"جم زلة منك بينت ما جيت اعاتب مرة
من عشرتك گلي اشفت غير الالم والحسرة
آنة ادري يهواك الگلب وبعدك يعذب حالي
وادري اليحب ليلة صعب هايم يظل للتالي"
جالسين ع تخم القنفات الخشبية بالحديقة الكبيرة يشربون شاي ويستمعون هاي الغنية كان صافي وحميد يلعبون دومنة
اما خطاب فكان يدندن وية الأغنية ويدخن جگارتة ينفث دخانهة وهوة يتفرج بشروود ع اللي يلاعب فوكسي ويوكلة ويضحك ويا
" هههه اخ فوكسي نو"
لهيب يكلم فوكسي ويمسح ع راسة وبطنة
" كافي يول اثگل شوية"
ندسة حميد بقوة يكلمة بعد ما كانت نظراتة مبالغ بيهة
"ولك شثگل كلتلة اتمنى اصير فوكسي"
اردف خطاب يناظرلة ويرجع عيونة ع لهيب اللي يلحس بي فوكسي وهوة بداخلة يريد يخنق الكلب من الغيرة بس اكيد ما يبين هذا الشي،
"سليمة التطمك اي والله"
"انت شجابك ع فوكسي ولك هذا من سنين ويا حتة جان بيتة بس مرة نسة يأكلة لأن كان ملتهي يكتب وتخبل خاف لا صار علي شي وجابة هنا حتة يعتنون بي وفوكسي اصلاً عندة جواز وفار العالم وي لهيب"
اردف حميد وهوة يتذكر شلون لهيب متعلق بالكلب مالتة ويحبة
"يعني افهم من كلامك فوكسي احسن مني"
"اي"
" وجعي"
" قهقهقه"
" يلا حميد العب ولا تغش"
تأفأف صافي من همساتهم وضحكاتهم وكأنما بيناتهم اسرار ما يردون صافي يعرفهة واردف بغضب وهوة منتضر حميد يلعب لأن اجة دورة
" افا شوكت غاشك اني صافي"
اردف حميد بضحكة يلاحظ غضب الاخر المبالغ بي وراح يناظر بعيونة الزرق واردف بخفوت
" انت بس باوعلي بهذن الزرگ واني اخسرلك"
خلص لهيب من الكلب وتقدم منهم وجلس بصف خطاب اللي ما شال عينة عنة
"اني هماتين اريد العب وياكم"
تكلم لهيب وهوة كان يتثاوب كونة نعسان كلش
"يلا خل نخلص اني ودكتور صافي حتة تنزلون انت وخطاب"
اردف حميد والتفت لهيب يباوع ع اللي يناظرلة من مدة وهوة ما مهتم
"انت عاد تعرف تلعب دومنة"
تكلم لهيب وهوة يباوع لخطاب بنظرة جانبية غالب ع وجهة السخرية
