Uni.....
"မောင့်ဝေဟင် တန်ဆောင်တိုင်ညရောက်တော့မယ်"
ဝမ်းသာအားရပြောလာသူကြောင့် ဝေဟင်တွေးဆဆဖြစ်သွားရသည်..တန်ဆောင်တိုင်ညရောက်တာ ဒီလောက်ပျော်စရာကောင်းသလား..
"အဲ့ဒီတော့..."
"သူခိုးကြီးညလေ..ဟီးဟီး ပျော်စရာကြီး"
သူ့ပုံစံကြောင့် ဝေဟင်ပင်ရယ်မိသွားသည်..ဘာတွေဒီလောက်ပျော်နေတာလဲ..
"သူများပစ္စည်းခိုးရမှာ ဒီလောက်ပျော်သလား"
"မဟုတ်တာ..ရွာမှာ သူခိုးကြီးညဆို ပစ္စည်းခိုးရုံတင်မကဘူး..ဂယက်တွေအများကြီးရယ်..."
"ဘာဂယက်တွေလဲ"
"မနက်ဖန်ညသိလိမ့်မယ်"
ဝေဟင်တစ်ယောက် မျက်မှောင်ကြုံ့သွား၏..ပြောစရာရှိတာပြောလိုက်တာမဟုတ်ဘူး
"အမေရော"
"နှင်းဆီပင်ရေလောင်းနေတယ်"
"မင်းကလဲ..ဘာလို့အမေ့ကိုလောင်းခိုင်းတာလဲ"
ဝေဟင် ဘုတောတောလိုက်သည်... ကိုယ်ကစိုက်ထားပြီး အမေ့ကိုအလုပ်ပိုစေပြီ
"မလောင်းခိုင်းပါဘူး..သူ့သူလောင်းတာ"
"အော်..မလောင်းခိုင်းပေမယ့် မင်းမလောင်းရင် အမေလောင်းတော့မှာပေါ့"
"အမယ်လေး..စကားမများကြပါနဲ့ ဘယ်သူလောင်းလောင်းပေါ့..ဘာမှမဖြစ်ဘူး..နှင်းဆီပင်ကဖြစ်ခဲပါဘိနဲ့"
အခြောက်တောဖြစ်၍ နှင်းဆီပင်တို့ကဖြစ်ရန်ခက်ခဲလှသည်..
"သေချာဂရုစိုက်ကြ"
"ဟုတ်ကဲ့"
နှစ်ယောက်သားပြိုင်တူပြောလိုက်သည်..သို့သော်လဲ မေ့ဦးမှာပင်...
.
.
လပြည့်နေ့ ညနေရောက်တော့ ရွာထဲဆိုင်းသံဗုံသံတွေဖြင့်ကျွတ်ကျွတ်ဆူနေတော့သည်
"မောင်လေး အမေနဲ့မဏ္ဍပ်လိုက်ခဲ့မလား..အမေ မုန့်ချိုသွန်းနှင့်မုန့်ဆီကြော်တွေပို့ချေမလို့"
ဝေဟင်ခေါင်းသာခါပြလိုက်သည်..
"လိုက်ခဲ့...ဟိုမှာ မင့်ယောက်ျားရောရှိတယ်"
YOU ARE READING
ချစ်ယောမြေမှ မောင့်အမောပြေ (ခ်စ္ေယာေျမမွ ေမာင့္အေမာေျပ )
Romance"မောင့်ဝေဟင် အကြည်ပန်းမနွမ်းရွာကပန်းတွေဘာလို့မနွမ်းလဲသိလား" "ပန်းတွေပေါလို့မလား" "ဟင့်အင်း..မောင့်ဝေဟင်ရှိနေလို့ပါ" (မောင့်ကိုချစ်ခင်ပါ မြတ်နိုးပါ မေတ္တာရှိပါလေ... မောင့်ကိုပဲ ချစ်ခင်ပါ မြတ်နိုးပါ သစ္စာရှိပါလေ) Myanmar Oc started Date (10.9.2323) E...
