(ဒီအပိုင်းလေးကလေ တစ်ပုဒ်လုံးမှာ special အဖြစ်ဆုံးနဲ့မြတ်အတွက်အရေးပါဆုံးအပိုင်းလေးမလို့ titleမှာထဲကကို🫀💙 emoji လေးနဲ့တွဲတင်ထားတာပါရှင်)
နောက်နှစ်ရက်နေရင်ပင်ကျရောက်တော့မည့် မြတ်၏33နှစ်ပြည့်မွေးနေ့အတွက်ခင်အခုထိဘာလက်ဆောင်မှစဉ်းစားမရသေးပေ။
အမျိုးသားတစ်ယောက်ကိုပေးရန်သင့်တော်သည့်လက်ဆောင်များဖြစ်သည့် နာရီ၊ရေမွှေး၊ပိုက်ဆံအိတ်စတာတွေကိုလဲခင်ပေးရန်သဘောမတွေ့နေပေ။ဘာလို့ဆိုထိုပစ္စည်းတွေကမြတ်ဆီမှာ သုံးစွဲမကုန်တောင်နှယ်ပုံနေတာကိုခင်သိနေ၍ဖြစ်သည်။
သူတို့နှင့်မတူသည့်တစ်စုံတစ်ခုကိုဖန်တီးပေးချင်မိသည်။ခင်တစ်ခုစဉ်းစားမိတာတစ်ခုကတော့သူကိတ်မုန့်လုပ်တတ်သည်ကိုပင်။
လေယာဉ်မောင်နှင့်တွဲခဲ့လို့လားတော့မသိ အစားအစာတော်တော်များများချက်တတ်ပြုတ်တတ်သည်။ကိတ်မုန့်၊ပေါင်မုန့်လုပ်နည်းများကိုလည်း သောသင်ပေးခဲ့ဖူးသည်။သော ကျေးဇူးနှင့်တော့မုန့်ကောင်းကောင်းခင်လုပ်တတ်သည်။
"လူကြီးမင်းကချောကလက်ကြိုက်တယ်"
မြတ်မွေးနေ့မှာထူးထူးခြားခြားကြီးမလုပ်ပေးနိုင်ရင်တောင် မြတ်အတွက် ကိုယ်တိုင်လုပ်ကိတ်မုန့်လေးလက်ဆောင်ပေးရန်သာစိတ်ကူးရတော့သည်။
လက်ဆောင်ပေးသည်ဆိုတာက လိုအပ်သည့်၊လိုချင်သည့်အရာကိုပေးရမှသာ လက်ခံသူလည်းစိတ်ချမ်းသာပြီး ပေးသူမှာလည်းလက်ဆောင်ပေးတာအထမြောက်သည်ဟုခေါ်သည်။
မြတ်လိုလူမှာ ထိုကဲ့သို့ luxuryပစ္စည်းများကပိုလျှံများပြားလွန်းနေသည်။
ထို့ကြောင့်မြတ်အတွက် ကိတ်မုန့်လေးဖုတ်ပေးတာကပဲပို၍အလေးအနက်ဖြစ်စေလောက်မည်။
"အန်တီခိုင်"
"ပြောလေ တုံတုံရဲ့"
ဖုန်းကြည့်နေရာမှခင့်၏ခေါ်သံကြောင့်အန်တီခိုင်ခေါင်းမော်ကြည့်လာပြီး ပြုံးပြလျက်ဆိုလာသည်။
"ခင်တို့ဈေးဝယ်ထွက်ကြမယ်"
"အခုလား"
"ဟုတ်တယ် အခုဈေးဝယ်ထွက်ကြမယ် ဝယ်စရာတွေရှိလို့"
YOU ARE READING
My handsome Prime Minister
Romanceကိုကိုလို့ခေါ်သံချိုချိုလေးသည်မြတ်အတွက်နားထဲသံရည်ပူလောင်းချလိုက်သလိုပူလောင်လှသည်။ ဟိုကောင့်ကိုကျကိုကိုတဲ့လား ကလေးလေးရယ်။ ဒီကောင်ကဘယ်လိုခံစားရမလဲ။
