اشهد ان حضوركِ موت

بارت 35

#اشهد_ان_حضوركِ_موت
للكاتبة #فاطمة_العبادي

قراءة ممتعة كيكاتي 🖤.

لتنسون تصويت + تعليق بين الفقرات شگد متگدرون 💙.

رباب ... اليوم خطوبة قيس اني اول وحدة رفضت اروح وبعدها براق رفضت رفض قاطع كانت متضايقة وحزينة

لأن سيد ثائر انسان ثگيل وكلامة وياها بس سلام مجاي تعرفه وبنفس الوكت اليوم خطبت الانسان الي جانت تحبه وراح لوحدة غيرها ..

امي گاعدة تلبس جواريبها وتوسلت بينا للمرة الأخيرة ...يمة امشن وياي زحمة من ام قيس هسة تگول هذني حاقدات وما يتمنن الفرح النه لان ما اجن يشاركنة الفرحة ..

براق ...لو بيتهم يطلع الجنة بعد ما ادخلة نمونه

رباب ...واني ما اعوف براق وحدها روحي يمة وسلميلي على خالة والبنات وتعذريلي منهن لان ما حضرت الخطبة

سهى ...الله يسلمج جيبيلي ريحتي براق

گامت براق جابته وگلتلها ...ها يمة تحطين ريحة للشويب مالتج خاف يشم ريحتج

سهى ...غضب الله عليچ كلساع تلزگيني بزلمة اااخ منج .. حطت ريحة وشمرتها على براق بغضب ..

وهيَ تطلع من الباب گالت ...اكو وحدة منجن تجي وياي؟ خاف بعدين تگولن ماخذيتينا هاي عاشر مرة اگللجن امشن وياي

رباب ...لالا يمة روحي الله وياچ .

راحت وگعدنا اني وبراق نسولف بدأت تسولفلي عن سيد ثائر
...رباب محترم خلوق بس من يخابرني شلونج شخبارج الاهل شلونهم محتاجة شي ويروح
اريد اتعرف علي اريد اعرف اطباعه اتعود على اسلوبه مجاي ينطيني فرصة رباب ..كلش جاي اتضايق

...شكو بيها كتبيله كتابة گليلة اريد اتعرف عليك اكثر لان ورانة زواج والخطوبة حطوها للتعارف

... استحي هسة يگول ما تصدك تتعرف علي لو شنو
...يووو براق شگد عقدة كتبيله كتابة احجيلة كلشي بداخلج ترة سيد ثائر متفهم ..

...اكتبله هسة؟ هزيت راسي ب لا
...من يكون موجود افضل ، شغلنة التلفزيون على مسلسلات تركيا من مسلسل لبرنامج لمسلسل صار الغروب طفينة التلفزيون وگمنة نسوي عشا بعد الصلاة وامي على جية ..

حسيت تأخرت بجيتها أخذت مبايلي اتصلت بيها مرة ماكو مرة ثانيا اجاني صوت رجل گلت بتساؤول ..هذا مبايل امي منو انتَ؟
رد عليَ ...طلعت المبايل من جيب مرية عمرها بالاربعينات توفت گبل ربع ساعة بحادث ومادورنة جيوبها بس جنطتها وماحصلنة تلفون جنة ننتظر احد يسأل عليها ...

فتحت حلگي بصدمة ونشغت بصوت عالي وصحت شلوووون؟؟!!!! امي امي .. ام ام امييي هويتها بالجنطة اسمها سهى جاااي تقصد امي خاف مو امي مسروقة مو امي احد بايگ تلفونها