اشهد ان حضوركِ موت

بارت 48

#اشهد_ان_حضوركِ_موت
للكاتبة #فاطمة_العبادي

قراءة ممتعة كيكاتي 🖤.

ملاحظة: البارت غير مراجع
بداية البارت كتبتها اخير شي واني مسطورة من تعب الدوام مال اليوم ومن الكتابة نفسها ف اي غلط بيها عبرو لخاطري 😂😂😂🤍🖤 ولاجل عين تكرم الف عين مو صح

لتنسون تعلقون بين الفقرات رفعو البارت بالتعليقات 💜

...

جردتني من كل مشاعري واحاسيسي قدمتني بأيديها للموت الأبدي لكن على قيد الحياة!!
ماكو ابشع من شعور الموت وانتَ عايش ..

سحبت نفسها مني تباوعلي بنظرة حزن مغلفة باللوم المفرط ، على شنو تلومني واني الضحية الوحيدة بهاي السالفة كلها ..

رجفت شفايفي تبعثرت الكلمات كلت برجفة ...اخوي سجاد شتحجين فهميني سحر
لا تصبين الزيت ع نار وترحين .

سحر ...ماعندي معلومات وما اكدر احچي شي
بالأخير اهلي مو مثل اهلچ وحياتي مو مثل حياتچ اذا حچيتلج اكثر من هذا الحچي اكون قدمت رگبتي للنذل كرار وبعد منو يخلصني منه؟!!

لعياء ...وانتِ شعندچ ويا ليش حتى تحجين هشكل؟
سحر ...لعياء فدوة غديتلچ طلعيني من السالفة لأن كلش خايفة هسة اني رايحة فترة وامر عليج اخذي رقمي من هنا تمام ولا تتصرفين بدون دليل ..
حچت اخر كلمات ورفعت حواجبها كأن جاي تحذرني ..

طلعت من البيت وخلتني الوب ، ما خلتلي ومضة امل
التفكير اخذ الحيز الاكبر من تفكيري ..

اريد الگة حل اريد افكر صح ماكو ، ضليت افتر بمكاني اكثر من ساعة ما اكدر ارجع للبيت ماكدر اسوق واني بهذا الوضع انفتح الباب شفت بابا فات ثنيناتنا صفنة بوجوه بعض سلم مستغرب وگال ...شعجب جاية هنا؟

بلعت ريگي بتفكير زميت شفايفي ما عرفت شنو ارد
بعدها گتله ...بابا عادي نحچي شوية

هز رأسه واجة كعد ، گعدت مقابيلة وگتله بصوت ناصي ...انتَ مو چنت تدور على الشخص الي مأذيني بالبيت هنا .

هز رأسه ب اي ...شنو لگيت احجيلي ما حسيت بأحد .

حبيب ...اني اكلج دورت وفتشت وراهم واحد واحد ، كلهم ما عليهم غبار الا شخص واحد
وادري مستحيل يسويها ومتأكد الاشياء الشفتهن ممكن ما يكونن حقيقيات واكو شخص يريد يوكعه لهذا الشخص ويشبك العائلة ببعضها .

لعياء ...أي؟! فهمني شنو منتظر يا بابا منو هذا الشخص وشنو لگيت

حبيب ...سجاد
دورت ورا مثلا بمبايلة لكيت رسائل ويا رقم مسجلة "13" رسائل غريبة
يكتب السجاد تعال ..
وسجاد يرد جاي
ومرة كاتبلة ما اجي
الرقم الثاني راد "هاي الي الله كتبها عليك"
وسجاد راد علي جاي ..
ونهاية الرسائل جانت قبل لا يصير بيج الحادث من لگيناج مجرحة وناطيج مخدرات .