ပြုတ်ထားသောခေါက်ဆွဲများကို့ပန်းကန်အတွင်းသို့ခင်ဆယ်ထည့်လိုက်ပြီး ဆား၊ဟင်းခတ်မှုန်နှင့် ပဲမှုန့်တို့ကိုသင့်သလိုထည့်လိုက်သည်။ဆီချက်ထည့်ရာတွင်တော့ မြတ်ကဆီချက်ဖက်ဆိုခါးလို့မကြိုက်၍ ခင်ကြက်သွန်အဖတ်တွေမပါအောင်သတိထား၍ဆီချည်းသက်သက်သာရွေးခပ်နေလေသည်။
နူးနေအောင်ပြုတ်ထားသည့် အာလူး၊ပဲပြားကြော်တို့ကိုထည့်၍နှံ့နေအောင်ခင်နယ်သည်။
ခေါက်ဆွဲသုပ်ထဲထည့်ဖို့ ဂေါ်ဖီနှင့်သခွားသီးကိုတော့အန်တီခိုင်းကလှီးပေးနေသည်။
"ဒီမှာရပြီတုံတုံ"
"အယ် ဂေါ်ဖီတွေကလှီးထားတာထူလိုက်တာအန်တီခိုင်ရဲ့ လူကြီးမင်းကဂေါ်ဖီစားတာမဟုတ်ဘူး အဲ့လိုအထူကြီးတွေဆိုသူစားမှာမဟုတ်ဘူး ဓားခင့်ကိုပေး"
ခင်စိတ်တိုင်းမကျ၍ တစ်ခါသုံးလက်အိတ်ကိုချွတ်ကာ ဂေါ်ဖီတွေကိုယူ၍ပါးသည်ထက်ပါးအောင်လှီးဖြတ်ပါတော့သည်။
ခုနကလှီးပြီးသားခပ်ထူထူဂေါ်ဖီများကို ပါးပါးချပ်ချပ်လေးတွေဖြစ်အောင် ခင်စိတ်ရှည်လက်ရှည်ပြန်လှီးနေသည်။
"ရနေပါပြီတုံတုံရဲ့"
"ထူသေးတယ်အန်တီခိုင်ရဲ့ လူကြီးမင်းကအစတည်းကဂေါ်ဖီမကြိုက်ပါဘူးဆို"
ဂေါ်ဖီကဆံချည်တမျှင်စာလောက်ပဲကျန်တော့မှ ခင်တို့ကျေနပ်ကာအသုပ်ထဲထည့်နယ်တော့သည်။
အဆာပလာအစုံအလင်ထည့်ပြီးတော့ အပေါ်မှမန်ကျည်းရည်လေးအနည်းငယ်ဖျော်ထည့်လိုက်သည်။စပ်စပ်စေးစေးလေးနှင့် ပဲမှုန့်နံလေးသင်းနေသည့်စားချင်စဖွယ်ခေါက်ဆွဲသုပ်လေးရသွားပြီဖြစ်သည်။
ခေါက်ဆွဲသုပ်ပြီးတော့ ခေါက်ဆွဲသုပ်လေးနှင့်အတွဲညီသည့် လက်ဖက်ရည်ကိုကိုယ်တိုင်ဖျော်ပေးသည်။
"ကလေးလေး"
မြတ် အဝတ်အစားအကျအနဝတ်ဆင်ပြီး မနက်စာစားရန်အတွက်အောက်ထပ်သို့ဆင်းလာခဲ့သည်။
မီးဖိုထဲမှာ အလုပ်ရှုပ်နေသည့်ခင့်ကိုကြည့်ကာမြတ်ပြုံးလိုက်မိသည်။
သူ့ကလေးလေးသည် ဘာမှထွေထွေထူးထူးမပြင်ဆင်ထားသည်တောင်လှမြဲလှဆဲပင်။
ခင်သည်ဆံပင်များကိုကလစ်နှင့်ကပိုကရိုညှပ်တင်ထားပြီး အေပရွန်လေးဝတ်ကာသူ့အတွက်လက်ဖက်ရည်ကိုကိုယ်တိုင်ဖျော်ပေးနေသည်။
ESTÁS LEYENDO
My handsome Prime Minister
Romanceကိုကိုလို့ခေါ်သံချိုချိုလေးသည်မြတ်အတွက်နားထဲသံရည်ပူလောင်းချလိုက်သလိုပူလောင်လှသည်။ ဟိုကောင့်ကိုကျကိုကိုတဲ့လား ကလေးလေးရယ်။ ဒီကောင်ကဘယ်လိုခံစားရမလဲ။
