Uni..
"ကောင်လေးရယ်..ထိုင်နေပါ..ဇာနည်လင်းယုန်က ပြန်ခဲ့တော့မှာပါ..အိမ်ရှေ့က လေတဖြူးဖြူးနဲ့ ဆောင်းမြီးခါးတွေ သည်းနေပါ့မယ်"
အမေကြည်က ရေနွေးကြမ်းသောက်နေရင်းမှဆိုလေသည်မို့ ဝေဟင် အမေကြည်အနားထိုင်လိုက်သည်..
နေဝင်ပြီးလို့ မှောင်ရိပ်သန်းနေပြီဖြစ်သော်ငြား ဇာနည်လင်းယုန်၏ အရိပ်အယောင်မျှပင် မမြင်ရသေးပေ...ထို့ကြောင့် ဝေဟင် ထိုင်ရခက်..ထရခက်...
"စိတ်မပူနဲ့..ဒီလိုနောက်ကျတာမဆန်းဘူး"
"စိတ်မပူပါဘူး"
ဝေဟင့်စကားကြောင့် အမေကြည်က ရယ်ရင်းခေါင်းငြိမ့်လေသည်..
"မပူဘူးဆိုလဲ ပြီးတာပဲ..ပူရင်လဲ ဘာဖြစ်လဲ ..ကိုယ့်ယောက်ျားပဲမလား"
ဝေဟင် ဘာစကားမှပြန်မပြောဘဲ မျက်လွှာချထားလိုက်သည်..
"ကောင်လေး..ဒီမှာပျော်သလောက်နေ..တစ်သက်လုံးနေချင်လဲ ရတယ်..ပြန်ချင်ပြီဆိုလည်း မင့်သဘောပေါ့ကွယ်"
ဝေဟင်အားနာနာနဲ့ပင် ထပ်ခေါင်းငြိမ့်ပြလိုက်သည်..
"ဒို့မောင်လေးကတော့ မင့်ကို အတော်ခင်တွယ်ရှာတာ."
"ဟုတ်..ကျွန်တော်နားလည်ပါတယ်"
"ကဲ ထားပါ..ထားပါ..ရေနွေးလေးသောက် မုန့်လေးစား..မုန့်က မင့်အရီးလေး ခင်ရီလာပေးသွားတာ...ကောင်လေးစားစေရအောင်လို့တဲ့..မုန့်ဆတ်ခိုင်တွေ"
စကားလမ်းလွှဲကာ မုန့်ပန်းကန်ကိုရှေ့သို့တိုးပေးရင်း ပြောသော အမေကြည်..
ဝေဟင်လဲ မုန့်ကိုသာယူစားလိုက်သည်..
ချိုစိမ့်စိမ့်လေးနဲ့ အတော်စားကောင်းသည်..မုန့်က ယောဓလေ့အစားအစာတစ်ခုဖြစ်မှန်းသိသာသည်က ထန်းလျက်ကြောင့်ဖြစ်မည်..ဝေဟင် သိထားသလောက် ဒီကလူတွေက သကြားမသုံးကြပေ..သကြားအစား ထန်းလျက်ကိုသာ ဒိုင်ခံသုံးစွဲကြလေသည်..
"ကြိုက်တယ်မလား"
"ဟုတ်"
"ကြိုက်ရင်စား..အများကြီးလဲမစားနဲ့အုန်း..ညနေစာမစားနိုင်နေအုန်းမယ်"
ဝေဟင်ခေါင်းလေးငြိမ့်ပြလိုက်သည်..ကိုယ့်ကိုစေတနာနဲ့ပြောမှန်း ဝေဟင်နားလည်သည်မို့..
YOU ARE READING
ချစ်ယောမြေမှ မောင့်အမောပြေ (ခ်စ္ေယာေျမမွ ေမာင့္အေမာေျပ )
Romance"မောင့်ဝေဟင် အကြည်ပန်းမနွမ်းရွာကပန်းတွေဘာလို့မနွမ်းလဲသိလား" "ပန်းတွေပေါလို့မလား" "ဟင့်အင်း..မောင့်ဝေဟင်ရှိနေလို့ပါ" (မောင့်ကိုချစ်ခင်ပါ မြတ်နိုးပါ မေတ္တာရှိပါလေ... မောင့်ကိုပဲ ချစ်ခင်ပါ မြတ်နိုးပါ သစ္စာရှိပါလေ) Myanmar Oc started Date (10.9.2323) E...
