Uni....
.
.
.
ယောဒေသ၏ အဓိကဂုဏ်ဆောင်ဖြစ်သော ယောဘုရားကြီးသည် ယောမြို့ရွာတွင်တည်ရှိပြီး တစ်နှစ်တစ်ခါယောဘုရားပွဲကိုကျင်းပလေ့ရှိကြသည်...
ယခုနှစ်ယောဘုရားပွဲသို့လဲ ယောဒေသမှ ယောသားယောသူအပေါင်းသွားရောက်ကြမည်ဖြစ်သည်
"မောင့်ဝေဟင်...ရိုးရိုးလေးပဲဝတ်တာတောင်ဆန်းနေတုန်း"
"မင်းစကားကလဲကွာ"
လည်ကတုံးအဖြူနဲ့ယောပုဆိုးကို ပုံမှန်အတိုင်းပဲဝတ်ဆင်ထားသော်လည်း ချစ်ရသူအတွက်ကတော့ တစိမ့်စိမ့်ကြည့်ရင်း တသိမ်သိမ့်ကြည်နူးချင်စရာ...
"ယောမြို့ကလှမ်းတယ်..ဝေဟင်ဗိုက်ဆာနေမလားဘဲ"
မုန့်စိုမုန့်ခြောက်တွေကိုသိမ်းကျုံးထည့်ရင်းကိုပင် ပြောနေသေးသော ယောသားလေးပင်...
"မဆာပါဘူး..အမေပြောတာ နေ့လည်မတိုင်ခင်ရောက်မှာဆို..ဆာလဲမင်းထည့်ထားတာနဲ့တင်လောက်နေပါပြီ"
"မောင်ကဝေဟင့်အတွက်တွေးတာပါ"
"အင်းပါ..ဟုတ်ပါပြီ..အခုတော့အမေ့ကိုသွားကူချေအုန်း...ဟိုမှာ လှည်းကိုခင်းပြီးတင်စရာတွေတင်ရမယ်ထင်တယ်"
"ဟုတ်ကဲ့ပါဗျာ "
ဇာနည်လင်းယုန်ထွက်သွားတော့မှ ဝေဟင်လဲအခန်းထဲမှထွက်ကာ မှန်တင်ခုံရှေ့ထိုင်ကာ ရှေ့သို့ခပ်အုပ်အုပ်ကျနေသော ဆံပင်တို့ကို ဘေးခွဲကာ ပိကပ်နေအောင်ဖြီးလိုက်သည်...
မှန်ထဲကြည့်ရင်း ကိုယ့်ကိုယ့်ကိုယ်ကျေနပ်နေမိသည်...
"ဇာနည်လင်းယုန်ကိုပိုင်ခွင့်ရခဲ့တဲ့လူပဲ"
မှန်ထဲမှကိုယ့်ပုံရိပ်ကိုယ်ကြည့်ကာပြောပြီးမှ ရှက်ရယ်ရယ်မိသေးသည်...
"မောင့်ဝေဟင်..သွားကြမယ်လေ"
ဇာနည်လင်းယုန်က နွားလှည်းပေါ်ကိုအသင့်နေရာယူပြီးမှအော်သောကြောင့် ဝေဟင်လဲ ခပ်သွက်သွက်လေးသွားကာ လှည်းပေါ်တက်လိုက်သည်
"မောင်လေး..တင်တွေနာနေမလားမသိ..အမေ အခင်းသွားယူရမလား"
သွားရမည့်လမ်းက ကျောက်ခင်းလမ်းဖြစ်သည်မို့ လှည့်ကဆောင့်မှာပင်..
YOU ARE READING
ချစ်ယောမြေမှ မောင့်အမောပြေ (ခ်စ္ေယာေျမမွ ေမာင့္အေမာေျပ )
Romance"မောင့်ဝေဟင် အကြည်ပန်းမနွမ်းရွာကပန်းတွေဘာလို့မနွမ်းလဲသိလား" "ပန်းတွေပေါလို့မလား" "ဟင့်အင်း..မောင့်ဝေဟင်ရှိနေလို့ပါ" (မောင့်ကိုချစ်ခင်ပါ မြတ်နိုးပါ မေတ္တာရှိပါလေ... မောင့်ကိုပဲ ချစ်ခင်ပါ မြတ်နိုးပါ သစ္စာရှိပါလေ) Myanmar Oc started Date (10.9.2323) E...
