اشهد ان حضوركِ موت

بارت 31

#اشهد_ان_حضوركِ_موت
للكاتبة #فاطمة_العبادي

قراءة ممتعة كيكاتي 🖤.

البارت 4150 كلمة يستاهل تفاعلكم ..

لتنسون تصويت + تعليق بين الفقرات شگد متگدرون 💙🖤.

صار يتقرب مني حصرني على الحايط ويتلفت دفعته من صدره حيل ارتد شوية وصار يهمس بفحيح بشكل مقرب وكلمات قذرة ..

ادفع بي من صدره وارزل بي بصوت خافت ، اخير شي جمعت قوتي ودفعته حيل ركضت لغرفتي دخلت للغرفة ، من قميصي جرني حيل عثرت طحت على وركي .. رفعت راسي شفته فات للغرفة وسد الباب حط صبعه على حلگه وسوالي اششش ..

أبتسمت بأستهزاء ... شنو عبالك تخوفني من تسوي هيچ لو راح تگدرلي واني تربية عقاب ..

قطب حواجبه گمت بسرعة من مكاني بحركة سريعة مني دفعته ليورة ودخلت للحمام سديت الباب قفلته على روحي شمرت نفسي بالگاع بقوة سمعت صوته يدگ بالباب ويهمس ... طلعي ما اسويلچ شي خلي نسولف شوية لا تصيرين كلش لولو والله ادللج دلال

لعياء ... على أساس اني عايزة دلالك ما تولي منا ترة راح افضحك هذا تحذير ..

ضياء ... شتسوين اگللهم هيَ اغوتني ..

ضحكت بأستهزاء واني ادري اكو كاميرات مربوطات بلابتوب عزيز وعقاب دائما يشوفهن يراقبون باب غرفتي حتى يعرفون منو يدخل للغرفة ويخلي التهديدات ..

غمضت عيني سمعته گال بضجر ... ما اطلع اذا ما تسمعيني انطيني فرصة ادللج فوگ دلال عمي حبيب اضعاف واذا فضحتيني ما تستافدين شي ترة محد راح يصدگج انتِ الغريبة واني زوج بنتهم ..

ضحكت بصوت مسموع وگتله ... لا والله كل عقلك يكذبوني اني الي ربيت بين ايديهم ويصدگونك انتَ الفاهي القبلوك غصب عنهم لخاطر سنا وكلهم وگفو ضدها بالاول ورفضوك رفض قاطع لان ممرتاحيلك ويعرفوك داخل على طمع تهي بهي ..

غمضت عيني وصرخت صوت عالي ، سمعت باب غرفتي انفتح ضحكت بأستهزاء علي شرد من اول صوت حتى ما أنتظر اطلق صوت ثاني ..

كلها لحضات قليلة وسمعت خطوات بالغرفة و صوت عزيز يگول ... لولو وينج .. تبعه صوت سنا

سويت نفسي متوجعة و حچيت بصوت عالي من ورة باب الحمام ... وگعت هنا ، غمضت عيني وصحت بوجع ااخ ..

دگو باب الحمام سنا صاحت ... لولو حبيبتي فتحيلنا الباب لو متگدرين؟

لعياء ... راح احاول ... حجيت متصنعة الألم ..

گمت وگفت حنيت نفسي وفتحت الباب اطليت عليهم شفت عزيز واگف داير وجها ..
فاتت امي لافه راسها بالمنشفة ... شبيها لولو

هنا ... طايحة بالحمام لزمني من ايديني اخذني لسرير صرت اغمض بعيوني واجعص بوجهي عزيز باوعلي وضحك ... هاي شورت بيچ مساع زرفتي ايدي بولتي گلبي على روحه ..