My handsome Prime Minister

7

ခေါင်းလျှော်ပြီးခါစမြတ်၏ဆံသားတို့သည်မစိုမ
ခြောက်အနေအထားတွင်ရှိနေသည်။မြတ်၏ကိုယ်ပေါ်၌ရေသီးရေပေါက်များကလဲတွဲလဲခိုနေသည်။မြတ်ခန္ဓာကိုယ်အောက်ပိုင်းတွင်ပတ်ထားသည့်တံဘက်အဖြူကိုခန္ဓာကိုယ်မှဖယ်ရှားလိုက်ပြီး ခန္ဓာကိုယ်ကိုအနည်းငယ်ရေခြောက်အောင်သုတ်၍‌ ရေချိုးပြီးဝတ်ရန်ကုတင်ပေါ်မှာအသင့်ချထားသည့် underwear အညိုရောင်ကိုဝတ်ဆင်လိုက်သည်။
ကုတင်ပေါ်တွင်အကျနဖြန့်ထားသည့်အမဲရောင် နောက်ခံပေါ်မှာအပြာရောင်ကွက်သေးသေးလေးများဖြင့်ချည်သားပုဆိုးနှင့်အတူ ထုံးစံအတိုင်းသပ်ရပ်စွာခေါက်ထားသည့်လည်ကတုံးဖြူဖွေးဖွေးတထည်နှင့်အတူ ပင်နီတိုက်ပုံတထည်ကိုလဲတွေ့ရသည်။

မြတ်မျက်နှာသုတ်ပုဝါဖြင့်ရေစိုနေသည့်ဆံနွယ်တိုများကိုခပ်ကြမ်းကြမ်းဖိသုတ်ပစ်သည်။
ထို့နောက်ဖြန့်ခင်းထားသည့်ပုဆိုးကိုလဲခါးမှာအသေချာဝတ်လိုက်သည်။ပုံစံမကျ၍မြတ်နောက်တကြိမ်ထပ်ပြင်ဝတ်လိုက်သည်။
လူကြားထဲမှာဘယ်တော့မှပုဆိုးပြင်မဝတ်တတ်သည့်မြတ်အတွက်စဝတ်ထဲကပုဆိုးကိုခါးမှာမြဲနေအောင်ဝတ်ထားရသည်။
လည်ကတုံးကိုဆင်မြန်း၍လက်စအထိကြယ်သီးများကိုတလုံးမကျန်တပ်ပြီး ပင်နီတိုက်ပုံကိုလက်ဖျံပေါ်မှာခေါက်ညှပ်လိုက်သည်။
မြတ် မှန်ထဲမှသူ့ပုံရိပ်ကိုသူအလိုမကျစွာကြည့်မိသည်။အသားညိုတာကြိုက်သည့်ခင့်အတွက်သူ့၏ဖြူဥနေသည့်အသားရေကိုမြတ်မလိုချင်တော့ပေ။ခင့်ဆီကအချစ်ခံရဖို့သူဘယ်လိုတွေပြောင်းလဲပေးရမလဲ။မျက်လုံးထဲတွင် အသားညိုညိုဖြင့်Bollywoodမင်းသားတယောက်လိုကြည့်ကောင်းလှသည့်မြတ်သော၏ပုံစံကိုမြင်ယောင်လာရင်းဝန်တိုစိတ်များကသိသိသာသာ‌ပေါ်ထွက်လာရသည်။

မြတ်သည်ကျန်းမာရေးလိုက်စားသူဖြစ်ပြီး ခန္ဓာကိုယ်ကိုအစဉ်မပြတ်ထိန်းသိမ်း
၍မြတ်၏ကိုယ်၌အဆီပိုမရှိ။မြန်မာဝတ်စုံဖြင့်ကျစ်လျစ်သောကိုယ်မှာ မို့မောက်နေသောရင်အုပ်နှင့် ကျယ်ပြန့်သောပုခုံးကျယ်တို့ကမြတ်၏ယောကျာ်းပီသမှုကိုထင်ရှားစေပြီး ပို၍ကြည့်ကောင်းစေပါသည်။
အသားအရေကဖြူဝင်းနေသည့်လူဖြစ်၍နူတ်ခမ်းထက်မှစိမ်းဖန့်ဖန့်ခပ်ရေးရေးနူတ်ခမ်းမွှေးများနှင့် ပါးချပ်ချပ်ပေါ်မှသွေးကြောမျှင်မျှင်တို့ကပေါ်လွင်နေသည်။
ဆေးလိပ်ကြိုက်လွန်းသူဖြစ်၍နူတ်ခမ်းခပ်ထူထူတစုံကတော့ညိုလျက်ရှိသည်။
မြတ် ခေါင်းလျှော်ထားခါစဖြစ်၍မစိုမခြောက်ဖြစ်နေသောဆံသားများအား Hair spray ဖြင့်တရှူးရှူးဖျန်းသည်။ခန္ဓာကိုယ်အနှံ့ကိုလဲမြတ်သူ့အကြိုက်နာမည်ကြီးတံဆိပ် ခပ်ရှရှရနံ့ဖြင့်ရေမွှေးကို
အနှံ့စွတ်ဖျန်းလိုက်၍မြတ်၏ခန္ဓာကိုယ်သည်မွှေးကြိုင်သန့်ရှင်း၍နေပါတော့သည်။
မြတ်၏ဆွဲဆောင်မှုရှိသည့်အချက်များထဲတွင်သူ့၏အမြဲတစေမွှေးပျံ့နေတတ်သည့်ကိုယ်သင်းနံ့လဲအပါအဝင်ဖြစ်သည်။