My handsome Prime Minister

Extra-1🔞

(ဒီအပိုင်းက Adult scene 🔞လေးဖြစ်နေတာမလို့ ဖတ်ဖို့အဆင်မ‌ပြေတဲ့readerများ ကျေးဇူးပြုပြီးကျော်ဖတ်ပေးဖို့ request လုပ်ပါတယ်ရှင်။)

"လူကြီးမင်း ဒီပုံလေးလှလား"

"လှတယ်ကလေးရဲ့"

ခင် iPadထဲမှကြိမ်ခုံဝိုင်းလေးတစ်လုံးပုံကိုမြတ်ကိုပြရင်းမေးလိုက်သည်။
ခင် အားသည့်အချိန်တွေဦးအောင်၏ကြိမ်ပရိဘောဂဆိုင်မှာသွားကူတတ်သည်။
လက်ထပ်ပြီးနောက်မှာမြတ်ကဦးအောင်အတွက် မြို့လယ်ကအချက်ချာကျသောဆိုင်ခန်းတစ်ခုဖန်တီးပေးခဲ့သည်။ထို့ကြောင့်အရင်လိုဆိုင်ခန်းငှားခအတွက်လည်းမပူရတော့ပေ။
ဦးအောင်၏လုပ်ငန်းသည် မြတ်၏အကူညီပေးမှုဖြင့် ပြန်လည်ဦးမော့လာနိုင်ခဲ့သည်။
ခင်သည်လည်းအိမ်မှာအားနေသည့်ကာလဖြစ် ၍နေ့လယ်နေ့ခင်းဆိုဆိုင်မှာသွားကူတတ်သည်။

"ဒီထိုင်ခုံလေးရောရိုက်ထားတာလှရဲ့လား"

ခင် ဦးအောင်၏ဆိုင်ကိုအရောင်းမြှင့်တင်ရန်အတွက် online မှာပါ business pageထောင်ထားပြီး ထိုpageတွင်ကြော်ငြာရန်သူရိုက်လာသည့်ပုံလေးများအားတင်ဖို့ရွေးနေတာဖြစ်သည်။ဓာတ်ပုံတိုင်းနီးပါးကတော့အဆင်ပြေပေမယ့် ဝယ်သူအမြင်မှာစွဲမက်ဖွယ်ဖြစ်စေရန်မြင်တာနှင့်တခါတည်းသဘောကျစေလောက်မည့်ပုံစံမျိုးဖြစ်နေသည့်ဓာတ်ပုံကိုရွေးချယ်နေရသည်။
အလုပ်များနေသည့် ခင့်ကိုမြတ်ကဘေးမှာထိုင်ကာအသီးစိတ်များကိုခွံ့နေလေသည်။
အချိန်ကည10နာရီကျော်နေပြီဖြစ်သည်။မြတ်က ဒီနေ့ကွင်းဆင်းရ၍တနေကုန်ပင်ပန်းလာပြီဖြစ်၍အိပ်ချင်နေပြီဖြစ်သည်။သို့သော်ဘေးကဆရာသမားလေးကတော့ သွက်လက်ဖျတ်လက်နေကာအလုပ်လုပ်၍ကောင်းဆဲပင်။

"အာ ဟ"

"....."

မြတ် ခင့်၏ပါးစပ်အတွင်းသို့လိမ္မော်သီးတစိတ်ခွံ့လိုက်သည်။ထို့နောက်ခင့်၏ပုခုံးပေါ်တွင်သူ့မှေးဖျားလေးတင်၍ ခင့် iPad ကိုကျော်ကြည့်ကာ

"ပြီးတော့မှာလားဟင်"

"မပြီးသေးဘူးလေ လူကြီးမင်းရဲ့"

"မနက်မှလုပ်ပါလားကလေးရယ် နော်"

တိုးဖျဖျဆိုလာသောမြတ်၏စကားသံကြောင့် ခင်screenမှအကြည့်ခွာ၍မြတ်ထံလှည့်လိုက်တော့ မြတ်၏မျက်လုံးများသည်‌မှေးစင်းနေသည်ကိုတွေ့ရသည်။