"လာ ဒီဘက်ခြေထောက်ကိုကိုယ့်ပေါင်ပေါ်တင်"
ခင်ဘာမှပြန်မဖြေရသေးခင်ပင် မြတ်သည်ကြမ်းပေါ်တင်ပျဉ်ချိတ်ထိုင်နေရင်းမှ ခင့်၏ခြေကိုဆွဲ၍သူ့ပေါင်ပေါ်တွင်တင်စေပြီးလျှင် ခြေတဖက်လုံးကိုဆရာဝန်ပေးထားသည့်လိမ်းဆေးကိုလိမ်း၍ပေးသည်။
ထို့နောက်ညင်သာစွာ ခြေသလုံးကြောတလျှောက်နှိပ်နယ်၍ပေးသည်။
လမ်းပြန်မလျှောက်နိုင်သေးသည့်ကာလမှာယခုနှင့်ဆိုတစ်လပင်ပြည့်တော့မည်ဖြစ်သည်။
အိမ်ပြန်ရောက်သည့်နေ့ထဲမှစ၍ မြတ်သည်ညမအိပ်ခင်တိုင်းခင့်၏မလှုပ်မရှားနိုင်ဖြစ်နေသောခြေအားဆေးလိမ်းကျံပေးသည်။
အပေါ့၊အလေးသွားတာကအစသူတပါးအကူညီယူနေရသည့်ခင့်အတွက်အရာရာသည်ခက်ခဲနေခဲ့သည်။
နဂိုထဲကအရှက်အကြောက်ကြီးသည့်လူဖြစ်၍ဒီလိုကိစ္စတွေကိုခင်အကူညီမတောင်းလိုပေ။
မသက်သာတော့လဲ တစ်ပါးသူကိုအကူညီတောင်းမည့်အစားလင်မယားချင်းဖြစ်နေ၍ မြတ်ကိုသာအိမ်သာအထိုင်အထတွေမှာအကူညီတောင်းသည်။
မြတ်အိမ်မှာမရှိသည့်အချိန်များသာ အန်တီခိုင့်ကိုအကူအညီတောင်းလေသည်။
ခင်ကြမ်းပေါ်မှာထိုင်လျက်နှင့်ဆေးလိမ်းပေးနေသည့်မြတ်ကိုအပေါ်မှဆီးမိုး၍ကြည့်နေမိသည်။
ယောင်္ကျားတန်မဲ့ရှည်လျားကော့ညွှတ်နေသောမျက်တောင်ရှည်များသည် မျက်ခမ်းစပ်ပေါ်အရိပ်ကျရောက်နေသည်။
ပါးပြင်ထက်ဝယ်စိမ့်ဖန့်နေသည့်ပန်းနုရောင်အကြောမျှင်လေးများအားခင်ငေးကြည့်နေမိသည်။
ဆေးလိပ်သောက်လွန်း၍ညိုနေသည့်နှုတ်ခမ်းကပင်
လေးကိုင်းသဏ္ဍာန်အလားကြည့်ကောင်းလှသည်။
အမှတ်တမဲ့ခင် ထိုယောကျာ်း၏မျက်နှာအားဆီးမိုးကြည့်နေရင်းမှသတိလက်လွတ်ပင်ငေးမောနေမိသည်အထိထိုလူကကြည့်ကောင်းလွန်းလှသည်။
ထိုစဉ်ရုတ်တရပ် အပေါ်သို့မော့ကြည့်လာသည့်မြတ်၏မျက်ဝန်းနှင့်ခင်အကြည့်ချင်းဆုံသွားသည်။
သူ့ကိုစိုက်ကြည့်နေသည့်ခင့်၏မျက်လုံးများကိုမြတ်တွေ့ရှ်ိသွား၍ ခင်ရှက်ကိုးရှက်ကန်းဖြင့်မျက်နှာကိုလွှဲလိုက်မိသည်။
မြတ်ကတော့သတိထားမိပုံမရပေမယ့် ခင်သူ့ဟာသူရှက်ကိုးရှက်ကန်းဖြစ်နေလေသည်။
YOU ARE READING
My handsome Prime Minister
Romanceကိုကိုလို့ခေါ်သံချိုချိုလေးသည်မြတ်အတွက်နားထဲသံရည်ပူလောင်းချလိုက်သလိုပူလောင်လှသည်။ ဟိုကောင့်ကိုကျကိုကိုတဲ့လား ကလေးလေးရယ်။ ဒီကောင်ကဘယ်လိုခံစားရမလဲ။
