လီယင်
(Vip gpမှာ ၆၁ထိရောက်ပါပြီ)
အခန်း၁၉။ ချမ်ယောင်ကျင်း၏သား
အဆိုပါလူရွယ်မှာ လီယင့်ထံ တဟုန်ထိုးပြေးလာလေရာ လီယင့်စိတ်ထဲ ထိတ်ခနဲဖြစ်သွားပြီး ၎င်းနေရာမှ လှည့်ထွက်ရန်ပြင်လိုက်သည်။ သို့သော်လည်း သူသည် လီယင့်ကို ချက်ချင်းမီလာလိမ့်မည်ဟု မည်သူကထင်မည်နည်း။
ပုန်းကွယ်စရာနေရာမရှိတော့သဖြင့် လီယင်လည်း စိတ်ပျက်လက်ပျက်မျက်နှာပေးဖြင့် မေးလိုက်သည်။
“ ညီလေးဟွိုက်လျန့်.. ခါတိုင်းဆို မီးရှူးမီးပန်းဖောက်တဲ့နေရာမှာ သွားလေ့ရှိတာမဟုတ်လား။ ဘာကြောင့် ဒီနေ့မှ စိတ်ပြောင်းပြီး ဒီကိုရောက်လာရတဲ့အပြင် စစ်သူကြီးကိုယ်တိုင်ပါ လိုက်ခေါ်ရတဲ့အထိ ဖြစ်ရတာတုန်း။ ”
ချမ်ဟွိုက်လျန့်မှာ သေအံ့ဆဲဆဲအခြေအနေသို့ ရောက်နေသည့်အလား လီယင့်အနောက်တွင်ပုန်းလျက် တကိုယ်လုံးတုန်ရီကာ ကြောက်လန့်တကြား ဖြေရှာသည်။
“ ဟိုကောင် လုပါးယန်းပေါ့။ အရက်ဝယ်တိုက်မယ်ဆိုပြီး ဒီကိုဇွတ်ဆွဲခေါ်လာလို့ ရောက်လာရတာ။ ”
သူထိုသို့ပြောနေစဉ်မှာပင် ၎င်းနောက်မှ လိုက်လာသော လူလတ်ပိုင်းအရွယ် လူကြီးမှာ လီယင်၏ အရှေ့သို့ရောက်လာခဲ့ပြီဖြစ်သည်။ လီယင်ကို တွေ့သောအခါ ၎င်းကိုင်ဆောင်လာသော အသွားနှစ်ဖက်ပုဆိန်ကို ဘေးသို့ချလိုက်ပြီး ဦးညွှတ်လိုက်၏။
“ မင်းသားခြောက်ကို ကျွန်တော်မျိုး နှုတ်ခွန်းဆက်သပါတယ်။
“ စစ်သူကြီးချမ် ”
လီယင်ကလည်း ပြန်လည်နှုတ်ဆက်လိုက်သည်။ အဆိုပါလူသည်ကား သမိုင်းတွင် နာမည်ကျော်ကြားလှသော စစ်သူကြီးချမ်ယောင်ကျင်းပင်တည်း။
“ ခွေးမသား.. ဒါက ဘယ်သွားမလို့တုန်း။ ”
ပြောရင်းနှင့်ပင် သူ့သားကို လက်ထဲမှ ပုဆိန်ရိုးဖြင့် ရိုက်လေတော့သည်။ ချမ်ယောင်ကျင်းသည်ကား အမျက်ဒေါသကြီးလှသည်ဟု ရုံးတော်တွင် နာမည်ကြီးလှပေသည်။
“ ကူညီပါဦး..အရှင့်သား။ ”
ချမ်ဟွိုက်လျန့်တစ်ယောက် လီယင့်ကို ဒိုင်းကာသဖွယ် တင်းတင်းကြပ်ကြပ်ဆုပ်ကိုင်ကာ သနားစဖွယ် အကူအညီတောင်းရှာလေသည်။
YOU ARE READING
ငါ့ရဲ့နောက်ဖေးခြံဝန်းက ထန်မင်းဆက်ဖြစ်နေတယ်
Mystery / Thriller"ငါ့ရဲ့နောက်ဖေးခြံဝန်းက ထန်မင်းဆက်ဖြစ်နေတယ်(လီယင်)" Author: Snail Carrying Home Genre: Historical, Military, Urban life Status: Completed Translator: Mocha ဇာတ်လမ်းမှာ လီယင်သည် သူ့အိမ်နောက်ဖေးရှိ ရှေးဟောင်းရေတွင်းကိုဖွင့်ပြီးနောက် ဘဝပြောင်းလဲသွားခဲ့...