_حضوركِ_موت
للكاتبة #فاطمة_العبادي

قراءة ممتعة كيكاتي 🖤.

بنات وصلو البارت فد 500 تعليق لان تعبت واني اكتبة
...

السَيف فِي الغَمد لا تُخشى مضارِبهُ
و سَيفُ عَينيك في الحالتِين بتارُ

...

لعياء
الحياة ما توگف ، بالعكس الايام صارت تمشي بشكل اسرع
تشابهت الايام بأحداثها
جانت ايام مملة متعبة اثقلت گلبي وكل جوارحي

الي ان انتهى بيَ المطاف جسد خالي ..
اليوم مر على طلاقي اكثر من سنة ، ما تلقيت أي أتصال منه
ولا حتى رجع للعراق او زار الأهل والاقارب
ما جنت متوقعتة بكل هاي القسوة!!!

اني ما جاي انتظره
بالعكس .. هو صفحة وطويتها
لكن اني ويا بيناتنا حديث طويل ماادري شوكت نبدي وشوكت ننهي!

رفعت شعري وخليتلة القراصة احس ظهري يوجعني بشكل مو طبيعي باوعت للبنية المحللة الي تشتغل وياي بالمختبر وگتلها بجزع ... سهير تكدرين تكملين لوحدچ؟
سهير ...ما اعرف شغل هواي ما اظن الحگ وحدي

تنهدت نزعت لكفوف وأسترسلت بالكلام ...ربع ساعة وارجع ما اطول اشرب كهوة تردين اجيبلج وياي
سهير ...والله ياريت

هزيت راسي ، سحبت جنطتي ورجعت فليت شعري ورتبته بأيدي واني أستخدم شاشة المبايل كـ مرايه وطلعت
فتحت المبايل اشوف الوقت ، اووف بلـ5 الدنيا مغرب والجو بارد
غلقت المبايل ورفعت راسي اتفقد الطريق الي امشي بي

ناس هواي تشتكي من الألم ، وتبحث عن دكتور يخفف اوجاعها ، اوجاعها الجسدية
الي يعاني من التهاب والي يعاني من نقص فيتامينات وكل واحد مرضه شكل
ياخذ من الصيدلية العلاج ، حتى ينتصر على مرضه الجسدي
وبعد يوم طويل من يخلون رؤوسهم ع فراشهم اوجاعهم النفسية تتهيچ ويخوضون اصعب المعارك نهايتها يجثون على ركبهم مستسلمين لسيف الحزن والألم ..

تنهدت تنهيدة طووويلة اخذت اسرع بخطواتي للكُشك حتى اخذ القهوة لكيت ناس هواي تنتظر دورها وكفت وياهم انتظر حالي من حالهم ، بعد اكثر من خمس دقايق انتظار اجة دوري كتلة ...ثنين قهوة

فتحت جزلاني حتى أخذها واحاسب جان ايد من وراي نمدت وصوت رجولي اعرفه اشد المعرفة طرق مسامعي و هو يگول
...خليهن تلاثة وتفضل حسابهن عزيزي

تأفأفت بضجر ما اريد اكون يمة وبقربة
الولد حط القهوة اخذت اني ثنين وهو اخذ وحدة
التفتت علي وگتله ...مشكور جراح ما تقصر .

مشيت ع كيفي هو مشى وراي وگال بحسرة
...لعياء بس مرة وحدة انطيني فرصة
مرة وحدة
احجي وياج بدون قيود اعبرلچ عن مشاعري اتجاهچ
خلينه نتفاهم خلينة نتناقش

نحجي هواي وبنهاية الحجي عصبي صيحي وكولي ما احبك ما اريدك
حتى اعرف ادير وجهي واروح عنج للأبد