Uni....
"ဝေဟင်ရေ..မောင့်ဝေဟင်"
ဇာနည်လင်းယုန် တစ်ယောက် အိမ်ပြန်လာရင် ခြံဝကတင် ချစ်သက်ညှာကိုအော်ခေါ်ရတာ အကျင့်ပါနေလေပြီ..တောကပြန်ရောက်ရောက်ချင်း အမောပြေဆေးလေးကိုမြင်ချင်၍ပေ..
"မောင့်ဝေဟင်..."
အိမ်ပေါ်ရောက်သည်ထိပင် ပြန်ထူးသံမကြားသည်ကြောင့် ဇာနည်လင်းယုန်ခမျာ သည်းမခံနိုင်တော့ဘဲ အိမ်ပေါ်ပြေးတက်ခဲ့တော့သည်..သို့သော် ဝရံတာတွင်မျက်စိမျက်နှာပျက်ဖြင့်ထိုင်နေသည့် မာတာမိခင်ဒေါ်ခင်ကြည်ကိုသာမြင်ရလေသည်..
"အမေ..ကျုပ်ဝေဟင်ရော.."
အမေက တဟိုဟိုတအင်အင်နဲ့ အင်တင်တင်လုပ်နေသည်မို့ လင်းယုန်စိတ်မရှည်တော့ဘဲ အိမ်ထဲကိုယ်တိုင်ဝင်လာကာသာကြည့်လိုက်သည်..
"ဝေဟင်..မရှိပါဘူးကား..အမေ ဝေဟင်ဘယ်သွားတာလဲ"
သူ့ယောက်ျားကိုသာ တစာစာမေးနေသည့် သားဖြစ်သူကြောင့် ဒေါ်ခင်ကြည်စိတ်မကောင်းဖြစ်လာရသည်..မပြောချင်သော်ငြား မပြောမဖြစ်မို့ အသံတိမ်တိမ်ဖြင့်ပြောလိုက်ရသည်..
"သူ့အိမ်ကလာပြန်ခေါ်သွားပြီ"
ထိုစကားကြောင့်သားဖြစ်သူ၏ပြောင်းလဲသွားသည့် မျက်နှာထားကြောင့် ဒေါ်ခင်ကြည်စိတ်မကောင်းဖြစ်ရပါသည်..
"အမေ..မစနဲ့..ဝေဟင်ဘယ်သွားတာလဲ"
"မင်းမလာခင်ကတင်ဘဲ..သူ့အမေက ကားနဲ့လာခေါ်တာ"
"အမေ..မညာနဲ့နော်"
ဒေါ်ခင်ကြည်အမှန်ပြောနေတာပင်...သားဖြစ်သူနဲ့ရှေ့ဆင့်နောက်ဆင့်ပင် ထွက်သွားကြတာဖြစ်သည်..ကိုယ့်သားလိုဖြစ်နေပြီမို့ ပြန်မလွှတ်ချင်သော်လည်း သူ့သဘောကိုလက်ခံရလေသည်...
"အဟုတ်ပြောတာ..မင့်ယောက်ျားကို သူ့အမေလာခေါ်သွားပြီ..မင့်ယောက်ျားလဲပြန်လိုက်သွားပြီ"
"အမေ..ဝေဟင်..ကျုပ်ဝေဟင်ကဘာမှပြောမသွားဘူးလား..ဒီတိုင်းလိုက်သွားတာလား"
"ကောင်လေးကဘာမှမပြောဘူး..သူ့အမေကိုမြင်တာနဲ့တည်တည်ငြိမ်ငြိမ်ပဲပြန်လိုက်သွားတာ"
YOU ARE READING
ချစ်ယောမြေမှ မောင့်အမောပြေ (ခ်စ္ေယာေျမမွ ေမာင့္အေမာေျပ )
Romance"မောင့်ဝေဟင် အကြည်ပန်းမနွမ်းရွာကပန်းတွေဘာလို့မနွမ်းလဲသိလား" "ပန်းတွေပေါလို့မလား" "ဟင့်အင်း..မောင့်ဝေဟင်ရှိနေလို့ပါ" (မောင့်ကိုချစ်ခင်ပါ မြတ်နိုးပါ မေတ္တာရှိပါလေ... မောင့်ကိုပဲ ချစ်ခင်ပါ မြတ်နိုးပါ သစ္စာရှိပါလေ) Myanmar Oc started Date (10.9.2323) E...
