اشهد ان حضوركِ موت

بارت 40

#اشهد_ان_حضوركِ_موت
للكاتبة #فاطمة_العبادي

قراءة ممتعة كيكاتي 🖤.

لتنسون تصويت + تعليق بين الفقرات شكد متكدرون 💙🖤🖤

فتحت الباب صار بوجهي بابا حبيب .. فكيت حلكي بصدمة وصرخت بلهفة بابااااا ..

ركض اخذني بحضنه لفيت ايديني حوله وبچيت ..
حضنته حييل اشم بي وابوس بكتفه وابچي واحچي

...متتصور شگد مشتاقتلك ليش گطعت بية فد نوب صار اربع اشهرررر ماشايفتك لا حاجية وياك والله مايصيررر هيچ مايصيرررر بابا

...بنيتي صعبة صعبة اخاف عليچ حتى من امچ شلون ترديني احجي وياج گمت ما اثق ، بس اني اسأل عزيز عليچ يگلي زينة وعايشة حياتها متونسة وعدها صديقة اسمها ليان .

...يا متونسة بابا اني الهي روحي بهاي السوالف تفضل تفضل ليش تضل واگف هنا ..

سحب جنطته وفات سديت الباب لميت شعري وسحبت مبايلي ...اخابر عزيز انطي خبر بجيتك الظاهر هو الثاني مايدري

اشرلي اجي يمة وگال ...عوفينة من عزيز عندة شغل خابرته انطيته خبر بجيتي تعاي يمي اشبع منچ مشتاقلچ .

ثنيت رجلي خليتها جواي وگعدت حضنته حيل اشم بي والله مشتاقتله حتى اكثر من امي باس راسي وگلي ...طمنيني شلونچ شخبارچ خو ماصار وياج شي أذاچ لو تعرضلج احد؟

هزيت راسي بـ لا وتنهدت ...بابا صار شي من وراي؟ بس لا كبرت المشكلة عزيز ما يحچيلي شي هو حتى حجي مايحجي وياي .

باوعلي بتفكير وضحك برضا ما اعرف شنو السبب وبعدها رد ...ما صار شي مسيطر على الوضع بس بالحقيقة الكل شايط ويريد يعرف مكانج بس ما حجيت ولا كلت اندلج گلتلهم الموضوع يمي مالكم شغل ..

حطيت راسي على كتفه وتنهدت ...تعبت بابا والله تعبت اعترف اني غلطت بس والله ما سويت شي نفس السمعته وكلشي شفته مو حقيقي مفبرك

حبيب ...ادري بنيتي
اعرفچ اكثر من روحي ما تسوينها وهذا مو مستواچ بس لازم تتحملين لحد ما نلزم راس الحية ونگطعه .

غمضت عيوني بتعب وكلشي صار وياي مر گبال عيني بلحضات انقبض گلبي ورجفة سرت بكل جسمي ..

.....................فلاش باك..................

ما حسيت غير شفايف جراح تحتل شفايفي انتفضت دفعته عني بسرعة وابتعدت عنه الهث ..
حطيت ايدي على گلبي ما اعرف شنو صار بيَ صرت ارجف مثل السعفة

لزمني من زنودي وثبتني ع سيارة وگال بحدة ...طلع مشاااعرچ ليش ضامة كلشي بگلبچ وتجلدين نفسج كل ما تشوفيني بعيد عنچ

...جراح احنة ما نتناسب ارجوك ابتعد عني

...بس انه احبچ من زمان صار سنين من اول ما اشتغلت يم استاذ حبيب وانتِ أخذتي گلبي بغرورچ وشموخچ جنتي ما تنطيني حتى نظرة
حتى بوجودي ما حاسه لهذا السبب من حسيت بيج تميلين الي حبيت اشربج من نفس الكاس الشربت منه ..