ရေချိုးပြီးခါဖြစ်၍ခင့်၏ခန္ဓာကိုယ်ပေါ်မှာစိုတိစိုစွတ်ရေသီးရေပေါက်လေးများကအနှံ့ကပ်ငြိ၍နေသည်။
မစိုမခြောက်ကျောပြင်ပေါ်မှာကပ်နေသည့်မိုးပြာရောင်တီရှပ်လေး။မိုးပြာရောင်တီရှပ်လက်ရှည်အပါးလေးသည်ခင့်၏လက်ကောက်ဝတ်အကျော်ထိကိုဖုံးအုပ်နေ၍ ခင်အကျီလက်ကလေးကိုဆွဲဆွဲတင်နေရသည်။မျက်နှာကိုတော့ဘာမှထွေထွေထူးထူးလိမ်းခြယ်မနေတော့။ခါတိုင်းလိုပင်မျက်နှာကိုmakeup အနည်းငယ်ဖို့ရင်း မျက်လုံးအထက်မှာ eyeshadow လိမ္မော်ရောင်အားခပ်ရေးရေးခြယ်သည်။ ဖျော့တော့နေပြီးအရေခွံအနည်းငယ်ကွာနေသည့်နူတ်ခမ်းလေးအားနှင်းဆီခြောက်ရောင်နူတ်ခမ်းနီအားခြယ်သလိုက်သည်။
အထွေအထူးပြင်ဆင်မထားသော်လဲခင်သည်ကြည့်ကောင်း၍နေပြန်သည်။
အဝတ်အစားကိုလဲ ဆန်းဆန်းပြားပြားလုပ်မနေတော့။မိုးပြာရောင်တီရှပ်လက်ရှည်နှင့်အတူ ဂျင်းဘောင်းဘီအနက်ရောင်ကိုတွဲဖက်ဝတ်ဆင်ထားသည်။
ခင်မှန်ထဲရှိသူ့ပုံရိပ်ကိုသူပြန်ကြည့်ကာသက်ပြင်းတချက်ကိုသူကိုယ်တိုင်တောင်မသိလိုက်ပဲချလိုက်မိသည်။
မှန်ထဲရှိခင့်၏မျက်နှာလေးသည်အရင်ကထက်ချောင်ကျနေသည်။ဒီရက်ပိုင်းစိတ်တွေမပျော်ပေ။ဘာဆိုဘာမှကိုလုပ်ချင်ကိုင်ချင်စိတ်မရှိ။အမြဲတမ်းတက်ကြွရွှင်လန်းနေတတ်သည့်သူကအခုရက်ပိုင်းစိတ်တွေသေနေသည်။ဘာဖြစ်ချင်လို့ဖြစ်ချင်နေမှန်းမသိပဲ ဘာကိုမှမယ်မယ်ရရမလုပ်မကိုင်မိပဲယောင်လည်လည်ဖြစ်နေရသည့်နေ့ရက်များဖြစ်သည်။သေချာတာတခုကတော့ခင့်၏စိတ်တွေထိုင်းမှိုင်းနေသည်။စိတ်တွေနာကျင်နေရသည်။
လူကြားထဲလဲသွားလိုစိတ်မရှိပဲ အခန်းတွင်းအောင်းနေကာအချိန်တိုင်းအိပ်ချင်နေမိသည်။
ဒီနေ့တော့အပြင်သွားဖြစ်ဖို့အကြောင်းဖန်လာသည်။
ဘာရယ်ကြောင့်လဲတော့မသိခင့်၏စိတ်ထဲလေးလံသလိုခံစားနေရသည်။ခံစားချက်တွေသိပ်မကောင်းနေ။သို့သော်လဲ မနေ့ညထဲကမိခင်ဖြစ်သူနှင့်ပြောပြီးသားကိစ္စဖြစ်၍ မသွား၍မရတော့။
Delivery caseပြီးသည့်နောက်ပိုင်းမှစ၍ခင်ကိုကို့ကိုရှောင်ဖယ်နေမိတော့သည်။မချစ်တော့၍တော့မဟုတ် ချစ်သည့်စိတ်ကတပြားသားမှမလျော့သေး။သို့သော်လဲ ကိုကို့အပေါ်ခင်စိတ်ကွက်နေမိသည်။ကိုကိုကတော့သူရှောင်ဖယ်ရှောင်ဖယ်ပြုနေတာသတိပြုမိ၍ပဲလား၊သူ့အမှားအပေါ်သူလိပ်ပြာမလုံ၍ပဲလားတော့မသိခါတိုင်းတွေထက်ခင့်ကိုပိုဂရုပြုနေသည်။ထိုအကြောင်းတွေကိုသူအကုန်သိပြီးသားဆိုတာကိုကို့ကိုခင်မပြောရသေး။ပြောပြလိုချင်စိတ်လဲမရှိဝောာ့ ထိုကိစ္စနှင့်ပက်သက်ပြီးစိတ်ဆိုးစိတ်ကောက်ရအောင်ကလဲ...။
YOU ARE READING
My handsome Prime Minister
Romanceကိုကိုလို့ခေါ်သံချိုချိုလေးသည်မြတ်အတွက်နားထဲသံရည်ပူလောင်းချလိုက်သလိုပူလောင်လှသည်။ ဟိုကောင့်ကိုကျကိုကိုတဲ့လား ကလေးလေးရယ်။ ဒီကောင်ကဘယ်လိုခံစားရမလဲ။
