اشهد ان حضوركِ موت

البارت الرابع

#اشهد_ان_حضوركِ_موت
#فاطمة_العبادي

حاولو تتفاعلون ع فقرات قدر المستطاع والكم مني هداية 😍✨.

كانت تقول والدتي لي قصة غنائية جميلة عندما كنت صغيرة (دللول يا البنية دللول يمة عدوج عليل وساااكن الچول)
ترسخت في ذهني .. اطمئن قلبي
فـعدوي بعيد لا يدرك الطريق ألي ..
اما انا اليوم خائفة هشة مهشمة ..عدوي ! كان شخصًا نتشارك انا واياه نفس الدم ..

براق ...

وسط عياط النسوان ام طالب ملخت روحهة وشعرهة وتريد تطلع بس النسوان لازميهة ، تباوعلي وتصيح ساعة السودة الاجيناج وخطبناج من وراج راح وليدي عساج ما تتهنين بكل حياااتج دعوة والدة محترگ كلبهة عسااااج ما تشووفين النور ..

امي وهي تبجي صاحت عليهة
:- ذكرررري ربج ام طالب

النسوان ييهدنهة اجة ولد من برة كال اخذو للمستشفى وامة ملخت روحهة

المشكلة انه بس كاعدة وصافنة الدمعة جمدت بعيني
وصوتي احسة اختفة من الصدمة ..
گومتني رباب وهي دموعهة تنزل كلة اربعة اربعة وكلهم كامو يطلعون دخلتني لغرفة امي حاطتلي كرسي رادت تكعدني علي سحبت ايدي منهة وباوعتلهة ..

:- شنو عبالج انه عروس وجاية تگعديني ع كرسي ناقص تجيبين الكيكة اكلهة خوش والله

فتحت عيونهة بصدمة ولزمتني من زندي
براق الصار مو بيدي لو بيدج لزمي اعصابج و الولد اخذو للمستشفى ان شاءالله ما يطلع بي شي لو يطلع عايش

:- واذا طلع عايش؟ شنو راح يتغير اضل انه سبب بأذيتة وممكن يصير بي شي
ينشل يفقد عضو من اعضائة كلشي وارد
وبسبب منو بسببي يا ربي الك الحمد والشكر شحجي وشكول ما اكدر اعترض ع حكمك اكثر

رباب :- مشمشة الصار مو بسببج بسبب عمي جاسم الما يخاف الله و ولدة عساهم بنار تحرگ افادهم كبل اجسامهم حسبي الله ونعم الوكيل
جانت تحجي بدموع عكسي جامدة

البيت صار صنتة دخلت امي تبجي وتكول
:- يردونهة ليعقوب المخبل والله ع كص ركبتي ما انطيهة الهم

رباب صرخت وخلت ايدهة ع حلكها
:- ككككل عقلللهم هذووووول يردون ننطي براقنة لواحد مختل عقليًا لا طبعا لا هاي العااايزة بعد

وكعت ع اركبي ولطمت ع افخاذي ، العبرة خنگتني والدمعة اخيرا رفعت راية الاستسلام وقررت تغزي خدودي وتلوثهن بكحلتي ..
شهگت بحرگة كلب وصحت بصوت رج اعماقي قبل البيت
:- ليششششششش ياااا اللهي لللليييييششششش مو اني عبدتك الضعيفة الماااعدهة غيررررك ليشششش تسوووووي بية هيجججج ربي مو دعيتك وكلت ردد شررر كل واحد علي ولا تورطني بشي انه مو كددة

امي تقربت وحضنتني وكامت تبجي وياي وتكول
:-ماما لا تعترررضين ع حكم رب العالمين
اصبري ع ما ابتلاج ماما الله ينطيج من صبر زينب