وِاذا دِفنونيَ أسوُلف بيك للميِتيِن
واگلهم هْذا اعَز چتَال اعِله گلبي ..
،
،
"اخ ولك شلون فد شي حلو مثلك يسوي بية كل هذا الوجع"
تكلم خطاب بقهر مع نفسه يتنهد بوجع يقلب بصور حبيبه بالهاتف يخفيهم بمكان بعيد تلمع عيونه بدموعه مسحهة بسرعة من ناظر رهف جاية ناحيته متقربه
"خطاب شبيك" اردفت رهف تتسائل جالسة بالقرب منه ملاحظة عليه حزنه ومزاجه على غير العادة اعتدل بجلسته وابتسم الهة متحمحم رادف "ما بية شي"
" عادي اسألك سؤال " اردفت رهف بتردد يومئ لها خطاب مكملة كلامها "انت مو ما جنت تريد هذا الزواج ليش غيرت رأيك"
صنت خطاب لوهلة ما يعرف شنو يرد يشعر بالذنب ناحيتها محاول بكل ما عندة من قوة ما يفكر بلهيب وينس متكلم معها بصراحة "ما رح اجذب عليج واكلج كلام زايد اني ردت اتزوج وماكو خيار احسن الي منج "
" يعني عادي الحب يجي ورة الزواج مو الة قبلة على الاقل احنة نعرف بعض من احنة وصغار ومتفاهمين" تكلمت بحزن من سمعت الجواب تعلم انه خطاب لا يكن لها مشاعر حب تأمل ان تدخل لقلبه يوم ما
"شنو هاي الكلادة دائماً لابسهة ليش عليهة حرف L " تقربت رهف منه لازمة القلادة اللي لابسهة خطاب رافعتهة عن صدرة متسائله بشك
"هاي اسم الماركة هيج مو شي مهم رخيصة بس متعود عليهة " ابعد خطاب كفهة عن القلادة متكلم بكذبة غير قادر على ان ينزعها عن رقبته وكأنها الخيط الاخير بينهم
" حلوة جانت الأجواء اليوم صحيح صار هوسة ومن سألني الشيخ ضليت ارجف وتوترت بس جنت متأكدة من قراري اتمنى نعيش بسعادة دائماً سوية " تجاهلت كلامه تقنع نفسها انه يقول الحقيقة مبتسمة بسعادة اومئ الهة خطاب مبتسم بصمت
" شرايك نسوي العرس قريب يعني ما نطول بالخطوبة، اني ما احب الهوسة وهواي معازيم اصلاً ما عدنة أقارب هواي خل نبدي نجهز من هسة ماكو داعي نطولهة" بادية تتكلم عن خططهم للزواج وكأنها تكلم نفسهة تعاين على خطاب اللي كان وكإنه بغير عالم، عالم بعيد عنهة صعب انها توصلة
" اسف رهف شنو گلتي " فز خطاب من شروده من تقربت منه واضعة كفها على كفة ساحب ايده بسرعة ابتسمت واردفت
" ماكو شي، ما گتلي شنو رأيك بفستاني وتسريحتي "
"انتِ حلوة طبيعي يطلع كلشي عليج حلو " جاملها خطاب بنبرة رقيقة يحاول يكون طبيعي مكتسية وجهها الحمرة رادفة بخجل "شكراً خجلتني "
"اي عيني طبعاً زيودي شوف هذولي العرسان غرگانين بالعسل" تكلم علي مع زيد اللي كانو جالسين بالبالكونة يناظرون عليهم متقرب علي منه هامس بأذنه " يوم النة زيود "
