Uni...
"ဘယ့်နှယ်ကွာ..ကြက်ကိုများ ခိုးရသလို့!
နေပြည့် သာစည်အောင့်အဖေအား မချိပြုံးလေးသာပြုံးပြနိုင်တော့သည်..ထင်သည့်အတိုင်းပင် အိမ်ပြန်ရောက်တော့ ကြက်ရှင်က အိမ်ရောက်နေနှင့်ပြီးတိုင်တန်းထားနှင့်ပြီဖြစ်သည်..သာစည်အောင်ကသာ စပ်ဖြီးဖြီးလုပ်နေပေမယ့် နေပြည့်ခမျာ ရှက်တာရော ကြောက်တာရောမို့ ငိုချင်သလို...
"သာစည်အောင်..မင့်ပယောဂမကင်းဘူးမလား..နေပြည့်ကတော့လုပ်မှာမဟုတ်ဘူး"
"ဟာ..ဘယ့်နှယ်ကွာ အဘရာ သူ့သူကြက်သားစားချင်လို့ ခိုးတာကို..!
"သာစည်အောင်မောင်း မင်းအကြောင်းငါမသိရင်ခက်မယ်..နေပြည့်ပြောစမ်း သူခိုင်းတာမလား!
"အဲ့လိုတော့လဲမဟုတ်ပါဘူး..ကျွန်တော်ကိုက လိုလိုလားလားလုပ်တာပါ.."
နေပြည့် ခေါင်းလေးငုံ့ရင်းပြန်ပြောမိသည်..
"အဘကလဲ ကြက်ကခိုးလိုက်ရတာလဲမဟုတ် ..အပြောကခံရသေး..!
"သာစည်အောင်!
"အဘကလဲ...နေပြည့်က ဘာသိမှာလဲ ပိုင်ရှင်မသိဘူးထင်လို့နေမှာပေါ့..သည့်လောက်အပြစ်မဆိုပါနဲ့!
သာစည်အောင် အမေက အိမ်ထဲမှ ရေနွေးကြမ်းဗန်းကိုကိုင်ကာထွက်လာရင်းပြောသည့်အခါ သာစည်အောင်က ထောက်ခံသယောင် ခေါင်းတငြိမ့်ငြိမ့်... နေပြည့်မှာသာ မနေတတ်မထိုင်တတ်..
"အမေကြီး..မင့်ဘာသိလို့လဲ..ဒါ မင့်သားခိုင်းတာမှန်းသိသာနေတာ!
"အို..ကျုပ်သားက ခိုင်းရင်ခိုင်းတယ်ပြောမှာပေါ့..နေပြည့်..မင့်ကပိုင်ရှင်မရှိဘူးထင်လို့ လုပ်တာ..ဟုတ်တယ်မလား!
နေပြည့်ဘက်ကို ကြည့်ရင်းပြောလာသည်မို့ နေပြည့် ယောင်နနခေါင်းငြိမ့်ပြလိုက်သည်..
"ပြောသားပဲ..ကျုပ်သားက ဒီလိုမျိုးတွေခိုင်းပါ့မလား."
သူ့သားဘက်ကိုကာဆီးနေသော သာစည်အောင့်အမေအား နေပြည့်ဆလံသရပါသည်... သာစည်အောင်က အမေနဲ့တူတာကိုး...
နောင်များ ဒီအိမ်မှာနေရလို့ကတော့ ဒီသားအမိနဲ့တင် ငါပြားလောက်တယ်..စိတ်ထဲမှတွေးရင်း သက်ပြင်းသဲ့သဲ့သာချမိသည်..
YOU ARE READING
ချစ်ယောမြေမှ မောင့်အမောပြေ (ခ်စ္ေယာေျမမွ ေမာင့္အေမာေျပ )
Romance"မောင့်ဝေဟင် အကြည်ပန်းမနွမ်းရွာကပန်းတွေဘာလို့မနွမ်းလဲသိလား" "ပန်းတွေပေါလို့မလား" "ဟင့်အင်း..မောင့်ဝေဟင်ရှိနေလို့ပါ" (မောင့်ကိုချစ်ခင်ပါ မြတ်နိုးပါ မေတ္တာရှိပါလေ... မောင့်ကိုပဲ ချစ်ခင်ပါ မြတ်နိုးပါ သစ္စာရှိပါလေ) Myanmar Oc started Date (10.9.2323) E...
