(2)
"မောင်တို့ရွာမှာလေ ဘာ..ဘာတွေပေါတယ်?
ပင်ထနောင်းရယ် ထန်းပင်တွေရယ်
မန်ကျည်း ဝါးပင် ပေါပါတယ်ဗျ..."
ဝေဟင် စာကျက်မည်အပြုတွင်ကြားရသော အသံတို့ကြောင့် စိတ်ရှုပ်သွားရသည်..ယောသားတွေများ အမှတ်သည်းခြေမရှိလိုက်တာ...ပါမောက္ခကြီးကဖြင့် အဆောင်မှာ ရောက်နေတုန်း...
"ပင်..ပင်နီချောရယ်နဲ့
ယောလုံချည် ယောလုံချည်
မောင့်ချစ်သူလေးကိုလ
ဆင်ပေးချင်သည် လှစေချင်သည်..
လိုက်ခဲ့ပါလားကွယ်..ပစ်မခွဲလေ..
ပင်ပန်းရင်လဲ မောင့်ရင်မှာအပန်းဖြေ
သွားအတူတူ လာအတူတူ
ယုယုယယမောင်ချစ်မှာပါလေ... "
ဇာနည်လင်းယုန်ဟူသည့်လူသားအား ဝေဟင် လက်တင်မက ခြေပါခါရပါသည်..
ဒီသီချင်းတစ်ပုဒ် ကိုသာလာလာဆိုနေသော ယောက်ျားသည် ရူးများနေသလား...
ချစ်ကြောင်းကြိုက်ကြောင်းရယ်လဲမပါဘဲ အိမ်အရောက်ခေါ်ချင်နေသည်ပဲလား...
"အရူးကောင်!
.
.
.
"ဟေ့ကောင်တွေ ပြေးရဲတဲ့သူပြေးစမ်း"
လေးယောက်သားအားရပါးရ သီကျူးနေစဥ် ပါမောက္ခ ဓာတု စာဥ...အဲ ကြာဦးအားမြင်လိုက်ရသည်မို့ ပြေးမည်ကြံသေး..နောက်ထပ်ထွက်ပေါ်လာသောစကားကြောင့် လေးယောက်လုံး ခြေလှမ်းတွေရပ်ပြီး မချိပြုံးလေးပြုံးကာ ပြုံးဖြီးဖြီး...
"မင်းတို့ကောင်တွေ...အားယားနေပလား..ဘယ်နှယ့်အရှက်မရှိ ယောက်ျားဆောင်ကိုများ သီချင်းဆိုရတယ်လို့"
"မိန်းကလေးဆောင်ဆိုရင်တော့ အရှက်ရှိတာပေါ့နော်"
သာစည်အောင်ရဲ့ ပက်ခနဲစကားကြောင့် ကျန်သုံးယောက်က ပြာပြာသလဲ သာစည်အောင်ပါးစပ်ကိုပိတ်ကြသည်..ပါကြီးကအတော်လေးဒေါသထွက်နေပုံရပါသည်..လင်းယုန် အဆောင်ပေါ်က ထွက်ကြည့်နေသူများကို မသိမသာလက်သီးပြတော့ အလျှိုလျှိုပြန်ဝင်သွားကြလေသည်..ထိုအခါမှပြုံးရင်းပါကြီးကို မျက်နှာပြန်လုပ်ရသည်.
"ငါ့များပြန်ပြောနေသေးတယ်..မင်းတို့ကောင်တွေ အတော်မိုက်လုံးကြီးနေပါပေါ့လား"
"မဟုတ်ရပါဘူး ပါကြီးရယ်...ကျုပ်တို့က အပျော်သီချင်းဆိုလာတာပါ"
YOU ARE READING
ချစ်ယောမြေမှ မောင့်အမောပြေ (ခ်စ္ေယာေျမမွ ေမာင့္အေမာေျပ )
Romance"မောင့်ဝေဟင် အကြည်ပန်းမနွမ်းရွာကပန်းတွေဘာလို့မနွမ်းလဲသိလား" "ပန်းတွေပေါလို့မလား" "ဟင့်အင်း..မောင့်ဝေဟင်ရှိနေလို့ပါ" (မောင့်ကိုချစ်ခင်ပါ မြတ်နိုးပါ မေတ္တာရှိပါလေ... မောင့်ကိုပဲ ချစ်ခင်ပါ မြတ်နိုးပါ သစ္စာရှိပါလေ) Myanmar Oc started Date (10.9.2323) E...
